Trabe publica la traducción al asturianu de ‘Ana de Someraos Verdes’

Ediciones Trabe publicó la traducción al asturianu de la novela de Lucy Maud Montgomery ‘Ana de Someraos Verdes’. La versión nesti idioma d’esta obra –que se publicó pela primer vez nel 1908 y que tuvo delles secueles y adaptaciones audiovisuales–, ye obra de Xabiero Cayarga.

La novela narra la historia de los hermanos Cuthbert, Marilla y Matthew, que quieren adoptar un nenu güérfanu pa que los ayude na granxa Someraos Verdes. Por una retafila d’errores y casualidaes acaba llegándo-yos a casa una nena d’once años, Anne Shirley, a la que nun-y presta nada nin el nome nin el pelo roxo que tien.

Read Full Post »

La industria editorial n’asturianu prevé publicar 34 novedaes nel 2022, onde destaquen les traducciones

Les editoriales asturianes van publicar nel 2022 un total de 34 novedaes, ente les que destaquen les traducciones de grandes noveles de la lliteratura universal, como ‘Roméu y Xulieta’ de Willian Shakespeare o ‘Les dos torres’ de Tolkien. Amás, tamién hai obres que tovía nun tán publicaes en castellanu, como ‘Guillem’, de la catalana Núria Cadenes.

Son un total de 34 novedaes de siete editoriales que van recibir ayudes del Gobiernu d’Asturies pa la promoción del llibru n’asturianu y en gallego-asturianu, yá sía pa obres orixinales o traducíos d’otres llingües.

Read Full Post »