Lluis Portal Hevia asoleya la novela xuvenil «Xurde amante y el Club de los Valientes»

L’escritor maliayu Lluis Portal Hevia ta acabante poner nel mercáu, «Xurde amante y el Club de los Valientes», una novela xuvenil qu’Ediciones Trabe saca al mercáu na so colección Pesllera.

Na obra, Xurde Amante, el protagonista que nos cuenta la historia, y los collacios Pablo Sierra y Andrés Collado, estudiantes d’un colexu de prestixu qu’esfruten cola lliteratura d’aventures y de xéneru, formen el Club de los Valientes col oxetivu de «desfacer entuertos». Nun van tener qu’esperar muncho pa que-yos salgan desa­­paiciones y otros misterios pa resolver.

Read Full Post »

Xavi Cayado faise col Premiu de Rellatos Curtios ‘Xosé Caveda y Nava’

L’autor Xavi Cayado Valdés (Xixón,1987) resultó ganador de la cuarta edición del Premiu de Rellatos Curtios ‘Xosé Caveda y Nava’, convocáu pol Conceyu de Villaviciosa y que cunta con una dotación económica de 1000 euros. El xuráu, formáu polos escritores Pilar Arnaldo Rubio y Lluis Portal y l’hestoriador y técnicu en normalización llingüística Rafael Rodríguez Valdés, decidió por unanimidá conceder el premiu al rellatu tituláu ‘A pie firme’, del que destacó’l realismu nel tratamientu’l tema, la construcción equilibrada del relatu y l’usu acertáu de los distintos rexistros llingüísticos.

Cayado ye profesor d’asturianu y pertenez a la xeneración más moza d’escritores nesta llingua, siendo conocíu hasta’l momentu principalmente como poeta. Tien collaborao en revistes como Formientu, A Quemarropa o El Cuaderno Digital, amás d’apaecer n’antoloxía Canigú Lliterariu. En ‘A pie firme’ Cayado constrúi’l rellatu al traviés de la memoria hestórica y los rellatos familares recoyíos na zona oriental del conceyu maliayu, onde l’autor tien los sos raigaños.

(de Formientu, 24-11-2020)

Read Full Post »

Nuevu númberu de Friúz

L’asociación maliaya El Ronchel asoleya’l segundu númberu del so periodicu Friúz.

Nesti númberu continuen col so análisis de los 40 apellíos en Villaviciosa y la toponimia del conceyu. Esti númberu cierrase col primer capítulu del cuentu “Volver al Sidrón” de Mel Riva.

Friúz tien una publicación trimestral col oxetu de difundir la cultura propia de la zona conformada por Villaviciosa, Cabranes y Colunga. El periodicu ta coordináu pol escritor Lluís Portal.

ANEXU: Friúz 2.

(d’Asturies.com, 18-07-2016)

Read Full Post »

El celtismu llingüísticu y García Arias protagonicen el númeru 34 de la revista Asturies de la Fundación Belenos

La Fundación Belenos vieno acabante d’asoleyar esta selmana pasada’l númberu 34 de la so revista, “Asturies, memoria encesa d’un país”, na qu’amás de les estayes habituales, como Memoria Gráfica d’Asturies, nesta ocasión firmada por Antón Álvarez Sevilla y dedicada a apurrir dellos datos ya imáxenes sobre les nueses races autóctones nun asoleyaos enantes en trabayos de so, y Cartafueyos de Belenos, la espublización recueye trabayos de munchu interés como’l firmáu por García Arias alrodiu del celtismu llingüísticu n’Asturies.

La llista d’artículos d’esti númberu 34 entámala “Averamientu a la ecoloxía de los conceyos asturianos del Altu Navia” por Fernando Montes García y síguela “Una reflexón sol celtismu llingüísticu asturianu” de Xosé Lluís García Arias, tres del que pue lleese l’artículu “Afayu d’una estela con decoración castreña n’Antrialgu (Piloña)” por mor de la investigación d’Ástur Paredes, Daniel Cueli Canto y Alberto Álvarez Peña.

Read Full Post »

Xosé Bolado gana’l VIII Premiu Timón d’esti 2014

Xosé Bolado ye’l gallardonáu col VIII Premiu Timón pa escritores en llingua asturiana o n’eonaviego, convocáu pola Asociación Cultural L’Arribada, según alcuerdu d’un xuráu integráu por Aurora García Rivas, Alberto Álvarez Peña, Miguel Rojo y Lluis Portal Hevia, y presidíu por Humberto Gonzali, que falló’l premiu esto lunes 19 de mayu. El Premiu Timón quier distinguir la trayectoria lliteraria de los escritores en llingua asturiana y n’eonaviego Pa esta edición optaben a los gallardones los/es escritores que nacieren nel añu 1.964 o antes.

Xosé Bolado nació n’Uviéu en 1946. Académicu de la Llingua, profesor de lliteratura y estudiosu de la lliteratura asturiana y poeta, ye autor de la Antoloxía poética del Surdimientu (1989). Como antólogu y críticu lliterariu ye autor tamién del prólogu, les notes y la bibliografía de “Escritores en Llingua asturiana” (1992), de la colección “Grandes autores asturianos” de la editorial Hércules-Astur, de dos llibros de Rosario Acuña y del fascículu “Lliteratura asturiana contemporania”‘ de la Historia de Asturias de La Nueva España. Tien publicaos diversos trabayos y artículos sobre l’actual panorama de les lletres asturianes. Publicó tamién los siguientes llibros de poesía n’asturianu; Conxura contra la decadencia (Llibros del Pexe, 2002), Na estación de los relevos (Llibros del Pexe, 2006) y La bona Intención (en formatu billingüe, Impronta Editorial, 2012),

Read Full Post »

Nun Tris fai un repás a los sos 15 primeros años de teatru asturianu

PABLO R. GUARDADO

Nel 1995 debutó, como Teatru de Trebolén, una de les compañíes más actives del teatru asturianu: Producciones Nun Tris. Esti grupu ta acabante d’editar un llibru nel que recueye toles propuestes qu’entamó nos sos 15 primeros años de vida.

