El Principado quiere aumentar el número de estudiantes de llingua en el Cabo Peñas

La directora general de Política Lingüística, Ana María Fueyo, expuso ayer en Carreño las líneas generales en las que trabaja su departamento destinadas al fomento de la lengua asturiana en la comarca de Cabo Peñas. Durante la reunión mantenida con una representación del Ayuntamiento de Carreño, encabezada por el alcalde y presidente en funciones de la Mancomunidad, Ángel Riego, explicó la necesidad de implicar a los ayuntamientos en el uso de la llingua. Entre los objetivos que plantea la dirección general, figura como prioritario el incremento del número de matrículas en los centros locales, que ahora ronda el 58%.

Ana María Fueyo defendió el trabajo coordinado entre docentes y personal de la administración local para avanzar en la política de normalización lingüística.

Respecto a los asuntos relacionados con Carreño, relacionados con la toponimia de las parroquias de Piedeloro y Guimarán, éstos tendrán respuesta una vez se constituya la nueva Junta Asesora de Toponimia.

(d’El Comercio, 21-12-2012)

Read Full Post »

IpA critica’l posible zarru del Serviciu de Normalización Llingüística del Cabu Peñes, que “nun supondrá un aforru”

Iniciativa pol Asturianu criticó esti miércoles nuna nota prensa la posibilidá abierta de pesllar el Serviciu de Normalización Llingüística del Cabu Peñes. Asina, opónse a esti estremu, y refuga la escusa del aforru económica, pues, según recuerda, el serviciu ta sovencionáu íntegramente pola Conseyería de Cultura.

Recuerda na nota que’l SNL da serviciu a ciudadanos y entidaes de los conceyos de Carreño y Gozón dende va años y “agora quier pesllase cola escusa del aforru económicu de la Mancomunidá del Cabu Peñes”. “Dende Iniciativa pol Asturianu recordamos a les formaciones d’estos conceyos que’l Serviciu fináncialu’l Gobiernu d’Asturies al traviés d’unes sovenciones añales y que nun pue usase la escusa del aforru como motivu del pieslle d’esti SNL”, añadió.

Read Full Post »

Iniciativa pol Asturianu esixe a les Mancomunidaes un Plan Llingüísticu conxuntu

Dende Iniciativa pol Asturianu quieren amosar el so fondu maltar pola situación política na que s’alcuentren les mancomunidaes del país, como la Mancomunidá d’Avilés y, principalmente, la Mancomunidá del Cabu Peñes, onde la engarradiella ente’l PP y el PSOE pue afeutar a la continuidá del so Serviciu de Normalización Llingüística (SNL). De fechu, el francimientu de dicha mancomunidá supondría que, polo menos, los gozoniegos quedaren privaos d’un serviciu que lleva furrulando dende 2004.

Read Full Post »

Entrevista a Arancha Prado, responsable del SNL de la Mancomunidá del Cabu Peñes

VÍTOR SUÁREZ

Carauterístiques del SNL

¿Cuándo surde’l SNL de la Mancomunidá?
El SNL de la Mancomunidá d’El Cabu Peñes entamó’l so trabayu nel añu 2.004.

¿Qué funciones tien y qué actividaes vien desendolcando?
El Serviciu de Normalización Llingüística de la Mancomunidá d’El Cabu Peñes vien faciendo abondes actividaes empobinaes a algamar una plena normalización del asturianu nel nuestru ámbitu d’actuación tratando que la nuestra llingua tea presente nos sos servicios y poniendo en marcha programes empobinaos a la población y a les entidaes asociatives culturales o empresariales de los Conceyos de Carreño y Gozón asesorándolos en materia llingüística asina como de toa una riestra de subvenciones del Principáu pa toes aquelles asociaciones y/o entidaes que tengan l’enfotu de facer un usu dignu de la llingua asturiana. Ente otres de les actividaes que desarrolla tán la rotulación de los edificios que dependen del Conceyu (amás de les rotulaciones feches n’años anteriores, esti últimu añu rotuláronse edificios como: la Casa Conceyu, el polideportivu y l’espaciu pa la mocedá (en Gozón); la biblioteca, el polideportivu y la oficina técnica (en Carreño) y la piscina de la Mancomunidá, rotulación toponímica (va pal sestu añu que llevamos rotulando les distintes parroquies de los dos conceyos), traducciones (de documentos internos, bandos, folletos informativos…), collaboración con delles revistes y/o periódicos de les nuestres tierres (periódicu “El Faro”, revista “Remanecer” y “El Cuirno”), participación y collaboración en certames lliterarios (como nes ediciones del “Certame de Rellatos de la Mar de Carreño”), campañes de normalización social de la nuestra llingua (como son – por mentar dalgunes – les campañes últimes d’esti añu: campaña medioambiental, d’igualdá, d’hostelería – campaña “La sidra, d’Asturies”, campañes gastronómiques – “Xornaes gastronómiques d’iviernu: fariñón y fariñona”, campaña salvamentu: “Midíes de protección nes playes”, cursos (dende’l 2.009 collabora cola ALLA nos Cursos d’Alfabetización pa Persones Adultes en Llingua Asturiana), etc. Ente los nuevos proyectos que vamos poner en marcha ye la torna de la documentación alministrativo: fueyes pal rexistru, formularios, fueyes d’empadronamientu, llicencies, etc asina como la torna de la nueva páxina web del Conceyu de Carreño de la que tán terminando d’acabar la so versión nueva. En cuantes a la páxina web del Conceyu de Gozón, de momentu, ye un asuntu del que tamos pendientes de resolver y ver cómo poder acceder al so conteníu y asina poder, polo menos, ufiertar los conteníos fixos de la mesma n’asturianu.

Read Full Post »

Pablo Quiroga gana’l certame de curtios del Cabu Peñes

Un videu del cineasta de Carreño Pablo A. Quiroga Prendes tituláu “Tres Versiones” y rodáu nes mesmes tierres qu’abelluguen la xente de los conceyos de Carreño y Gozón, ganó’l segundu “Certame de Vídeos en Llingua Asturiana de la Mancomunidá d’El Cabu Peñes”.

A diferiencia del añu pasáu, onde’l megollu del trabayu tenía de basase na promoción turística de los dos conceyos, esti añu enancháronse les posibilidaes temátiques pa ufrir un abanicu más ampliu de posibilidaes pidiendo una temática llibre onde tenía de rescamplar, ente otres coses, la orixinalidá y el conteníu llingüísticu y d’usu del asturianu como llingua vehicular.

(d’Asturies.com, 14-01-2009)

Read Full Post »