César Feito, poeta de la braña

ANTÓN GARCÍA

A finales de 2012 foi noticia Daniel Prisacar, un nenu moldavu aliellu y falador de siete años que vive en Navelgas (Tinéu). Resultó brillante y inesperáu ganador del concursu «César Feito» que lleva quince años convocando pal asturianu l’Ayuntamientu de Tinéu, un certame dirixíu a menores de dieciséis años con premios dividíos por categoríes d’edá y que recibe cada añu decenes y decenes d’orixinales. Daniel Prisacar ganó na estaya de menores d’ocho años con un cuentu que salió publicáu nestes mesmes páxines de «La Nueva Quintana» en La Nueva España: «L’arqueólogu».

Pero nun quiero falar agora d’esi nenu que declaró mui esfotáu querer ser escritor y que nos sos planes entraba escribir un cuentu más llargu y vendelu, sinón del poeta que da nome al certame, esa solombra que se llama César Feito y que nun aparez en nengún manual de lliteratura asturiana. Nun voi ser yo quien-y quite la condición de poeta apócrifu, pero non por eso dexa de ser un escritor con biografía y obra escrita, poco conocida, que dalgún día taba bien recuperar.

Read Full Post »

Lo que se tarda en facer un llibru

ANTÓN GARCÍA

En terminando la mio intervención sobre Eugénio de Andrade y Asturies nel I Festival Arcu Atlánticu, que se celebró en Xixón a finales de xunetu de 2012, averóse a saludame un portugués mui amable que se presentó como João. Por suerte pa min, avisóme yá de mano que nun lu conocía, lo que m’evitó l’apuru de tener que disimular la mio mala memoria, cada vez peor, mientres rebuscaba per ella. Sicasí, yera la segunda vez que coincidíamos, según me dixo. Fixéramoslo venticinco años enantes nun sitiu tan guapu como la Biblioteca Nacional de Lisboa, en 1988. Yo comisariaba la exposición de lliteratura asturiana que se llevó a la capital portuguesa dientro de les xornaes dedicaes a Clarín, cuando se publicó «La Regenta» en portugués. Tenía’l suxerente títulu d’ «A Corregedora» y taba traducida por Joana Morais Varela.

Read Full Post »

Un universu idiomáticu

ANTÓN GARCÍA

Frente a la idea unitaria de Xovellanos, que consideraba l’asturianu occidental (representáu na fala de los vaqueiros) enteramente la mesma llingua que la de tol pueblu d’Asturies, con dalguna diferencia de pronunciación, el fuerte procesu de fragmentación cultural del últimu sieglu y mediu fexo que terminara caltriando na sociedá la idea de los tres bables. Neses tábemos cuando Conceyu Bable proponía la so recuperación llingüística hai cuarenta años, ensin ser a armar un modelu normalizador qu’intentara integrar toles variedaes. De resultes d’aquel procesu, n’Asturies floreció una producción lliteraria n’asturianu occidental bien interesante, exemplu que siguieron nel occidente de Llión y Zamora nestes últimes décades, sumándose tamién per otru llau la Miranda portuguesa.

Read Full Post »

María José Ramos va viaxar a Rosario y Paraná con motivu del ‘Día de les lletres nel esterior’

Los centros asturianos de Rosario y Paraná, n’Arxentina, van acoyer los díes 7 y 8 d’abril los actos del ‘Día de les lletres nel esterior’. La conseyera de Presidencia, Xusticia y Igualdá, María José Ramos, va presidir esta celebración.

Manuel Fernández de la Cera, presidente del Conseyu de Comunidaes Asturianes, y Begoña Serrano Ortega, direutora de l’Axencia Asturiana d’Emigración, van acompañar a Ramos nesta cuarta edición del ‘Día de les lletres nel esterior’. Enantes, Valparaíso y Santiago de Chile (2008), Berna y Lausanne (Suiza, 2009), y Castelló y Barcelona (2010), acoyeron esta celebración que busca promocionar la llingua asturiana nos centros asturianos de fuera’l país.

Read Full Post »

Los Centros Asturianos de Rosario y Paraná n’Arxentina van acoyer esti añu’l Día de Les Lletres nel Esterior

La Comisión Delegada del Conseyu de Comunidaes Asturianes, órganu consultivu y d’asesoramientu en materia d’emigración de les instituciones de la Comunidá Asturianes, reunióse esti vienres presidida por Manuel Fernández de la Cera. Decidióse que’l Día de Les Lletres nel Esterior va celebrase esti añu, los díes 8 y 9 d’abril, nos Centros Asturianos de Rosario y Paraná na República Arxentina. Nel 2010 entamárase en Castellón y Barcelona y nel 2009 nos centros asturianos de Lausanna y Berna en Suiza.