‘Quince años a la gueta les llendes del teatru asturianu’ ye’l nome de la obra conmemorativa que se presentó esta mañana nel Muséu del Pueblu d’Asturies. Los dos cabezaleros de la compañía, Inma Rodríguez y Antón Caamaño, encargáronse de conducir l’actu, nel que tamién participó Lluis Portal Hevia, collaborador de Nun Tris con dalgunes tornes. L’escritor, periodistas y investigador villaviciosín destacó que se cumplen “quince años de la fundación de Nun Tris; quince años vivíos cola intensidá d’un teatru profesional de calidá y afitáu nel trabayu de dos persones fundamentales del grupu como son Inma Rodríguez y Antón Caamaño”, pa depués emponderar el llabor “de los más d’ochenta actores y actrices” que pasaron pel grupu, “amás d’un númberu importante de collaboradores d’escena, cantantes, baillarines, malabaristes, animadores, interpretes, etc.”.

Read Full Post »

Bimenes fala alto y claro

MÓNICA G. SALAS

«En Bimenes continuaremos luchando por nuestra llingua. Nosotros nos criamos con ella y si bien es verdad que no supimos defenderla en su momento, ahora vamos a poner todos los medios para recuperarla». Quienes pronuncian estas palabras son Pachí Vigó y Manuel José Vega, vecinos «de toda la vida» de Martimporra que, conscientes de la situación de debilidad que vive hoy su cultura, salieron ayer a la calle para reivindicar, junto a una multitud, «lo suyo, lo de su concejo y lo de su región: el bable». Y es que desde que un 5 de junio de 1997 el pleno municipal aprobase la declaración de oficialidad del asturiano, Bimenes se ha convertido en el más firme defensor de la cultura asturiana con la celebración de la XVII Fiesta de la Oficialidá.

A golpe de pandereta y de ritmos gaiteros, todo el pueblo se concentró en la plaza del Ayuntamiento para asistir a la celebración de una misa, que fue oficiada en asturiano por el párroco José Manuel García de Jesús, y al acto institucional con la lectura del pregón.

Read Full Post »

La Fiesta de la Oficialidá de Bimenes vuelve a la fecha orixinal

PABLO R. GUARDADO

Tres el cambiu del añu pasáu pa evitar coincidir col Festival de la Sidra de Nava, la Fiesta de la Oficialidá de Bimenes torna a la fecha y al formatu orixina. Lluis Portal Hevia va ser, el 6 de xunetu, el pregoneru de la celebración.

Na decimosesta edición d’esta folixa que conmemora la declaración d’oficialidá nel conceyu yerbatu –torgada llueu pol Tribunal Constitucional– nel Plenu del 5 de xunetu del 1997, apostóse por adelantar la celebración al 16 de xunu p’axuntala cola tradicional Romería Asturiana que se celebra en mayu y entamar la Romería de la Oficialidá, anque namái de manera circunstancial. Asina, la XVII Fiesta de la Oficialidá de la Llingua Asturiana, que resiste pese a la retirada de les ayudes del Conseyería d’Educación, Cultura y Deporte, y de la Obra Social de CaxAstur, torna a celebrase’l primer sábadu de xunetu, nesti casu’l día 6, como ye vezu.

Read Full Post »

Lluis Portal va apregonar la XVII Fiesta de la Oficialidá

La Fiesta de la Oficialidá de la Llingua Asturiana de Bimenes va cellebráse el sábado 6 de xunetu y vca pregonala l’escritor y periodista maliayu Lluis Portal Hevia.

L’escritor, periodista ya investigador de la lliteratura asturiana Lluis Portal Hevia (Villaviciosa, 1964) va ser el pregoneru de la XVII Fiesta de la Oficialidá de la Llingua Asturiana de Bimenes, que se va cellebrar el sábadu 6 de xunetu na capital del conceyu, Martimporra. Lluis Portal ye, amás, miembru de La Compaña del Ronchel, asociación cultural enfotada na defensa y promoción de la llingua asturiana.

Read Full Post »

Una güeyada a Villaviciosa

LLUIS PORTAL

L’asociación Cubera acaba de publicar un estupendu llibru con dibuxos del pintor colungués -maliayés d’adopción- Humberto Alonso. La obra titúlase «Villaviciosa, una mirada» y tien cásique un cientu de páxines a color maraviyosamente decoraes pol pintor; Alonso ye consideráu, a los sos ochenta y tantos años, el meyor acuarelista del Principáu.

La llamativa obra ye una exaltación de los valores maliayos: naturaleza, fuentes, ilesies, palacios, horros, facines, capiyes d’ánimes…, acompañaos de siete collaboraciones d’otros tantos escritores con una reseña suya al final: «L’iconu unánime», de Mino Cifuentes Tuero; «El sentimiento del paisaje», de José Manuel Valdés Costales; «Tierra de paso, paso de siglos», d’Ángel Valle Cuesta; «El estilo Villaviciosa», de Xuan Pedrayes Obaya; «Una visita del Olimpo», d’Etelvino González López; «Toponimia, el nome de los topos», de Lluis Portal Hevia; «Paisaje nuestro», de Salvador Barro Pérez, nel que se da conteníu al gran retu de esplicar, reflesivamente, la realidá maliaya del sieglu XXI.

Read Full Post »