Feeds:
Antradas
Comentairos

Posts Tagged ‘Marcos Maceira’

Representantes d’entidaes sociales qu’abogen pola defensa del catalán, vascu, gallegu, aragonés y asturianu aconceyaron esti martes nel Congresu con diputaos del PSOE, Unidas Podemos, Junts, PNV, EH Bildu, CUP, BNG y Compromís, pa reivindicar la “reconocencia” de la igualdá llingüística.

Nuna rueda de prensa presentaron el manifiestu ‘Igualdá lingüistica: llibertá, pluralidá y democracia’ nel qu’esixen al Gobiernu que tome les midíes encamentaes pol Conseyu d’Europa pa la defensa d’estes llingües.

El presidente de la Mesa pola Normalización Llingüística, Marcos Maceira, esplicó que’l Gobiernu tien hasta’l 1 d’agostu como fecha límite pa informar al Conseyu d’Europa de les acciones que va tomar en rellación con estes llingües.

(more…)

Read Full Post »

A Mesa pola Normalización Llingüística presentó esti miércoles el ‘Manifiestu a favor de la pluralidá llingüística: llibertá, igualdá, democracia’, que reclama l’usu de toles llingües del Estáu “n’igualdá de condiciones” col español. El documentu tamién ta firmáu poles organizaciones Kontseilua (País Vascu), Omnium Cultural, Ciemen y Plataforma per la Llengua (Cataluña), Acción Cultural del País Valenciá, Nogará (Aragón) y Iniciativa pol Asturianu.

Nel manifiestu, según esplicaron nuna rueda de prensa celebrada en Pontevedra’l presidente d’A Mesa, Marcos Maceira, y la vicepresidenta, Elsa Quintas, deféndese “el derechu de los pueblos y de les persones a emplear la so llingua como un derechu humanu”, nel convencimientu de que “el derechu d’usu plenu ye garantía de democracia, de llibertá y de progresu”.

(more…)

Read Full Post »

La Rede Europea d’Igualdá Llingüística (ELEN), a la que pertenez Iniciativa pol Asturianu, acaba de publicar un informe pa la Revisión Periódica Universal (UPR) de les Naciones Uníes, no que se refier a los casos de discriminación y ataques escontra los falantes de llingües estremaes del castellán nel Estáu español. L’informe detalla casos específicos d’ataques y discriminación escontra falantes d’aragonés, asturianu, catalán, gallegu y vascu nel periodu ente 2007 y 2013.

El responsable de Relaciones Esteriores de la organización Iniciativa Pol Asturianu, integrada n’ELEN, esplicó qu’esti informe trata de retrucar al realizáu pol Estáu Español periódicamente pal confirmar el cumplimientu de la Carta Européu de Llingües Minoritaries, que’l Gobiernu central firmó nel so día.

(more…)

Read Full Post »