Read Full Post »

Tres precursores del surdimientu

ANTÓN GARCÍA

A partir de 1974, con Conceyu Bable y el Surdimientu, empieza a espardese l’interés por conocer el pasáu, por tener presente la historia d’Asturies, por recuperar los autores qu’escribieron nesta llingua a lo llargo’l tiempu… Esi entusiasmu desvelador nun se consiguió pegar a los estudiosos del español d’Asturies. Si quitamos tres o cuatro nomes, Xovellanos, Clarín, Víctor Botas, a vegaes Pérez de Ayala o Palacio Valdés, Ángel González de momentu…, el restu d’escritores asturianos en castellanu duerme, más o menos, nel olvidu. Nin la Universidá nin el RIDEA parez que tengan interés específicu nesos autores qu’escribieron n’español. Podíen ponese munchos nomes enriba la mesa, pero son tres los que me vienen a l’alcordanza agora, non mui alloñaos de nós nel tiempu. Polos tres tengo particular interés, ensin que pueda acceder a la so obra: José Benito Álvarez Buylla, Virgilio Garsaball y José Doval. Del primeru sé que se conserven poemes en castellanu dende’l tiempu la guerra p’acá, inéditos; del segundu, al parecer anarquista muertu mientres manipulaba una bomba en Francia nos años setenta, hai quien fala de teatru, narrativa y poesía; de la obra de Doval nada se sabe, tan pocos años depués de que morriera.

Read Full Post »

El Principáu va presentar esti fin de selmana en Suiza una antoloxía billingüe de diez poetes asturianos

El Gobiernu del Principáu d’Asturies y el Conseyu de Comunidaes Asturianes van presentar esti fin de selmana nos centros asturianos de Lausanne y Berna (Suiza) el llibru ‘Por partida doble’, una recopilación de dellos poemes de diez escritores n’asturianu. La presentación del volume, nel que les obres se muestren n’asturianu y en castellán, s’enmarca na celebración del Día de Les Lletres Asturianes nel Esterior.

El llibru, xunto cola programación d’actividaes en Suiza, presentóse güei oficialmente nuna rueda de prensa ofrecida pola directora xeneral de Política Llingüística, Consuelo Vega, el presidente del Conseyu de Comunidaes Asturianes, Manuel Fernández de la Cera, el representante de l’Academia de la Llingua Asturiana, Pablo Xuan Manzano, y el coordinador de l’antoloxía, José Luis García Martín, profesor titular de la Universidá d’Uviéu y prestixosu críticu lliterariu.

Read Full Post »

Los Centros Asturianos de Lausanne y Berna, en Suiza, acogerán en mayo los actos oficiales del Día de les Lletres

Los Centros Asturianos de Lausanne y Berna, ambos en Suiza, serán este año sede oficial de los actos que se organicen con motivo del Día de les Lletres Asturianes 2009 en el Exterior. Así se decidió en la reunión que esta mañana mantuvieron el Presidente del Consejo de Comunidades Asturianas, Manuel Fernández de la Cera, y la Directora General de Política Lingüística, Consuelo Vega Díaz, con el representante de la Academia de la Llingua, Pablo Manzano.

El Día de les Lletres Asturianes en el Exterior está organizado por el Consejo Asturiano de Comunidades Asturianas, con la colaboración de la Academia de la Llingua y otros departamentos del Gobierno del Principado de Asturias. Comenzó a celebrarse en el año 2001, siendo en aquella ocasión sede oficial de las actividades el Centro Asturiano de Las Palmas.

Read Full Post »

El Conseyu de Comunidaes Asturianes celebra’l ‘Día de les Lletres Asturianes na emigración’ en Valparaísu (Chile)

El presidente del Conseyu de Comunidaes Asturianes, Manuel Fernández de la Cera, y la direutora xeneral de Promoción Cultural y Política Llingüística, Consuelo Vega Díaz, participen nes distintes actividaes culturales organizaes con motivu del ‘Día de les Lletres’ na Emigración organizáu pol Gobiernu del Principáu y el Conseyu de Comunidaes.

La Coleutividá Asturiana de Vaparaísu tien ente los sos oxetivos la realización d’actividaes culturales y sociales. Ente les sos más recientes contribuciones ta la creación de la biblioteca Principáu d’Asturies na Escuela Pública España. Esta biblioteca creóse con una dotación de llibros aportada pola propia comunidá asturiana, amás de 6.000 euros del Gobiernu del Principáu. Nesti momentu, tien unos 500 volumes y atiende a 500 neños d’esta escuela asitiada nún de los barrios más humildes y probes de Valparaísu.

Nos actos oficiales d’inauguración de la xornada institucional en Valparaísu (Chile) intervinieron, amás de los representantes del Gobiernu asturianu, Pablo Manzano en representación de l’Academia de la Llingua Asturiana y el presidente de la Coleutividá Asturiana de Valparaísu, Ramón Trespalacios Collado.

Nesta ocasión el Día de les Lletres ta dedicáu a la poesía y s’editó llibru tituláu ‘Cuando la memoria fala’, nel que se recopilen poemes de diversos escritores asturianos. El Día de Les Lletres nel esterior vien celebrándose alternativamente en centros asturianos d’España (Les Palmes nel 2001, Logroño nel 2004 y Madrid nel 2007), América (Montevideo nel 2002, Bonos Aires nel 2005) y Europa (París nel 2003 y Liexa nel 2006).

(d’Europa Press, 28-05-2008)

Read Full Post »