Ana Cano: “Una lliteratura, si nun tien llectores, val mui poco”

PABLO R. GUARDADO

Ana María Cano sorrayó na inauguración de Vagamar 2011, l’actividá setembrina de L’Arribada, la necesidá de reforzar l’enseñu y normalización del asturianu p’asegurar el so futuru. La presidente de l’ALLA reclamó que se cumpla la Llei d’Usu.

L’arribada de los escritores y un pasucais, dende’l muelle al Centru de Cultura Antigüu Institutu, de la Banda de Gaites Corvera d’Asturies dio aniciu’l vienres a la primer xornada de Vagamar. L’actu d’inauguración contó cola presencia d’Ana María Cano; Carlos Rubiera, conceyal d’Educación, Cultura, Mocedá y Festexos; Xosé Nel Riesgo, direutor de la Fundación Municipal de Cultura, Educación y Universidá Popular; Alberto Álvarez Peña, presidente de l’Asociación Cultural L’Arribada; y Humberto Gonzali, coordinador de Vagamar, que llamaron a los xixoneses y a tolos asturianos a disfrutar del programa ampliu d’actividaes preparáu pola organización hasta’l domingu próximu.

Read Full Post »

El Plenu del Conceyu de Xixón aprueba de manera definitiva la ordenanza municipal del usu del asturianu

El plenu del Ayuntamientu de Xixón aprobó güei de manera definitiva la Ordenanza Municipal del usu del Asturianu n’ámbitu municipal del conceyu de Xixón colos votos a favor del PSOE y IX y cola astención del PP.

El conceyal de Llingua Asturiana, Jesús Montes Estrada, defendió la importancia d’esta normativa que recibió dos enmiendes, como dalgo “necesario, positivo y bono” pa la ciudá como un derechu más de los xixoneses.

Read Full Post »