Feeds:
Antradas
Comentairos

Posts Tagged ‘Lluis Nel Estrada’

L’asociación Iniciativa pol Asturianu pidió públicamente a la entidá de Denominación d’Orixe Protexíu de la Sidra d’Asturies qu’use con normalidá l’idioma propiu na so nueva campaña, como yá fixera n’otres vegaes.

“De la mesma manera que les entidaes de Denominación d’otros sitios rentabilicen como valor añadíu’l so orixe, la de la Sidra asturiano lo fai amosando que s’usa productos y fabricación asturianos pero nun usa la llingua que ye propia del llugar onde se fai. Lo cual ye llamativo, nuna campaña nomada ‘Asturiano 100%'”, comenta la organización.

(more…)

Read Full Post »

PABLO R. GUARDADO

El mes de xunu ye la fecha que se manexa pa la espublización de los primeros datos del III Estudiu Sociollingüísticu d’Asturies, encargáu pola ALLA a Francisco José Llera Ramos. El caderalgu de Ciencia Política foi ún de los compareciente de la sesta sesión de la Comisión Especial d’Estudiu sobre’l Réxime de Proteición y Promoción del Asturianu na Xunta Xeneral.

Xunto col caderalgu de Ciencia Política, intervinieron nesta ocasión Xabiel González Menéndez, presidente de Xeira; José Manuel Pérez Fernández, lletráu del Tribunal Constitucional y profesor titular de Derechu Alministrativo de la Universidá d’Uviéu; l’espertu gastronómicu Lluis Nel Estrada; el biólogu Bertu Ordiales; el sacerdote José Manuel García de Jesús ‘Pin’, presidente del Coleutivu Manuel Fernández de Castro; Carlos Pulgar, voceru nacional de la Xunta pola Defensa de la Llingua Asturiana (XDLA); Fernando Álvarez-Balbuena, vicepresidente de l’asociación El Teixu-Rede pal Estudiu y Defensa de la Llingua Asturllionesa; y Penélope Miranda, vocera de l’Asociación de Trabayadores de la Normalización Llingüística. Nesta ocasión tuvieron representaos toles formaciones polítiques, anque’l del PP s’ausentó mientres una bona parte de la sesión.

(more…)

Read Full Post »

PABLO R. GUARDADO

Políticos, espertos y profesionales venceyaos cola llingua asturiana y otros idiomes, como’l gallegu y el catalán, van participar na Xunta Xeneral na Comisión sobre l’asturianu pa dar la so visión. Asturies.com ufre la llista completa.

La Comisión Especial d’Estudio sobre’l Réxime de Proteición y Promoción del Asturianu, qu’oficialimente tien el nome en castellanu y que nun emplega l’idioma pol vetu fechu pol Partido Popular (PP), busca con estes intervenciones conocer la opiniones y esperiencia d’espertos y profesionales venceyaos cola llingua asturiana y otros idiomes asemeyaos cola fin d’ellaborar una conclusión que sirva pa la redaición definitiva del Plan de Dignificiación del Asturianu. Estes intervenciones van celebrase na Xunta Xeneral nuna fecha entovía por concretar.

(more…)

Read Full Post »

El lloviu que cayó de manera intermitente esti domingu en Xixón nun tornó la gana de diversión de los neños y neñes qu’acudieron coles sos families al III Día de la Reciella. Los xuegos, la música y la gastronomía foron protagonistes.

Les posibilidaes que da’l Tendayu del Muséu del Pueblu d’Asturies permitieron treslladar dientro dalgunes de les actividaes previstes y camudar delles de les actividaes d’horariu cuando l’agua fixo actu de presencia obligando a entamar la xornada con más de media hora de retrasu.

(more…)

Read Full Post »

P. ANTUÑA

“Es un día para que las familias asturianas disfruten de un tiempo de ocio en asturiano”. Alberto Fidalgo, componente de la organización del “Día de la Reciella” que tendrá lugar el próximo domingo en el Muséu del Pueblu d’Asturies, confía en superar la cifra de los 1.000 participantes y que se cumpla el objetivo de “dar a conocer la importancia de la transmisión intergeneracional del asturiano en el ámbito social y familiar y la enseñanza, promoción y difusión de la llingua asturiana dende les primeres edaes”.

La tercera edición del “Día de la Reciella: lletres de futuru”, se iniciará a las once de la mañana con un taller de juegos tradicionales con los monitores de la asociación cultural “Esbilla”. Después, sobre las doce, tendrá lugar un concierto de la mano del dúo “Mestura”, que integran la voz de Marisa López y la guitarra de Luis Suárez. Antes de la comida, el cocinero y comunicador Lluis Nel Estrada, descubrirá en un taller los quesos asturianos y en torno a las dos de la tarde se celebrará una comida con productos de la región.

(more…)

Read Full Post »

PABLO R. GUARDADO

Dende esti llunes y hasta’l 14 d’agostu más d’un centenar de persones participen nos cursos qu’entama l’Academia de la Llingua Asturiana (ALLA) en Cangas del Narcea en collaboración col Conceyu y la Universidá d’Uviéu.

Esta mañana inauguróse de manera oficial la sesta edición de la Universidá Asturiana de Branu (UABRA), actu nel que tuvo presente la direutora nueva de los cursos, la decana de la Facultá de Filosofía y Lletres María Cristina Valdés; la presidenta de l’ALLA, Ana María Cano; la direutora xeneral de Política Llingüística, Ana María Fueyo; l’alcalde del Conceyu de Cangas del Narcea, José Víctor Rodríguez; y el vicerrector d’Estensión Universitaria de la Univesidá d’Uviéu, Vicente Domínguez. El llugar escoyíu foi la Casa Cultura de Cangas del Narcea.

(more…)

Read Full Post »

La emisora pública asturiana RPA va emitir a lo llargo de la Selmana de les Lletres, ente’l llunes 4 y el vienres 8 de mayu, una programación especial por cuenta d’esta efeméride. Trátase d’una propuesta fecha dende Goxe Producciones que consiste nun paquete de quince pieces d’una duración de diez minutos, nelles van tratase temes como: 40 años de Conceyu Bable, historia de la llingua asturiana, la so situación na enseñanza, la creación lliteraria, la normalización social, la tresmisión xeneracional, la reivindicación llingüística, la música asturiana, el gallego-asturianu o los premios lliterarios del Gobiernu d’Asturies.

En formatu de reportaxe van tratándose toos estos asuntos, cola participación de más de trenta intervinientes de los más variaos campos, casu de Xosé Lluis García Arias, Xuan Xosé Sánchez Vicente, Lluis Xabel Álvarez, Ana Cano, Xulio Viejo, Penélope Miranda, Ramón d’Andrés, David Guardado, Iris Díaz Trancho, Pablo Xuan Manzano, Antón García, Esther Prieto, Ingnaciu Llope, Ismael Arias, Nacho Fonseca o Yolanda Huergo, ente otros munchos. De les quince pieces cinco van dedicase a ufiertar l’axenda diaria d’actos entamaos per toa Asturies que tienen como protagonista a la XXXVI Selmana de les Lletres, a dar una recomendación lliteraria y a una entrevista especial con profesionales d’ámbitos estremaos que falen n’asturianu del so llabor y esperiencies, ente ellos l’actriz María Cotiello, el deportista Fernando González o’l cocineru Lluis Nel Estrada; quierse con ello dar una visión de normalidá na comunicación en llingua asturiana, amosando’l so valir como ferramienta d’espresión válida pa la sociedá actual.

(more…)

Read Full Post »

Older Posts »