Feeds:
Antradas
Comentairos

Posts Tagged ‘Mar Martín’

PABLO R. GUARDADO

Carlos Rubiera encabezó esti xueves l’actu qu’entama la Oficina Municipal de la Llingua nun colexu xixonés pol Día de la Llingua Materna. L’edil detalló a un grupu d’escolinos y escolines del San Lorenzo l’amor de Xovellanos pol asturianu.

El colexu del centru de la ciudá foi l’escoyíu nesta ocasión pol serviciu de normalización llingüísticu xixonés p’acoyer les actividaes del Día Internacional de la Llingua Materna, que celebra per octavu añu consecutivu. Éstes tienen como oxetivu “dar a conocer la importancia de les llingües y la diversidá cultural ente los escolinos y les escolines, al tiempu que camienten sobre’l papel qu’ellos pues cumplir nel respetu y espardimientu de les llingües, entamando pola propia, l’asturianu”, afirma María Xosé Rodríguez López, responsable de la Oficina Municipal de la Llingua. (more…)

Advertisements

Read Full Post »

La filóloga y esperta en Lliteratura Infantil y Xuvenil Mar Martín estrénase como escritora con “La llegada”, un álbum ilustráu espublizáu pola editorial Pintar-Pintar coles ilustraciones d’Ánxelu González.

Nél l’autora fai alcordanza de la vida que pasara con so pá, novelando les histories familiares pente medies del filtru que-y otorga’l propiu contestu lliterariu. (more…)

Read Full Post »

La editorial Pintar-Pintar reedita’l primer cuentu de “El llibru de la viesca”, proyectu de lliteratura infantil que MªJosefa Canellada asoleyara nel añu 1944 cola editorial madrileña Orión.

El Tíu Tanón, la Tía Tana y la historia de Tanín ye’l primer cuentu d’esta colección al que siguiría Suca y l’Osu. Por embargu’l primer daba anuncia de la publicación d’otros títulos que nin la familia de Canellada nin la editorial fueron quienes a recuperar, desconociendo si llegaron a publicase o quedaron perdíos na solombra d’aquellos años. (more…)

Read Full Post »

Chechu García (L’Entregu, 1970) ye Llicenciáu en Bioloxia, pero la so carrera llevólu per caminos bien estremaos. Consideráu ún de los escritores más importantes de la segunda xeneración del Surdimientu, trabaya con ésitu cásique tolos xéneros: poesía, lliteratura infantil y xuvenil, teatru, ensayu… Recibió numberosos premios y forma parte de la tertulia Reciella Malory. Sicasí, el so llabor más conocíu nos años últimos ye la dirección del programa “Nomes d’Asturies”, na RPA, nel que se dramaticen fechos de la hestoria d’Asturies con un grupu d’actores. Lleva emitíos más de 200 capítulos. Falamos con él del programa y d’otros proyectos de so.

Nomes d’Asturies ye yá un clásicu de les ondes asturianes, ¿satisfechu col trabayu fechu?
Tol equipu de Nomes d’Asturies tamos arguyosos de lo fecho, creo que ye una de les causes de qu’un programa con tantes dificultaes de fechura técnica aguante tantu tiempu, fuimos ameyorando dende los anicios y eso nótase. D’otra miente la TPA escoyómos pa ser finalistes de los premios Ondas nos años 2008 y 2009 y ye d’agradecer esa confianza y el reconocimientu al nuestru trabayu. Tamién sabemos que la respuesta del públicu ye mui bona, tenemos un públicu mui heteroxeneu al que-y presta la fórmula de radio-teatru que damos al programa.

(more…)

Read Full Post »

INACIU GALÁN

Mar Martín (Uviéu, 1968) ye la responsable d’un de los proyectos más interesantes pa la promoción de la llingua asturiana, la Biblioteca Virtual María Josefa Canellada, que funciona dende 2008 col envís de dar a conocer la Lliteratura Infantil y Xuvenil que s’escribe n’asturianu. Falamos con ella del balance d’esti tiempu y de los proyectos de futuru d’esta biblioteca virtual enllena de biografíes, entrevistes, cuentos, poesíes…

¿Con qué oxetivos ñaz nel so momentu la BVMJC?
La Biblioteca Mª Josefa Canellada tien como oxetivos dende’l so entamu esparder per Interné la Lliteratura que se fizo y que se ta faciendo pa rapacinos y xente mozo en llingua asturiana; ser una ferramienta de trabayu pa la comunidá d’enseñantes; facer posible que los emigrantes alcuentren un abellugu nesti espaciu pa que nun escaezan nin la so llingua nin la so lliteratura; mostrar la importancia de los ilustradores y formar parte de los blogues de la xente que tien interés na llectura.

(more…)

Read Full Post »

La Conseyería d’Educación amplía nesti cursu 2010/2011 la ufierta d’actividaes pal alumnáu d’asturianu y gallego-asturianu de la Educación Primaria, Secundaria y Bachiller.

L’Axenda Didáctica Escolar, na que participaron el cursu pasáu un total de 20.000 alumnos y alumnes de les diferentes estayes educatives, vuelve a ufiertar pa esti cursu bien d’actividaes de diferente calter: alcuentros con escritores, conciertos musicales, obres de teatru, talleres de cómic y hasta una sesión d’ópera de la mano de la compañía asturiana “Nun Tris”.

(more…)

Read Full Post »

I.D.T

Entrevistamos a Mar Martín, responsable de la Biblioteca Virtual Mª Josefa Canellada, espaciu na Rede que lleva cásique dos años apurriéndonos recursos pa conocer más y meyor el mundu de la Lliteratura Infantil y Xuvenil n’asturianu.

¿Cómo surde la idea de la Biblioteca Canellada?
Fai años cuando terminé los cursos de Doctoráu pensé que sería guapo facer una tesis sobre la Lliteratura Infantil. Un día pasé pela secretaría del Departamentu de Filoloxía y rellené una fueyina con dellos datos ente los que taba’l títulu de la tesis: “Analís del cuentu infantil n’asturianu”. Entamé’l mio trabayu d’investigación atopando dellos estudios perinteresantes que falaben de la Lliteratura Infantil en castellán, pero na nuesa llingua había mui poco escrito tanto en papel como n’Internet. Pensé que yera necesario facer una páxina onde tuvieren presentes los escritores, ilustradores, editores, llibreros y enseñantes. Camiento qu’Internet ye un mediu perimportante na comunicación y l’espardimientu de la llingua y la lliteratura. Foi asina como nació la Biblioteca Mª Josefa Canellada. Púxe-y esti nome non sólo por ser la primera escritora d’un cuentu pa rapacinos n’asturianu, sinón tamién por ser una muyer a la qu’almiro pol so bon facer y pola so humildá.

(more…)

Read Full Post »

Older Posts »