La UABRA repite’l formatu virtual na edición del 2022

PABLO R. GUARDADO

Tampoco nun va haber clases presenciales na Universidá Asturiana de Branu (UABRA) d’esti añu. La duodécima edición d’esta iniciativa entamada pola Academia de la Llingua Asturiana (ALLA) y la Universidá d’Uviéu va desendolcase en llinia, al igual que l’añu pasáu, nes dos selmanes últimes de xunetu cola ufierta habitual.

El ‘Cursu Elemental de Llingua Asturiana’ y el ‘Cursu Avanzáu de Llingua Asturiana’ van ponese del 18 al 29 del séptimu mes del añu pa sumar un total de 50 hores llectives. Con 25 y 35 places disponibles, de manera respeutiva, y un costu de 160 euros, son los dos clásicos de los cursos de l’ALLA y cuenten cola direición académica de Gonzalo Llameda, col sofitu de Roberto Avello, y Margarita Fernández Mier.

Read Full Post »

Una tesis doctoral sobre la evolución histórica d’Ayande ye la primera n’asturianu de la Facultá d’Historia

PABLO R. GUARDADO

L’arqueólogu ayandés Andrés Menéndez Blanco defendió’l xueves la so tesis doctoral, entitulada ‘Estudios diacrónicos del paisaxe y el poblamientu nel noroeste ibéricu: el territoriu d’Ayande (sieglos I-XIII)’. Ye la primer vegada na Facultá d’Historia de la Universidá d’Uviéu que se presenta una tesis n’asturianu dafechu.

Los profesores Margarita Fernández Mier y Francisco Javier Fernández Conde dirixeron el trabayu de Menéndez Blanco, centráu na evolución histórica d’Ayande ente los sieglos I y XIII de la nuesa era, dende la conquista romana hasta la formación de les poles medievales. El tribunal, formáu polos profesores Juan Antonio Quirós (Euskal Herriko Unibertsitatea), Jordi Bolós (Universitat de Lleida), Alejando García-Álvarez (Universidá d’Uviéu), Rebeca Blanco (Universidade de Santiago de Compostela) y Xulio Viejo (Universidá d’Uviéu), otorgó la calificación máxima a la tesis doctoral.

Read Full Post »

“Con el asturiano vivimos un anacronismo que se ha resuelto en otras comunidades”

E. LAGAR

Margarita Fernández Mier (Oviedo, 1966), profesora titular de Historia de la Universidad de Oviedo se convertirá hoy, Día de las Lletres Asturianes, en miembro de la Academia de la Llingua Asturiana (ALLA).

¿Tiene algo de especial esta celebración del Día de les Lletres? ¿De verdad estamos a un paso de la cooficialidad?
Después de años de estancamiento, parece que el obligado cambio generacional en algunos partidos políticos, especialmente en el PSOE, puede propiciar la reorientación de la situación. Puede ser posible, aunque no será inmediato. Lentamente va madurando entre la sociedad la idea de los valores culturales del asturiano; superamos esa impronta desvalorativa del asturiano que se había impuesto décadas atrás. También ayuda un cierto movimiento de reivindicación positiva del medio rural, en el que la llingua se mantiene más activa, que ayuda a respetar y valorar los elementos identitarios.

Read Full Post »

Riaño (ALLA) afirma qu’Asturies ta “madura” pa una oficialidá “inevitable” y “que nun escluya a naide”

El presidente de l’Academia de la Llingua Asturiana (ALLA), Xosé Antón González Riaño, afirmó qu’Asturies “ta agora madura” pa poner en marcha una oficialidá “inevitable” porque se dan “les condiciones d’alcuerdu social y políticu”. Nesi sentíu, esplicó qu’esta tien que ponese en marcha ensin que “s’escluya a naide”.

Asina lo señaló Riaño nel so primer discursu del Día de les Lletres Asturianes nel Teatru Campoamor, onde principió recordando que nesi escenariu dellos asistentes “xiblaron y espatuxaron con rabia” al sentir un curtiu mensaxe n’asturianu, polo que pidió un aplausu “como muestra de respetu y homenaxe” a les llingües d’Asturies y del mundu.

Read Full Post »

González Riaño va dar esti vienres nel Campoamor el so primer discursu anual como presidente de l’Academia de la Llingua

Esti vienres 4 de mayu a les 20.30 hores, el Teatru Campoamor d’Uviéu va avoyer l’actu principal del XXXIX Día de les Lletres Asturianes. Trátase de la Xunta Estraordinaria de l’Academia de la Llingua Asturiana, onde’l profesor de la Universidá d’Uviéu Xosé Antón González Riaño va dar el so primer discursu anual como presidente de la institución depués de suceder a la catedrática de filoloxía románica Ana Cano.

Amás, nesta Xunta Estraordinaria, l’Academia va dar acoyida a les dos académiques correspondientes nueves. Son Margarita Fernández Mier y Isabel Hevia Artime, profesores de la Universidá d’Uviéu.

