Feeds:
Antradas
Comentairos

Posts Tagged ‘Llingua’

A l’Academia de la Llingua Asturiana cellebra’l vienres 10 de xunu, a les 12 la mañana, nel nuevu llar social (cai L’Águila 10, d’Uviéu), l’actu d’entrega de los premios a los ganadores de los Concursos de l’Academia de la Llingua Asturiana 2011: «Concursos d’Investigación (de recoyida de material toponímico y de léxicu asturianu)», «Concursu de llectures pa rapazos», «Concursu de creación lliteraria, premiu “Llorienzu Novo Mier”», «Concursu de material lliterario escrito, premiu “Federico González-Fierro Botas”» y «Concursu de Teatru».

(d’Infoasturies, 09-06-2011)

Read Full Post »

El día 27 de mayu va pesllar La Casa Posafuelles. El chigre de la Xunta pola Defensa de la Llingua Asturiana pieslla depués de seis años (más añu y picu, si se cuenta el so chigre predecesor, El Naranco). Según comunica la organización, diferentes circunstancies normatives y, sobre manera, económiques qu’afecten al local actual, fáen-yos optar pol pieslle temporal a la espera de topar con un sitiu y unes condiciones más afayadices.

(more…)

Read Full Post »

J. G. CASO

La Academia de la Llingua Asturiana convoca para el próximo día 28 de mayo una prueba de conocimiento que será la primera de las dos previstas para este año.

El plazo de matrícula comienza mañana lunes y permanecerá abierto hasta el jueves 26 de mayo, dos días antes de que tenga lugar la prueba, que se desarrollará a las nueve y media de la mañana en la facultad de Formación del Profesorado y Educación de Oviedo. La convocatoria de esta prueba, tal y como explica la propia Academia de la Llingua, responde al interés existente entre aquellas personas que quieren ver reconocido de forma oficial su conocimiento del asturiano. La prueba, cuya superación acreditará la Academia a través de un documento oficial, tendrá dos partes. La parte escrita incluirá un dictado, una redacción y ejercicios gramaticales. Los alumnos deberán demostrar también su dominio oral de la llingua asturiana.

(de La Voz de Asturias, 15-05-2011)

Read Full Post »

La lluvia paró esti vienres pa permitir que la Manifestación pola Oficialidá percorriera la cai Uría d’Uviéu ensin problemes. Miles de persones salieron un poco más tarde de los programao tres de delles pancartes d’organizaciones como la Xunta pola Defensa de la Llingua Asturiana, qu’organizaba la yá tradicional manifestación, Unión URAS-PAS, Izquierda Xunida-Los Verdes d’Asturies, Bloque por Asturies-UNA, Conceyu Abiertu, CSI Mocedá, SUATEA, CCOO Enseñanza, Trafego, Xunta Moza, Darréu, Mocedá Bloque-UNA y PCPE-CMC.

Amás, otres organizaciones tuvieron presentes ensin pancarta, incluyíos miembros de Foru Asturies, el partíu d’Álvarez Cascos, como ye’l casu d’Inaciu Iglesias o Xicu Yepes, o de Frente de la Izquierda.

(more…)

Read Full Post »

La Xunta pola Defensa de la Llingua Asturiana acaba de facer públicu’l lema y cartelu de la Manifestación pola Oficialidá del Día de les Lletres Asturianes 2011, que comenten “tien que ser una xornada de fiesta pa la lliteratura asturiana pero tamién ye un momentu pa facer balance de la situación del idioma y pa reivindicar un estatus d’igualdá pa tola ciudadanía que quier usar l’asturianu como la so llingua de cada día”. Amás, recuerden qu’esti añu “tamos a pocos díes d’unes elecciones onde vamos poder escoyer diputaos y diputaes pa la Xunta Xeneral: eses persones van tener la responsabilidá hestórica d’aprobar un estatutu d’autonomía p’Asturies que recueya la oficialidá de la llingua asturiana”. Por ello, albidren que ye’l momentu de “da-y al play”, de movilizase pa poder exercer los nuestros derechos y posibilitar la salvación del asturianu. La manifestación va celebrase’l vienres 6 de mayu, a les siete y media la tarde, n’Uviéu.

(more…)

Read Full Post »

Nestos momentos, la Estaya de la Llingua d’Avilés tien en marcha tres campañes de promoción de l’asturianu. Una d’elles, que comparte con otros siete conceyos, ta destinada a la mocedá col eslogan ‘Ruempi col machismu’.

Esta campaña contra’l machismu consiste nel repartu de camisetes, chapes y cartelos col lema ‘Na igualdá tas que ruempes: ¡Ruempi col machismu!’. Nel casu de los neños y neñes de Primaria, van repartise pegatines y un decálogu del xuguete non sexista col lema ‘Na igualdá nun quedes fuera xuegu’. Taamién pa los más mozos ta destinada otra campaña de la Estaya de la Llingua d’Avilés: El mio primer vocabulariu. Trátase de la segunda parte de la iniciaiva del 2010, que consistió en 6 modelos de cartelos diferentes con vocabulariu básicu n’asturianu rellacionáu cola fauna, la flora, la ropa, la casería y les estaciones del añu. Agora complétase con unes mariquites col vocabulariu de la ropa y unos roscos colos nomes de dellos animales.

(more…)

Read Full Post »

XICU ARIZA

La Xunta pola Defensa de la Llingua Asturiana entama otru añu más un cursu d’asturianu n’Uviéu. Les clases van arrancar el próximu 27 de xineru nel Llar Solidariu d’Uviéu.

El cursu tien 60 hores de duración y, como afirmen dende la organización, nél “los y les alumnos y alumnes van poder deprender el bon usu del idioma tanto a nivel escritu como oral”.

(more…)

Read Full Post »

L’Academia de la Llingua Asturiana (ALLA) abrió’l plazu pa presentase a la primer convocatoria del 2011 pa la prueba cola que se llogra la certificación de conocencia básica de llingua asturiana. La matrícula pue formalizase hasta’l día 28 de xineru (la segunda convocatoria va ser nel mes de mayu). A les persones declaraes aptes nes pruebes mentaes l’Academia va da-yos un documentu onde s’afite la conocencia nel nivel 1 o básicu, según calces siguíos por esta Institución.

(more…)

Read Full Post »

Como ye vezu per estes feches tolos años, l’Academia de la Llingua Asturiana convoca los sos concursos, que tienen como finalidá lo mesmo l’estudiu y afondamientu na conocencia de la llingua’l país qu’encontrar na so normalización social.

En total son ocho les convocatories feches, que traten aspectos y temes bien estremaos unos d’otros: investigación (material toponímico, léxicu asturianu, investigacion llingüística –que tenga aspectos llingüísticos o sociollingüísticos d’Asturies como oxetu d’estudiu– y lliteratura asturiana –oral y escrita–), lliteratura infantil y xuvenil (llamáu «Llectures pa rapazos» y dixebráu según les obres sían pa Enseñanza Primaria o Enseñanza Secundaria y Bachilleratu; pueden presentase cuentos, rellatos, poesía, teatru, métodos de deprendimientu d’asturianu, etc.), creación lliteraria en prosa o versu (Premiu «Llorienzu Novo Mier»), recoyida de material lliterario oral, teatru, recoyida de material lliterario escrito (Premiu «Federico G.-Fierro Botas»), curtios cinematográficos y cómics.

(more…)

Read Full Post »

La Oficina Municipal de la Llingua de Xixón convoca’l Concursu de Música y Llingua pa Xente Mozo Que suene la llingua. El so oxetivu ye axuntar la llingua asturiana y la música pa crear un cantar que valga d’himnu pa los futuros Alcuentros de la Mocedá cola Llingua. Van poder presentase grupos de cualquier estilu de música, de xente mozo d’hasta 20 años empadronao nel conceyu de Xixón.

Quien participe ha presentar una maqueta en cedé col cantar (en formatu mp3) grabáu polos mesmos componentes que formen el grupu, la lletra del cantar mecanografiada y los datos del grupu. Tienen d’aparecer tamién los nomes de les persones que formen el grupu y una persona responsable cola que la organización pueda ponese en contactu per teléfonu y/o corréu electrónicu, amás de les señes del grupu.

(more…)

Read Full Post »

Older Posts »