Read Full Post »

Los documentos medievales muestren que nel sieglu VIII l’asturianu yera la llingua mayoritaria, según los espertos

A pesar de los pocos testos medievales que se conserven, estos muestren que la llingua asturiana yera l’idioma mayoritariu de la xente que vivía nel Reinu d’Asturies (718-925 DC). Nesi sentíu, a pesar d’existir un rexistru cultu que yera’l llatín, la multitú de ‘faltes d’ortografía’ qu’aparecen nos documentos de la época ta permitiendo analizar unos fenómenos llingüísticos diferentes al d’otros territorios peninsulares.

Asina lo esplicó’l catedráticu de la Universidá d’Uviéu Xosé Lluis García Arías en declaraciones a Europa Press, que participó esti vienres n’Uviéu na mesa redonda ‘L’asturianu: la llingua d’un Reinu’, incluida dientro de la programación de Cuadonga Centenarios 2018 y onde tamién participaron los profesores de la Universidá d’Uviéu Miguel Calleja Puerta, Francisco Javier Fernández Conde y Margarita Fernández Mier.

Read Full Post »

L’Arqueolóxicu acueye una charla sobre la historia de la llingua asturiana dientro de la programación de los Centenarios

El Muséu Arqueolóxicu d’Asturies acueye esti vienres 27 d’abril a les 19.00 hores una mesa redonda titulada ‘L’asturianu: la llingua d’un Reinu’. La mesma ta entamada pola Academia de la Llingua Asturiana y forma parte de la programación de Cuadonga Centenarios 2018.

La mesa va tar moderada pola filóloga y expresidenta de l’Academia Ana Cano y van intervenir los profesores de la Universidá d’Uviéu Miguel Calleja Puerta, Francisco Javier Fernández Conde, Margarita Fernández Mier Y Xosé Lluis García Arias.

Va ser a les 19.00 hores nel Salón d’Actos del Muséu y cuenta col apoyu del Gobiernu d’Asturies, la Universidá d’Uviéu, el mesmu Arqueolóxicu y Cuadonga Centenarios 2018.

Read Full Post »

La XXXIX Selmana de les Lletres Asturianes va tar dedicada a la lliteratura infantil y xuvenil

El vienres va echar a andar en Llorgozana, con un actu poéticu al alborecer, la XXXIX Selmana de les Lletres Asturianes, dedicada esti añu a la lliteratura infantil y xuvenil. Hasta’l 8 de mayu van desendolcase actividaes al rodiu l’idioma en nueve conceyos, siendo la xornada central el vienres 4, Día de les Lletres Asturianes.

Talleres, esposiciones, homenaxes, presentaciones de llibros, llectures públiques, certámenes lliterarios, alcuentros escolares, entregues de premios, visites guiaes, conciertos y representaciones teatrales componen les más de venti actividaes programaes pa estos díes, nos que van tener un protagonismu especial la lliteratura infantil y xuvenil. L’actu inaugural va celebrase’l vienres a primer hora, l’Alba de les Lletres Asturianes, que va tener como sede la escuela de Llorgozana a les 7 hores, iniciativa novedosa que ta tamién encuadrada nel Programa Cultural Antón de Marirreguera que vien entamando dende xineru’l Conceyu de Carreño.

Read Full Post »

Isabel Hevia y Margarita Fernández Mier van ser les nueves académiques de l’ALLA

La pedagoga Isabel Hevia y la hestoriadora Margarita Fernández Mier van ser les nueves académiques correspondientes de l’ALLA, que sedrán nomaes nel trescursu del institucional del XXXIX Día de les Lletres Asturianes que se celebrará’l vienres, 4 de mayu, nel Teatru Campoamor d’Uviéu.

Esti xueves, 22 de marzu, tuvo llugar la presentación nel llar de l’Academia de la Llingua Asturiana del actu institucional del XXXIX Día de les Lletres Asturianes que se celebrará’l vienres, 4 de mayu, nel Teatru Campoamor d’Uviéu. Nesta rueda de prensa intervino’l presidente de l’ALLA, Dr. Xosé Antón González Riaño, xunto col diseñador del cartel d’esta edición, Santiago Fano.

Read Full Post »

La UABRA abre les sos puertes

PABLO R. GUARDADO

Dende esti llunes y hasta’l 14 d’agostu más d’un centenar de persones participen nos cursos qu’entama l’Academia de la Llingua Asturiana (ALLA) en Cangas del Narcea en collaboración col Conceyu y la Universidá d’Uviéu.

Esta mañana inauguróse de manera oficial la sesta edición de la Universidá Asturiana de Branu (UABRA), actu nel que tuvo presente la direutora nueva de los cursos, la decana de la Facultá de Filosofía y Lletres María Cristina Valdés; la presidenta de l’ALLA, Ana María Cano; la direutora xeneral de Política Llingüística, Ana María Fueyo; l’alcalde del Conceyu de Cangas del Narcea, José Víctor Rodríguez; y el vicerrector d’Estensión Universitaria de la Univesidá d’Uviéu, Vicente Domínguez. El llugar escoyíu foi la Casa Cultura de Cangas del Narcea.

Read Full Post »