Rafa R. Valdés: «La traducción nun ye ferramienta d’aisllamientu sinón de diálogu con otros pueblos»

Rafael Rodríguez Valdes (Uviéu, 1978) ye historiador y director de la colección de torna «Calume», d’Ediciones Trabe. Tien publicao «Discursos llingüísticos y movimientu obreru na Asturies decimonónica» (Trabe, 2009) y «Llingua asturiana y movimientu obreru (1899-1937)» (Atenéu Obreru de Xixón).

Güei en Formientu falamos con él de la so trayectoria dirixiendo un llabor importante pa la lliteratura n’asturianu, la colección Calume.

¿Por qué se dio’l títulu de Calume a la colección de tornes?

El calume ye’l caláu de la mar y esi significáu y conteníu de fondura quier treslladase a esta colección dedicada a la traducción que publica Ediciones Trabe. Fondura estética y lliteraria, fondura pa lo que fai a la diversidá y a la pluralidá de los títulos, de los xéneros, de les temátiques y de los y les traductores que faigan parte de la colección, fondura pa lo que fai al trabayu de traducción, corrección y edición de les obres, fondura porque’l camín que tenemos per delantre ye lentu y llargu.

Read Full Post »

La traducción al asturianu de «La palabra final. Diariu d’un suicidiu», de Roberta Tatafiore, gana’l Premiu Florina Alías

La traducción al asturianu de La palabra final. Diariu d’un suicidiu, de l’autora italiana Roberta Tatafiore, publicada por Ediciones Trabe y traducida por María Antonia Pedregal, foi la obra ganadora del segundu Premiu «Florina Alías» a la meyor traducción al asturianu. Esti reconocimientu ta impulsáu pola Conseyería de Cultura, Política Llingüística y Turismu, al traviés de la Dirección Xeneral de Política Llingüística, y ta dotáu con 6.000 euros.

Los integrantes del xuráu resaltaron «l’interés del testu orixinal, qu’aborda con naturalidá temes tabú y propón asuntos fundamentales pa la sociedá d’anguaño dende un puntu de vista sociolóxicu y filosóficu, como son el feminismu, el derechu a decidir sobre la propia vida, el papel del estáu na esfera de lo individual o la confrontación cola tradición relixosa». 

Read Full Post »

Dimite por “motivos personales” Mª Antonia Pedregal, Xefa del Serviciu de Política Llingüística

Con fecha 15 d’abril el BOPA asoleya la renuncia al cargu de la Xefa del Serviciu de Normalización Llingüística del Gobiernu d’Asturies, María Antonia Pedregal Montes. Dexa’l cargu dempués de cuasi seis años por “motivos personales” según comentó a Asturnews, agradeciendo amás l’interés pola so decisión.

En setiembre de 2007 sustituyía a Ramón d’Andrés al frente d’esti serviciu, dempués de que nomaran a Consuelo Vega, Directora Xeneral de Cultura y Política Llingüística, creando un cargu superior al de la xefe de serviciu. Dende entós conoció trés superiores, la propia Consuelo Vega, que la nomó, Alfredo Ignacio Álvarez Menéndez, nomáu pol gobiernu de Foru Asturies, y l’actual, Ana María Fueyo, nomada pol gobiernu de la FSA-PSOE dempués de recuperar el poder en 2012.

María Antonia Pedregal foi profesora d’hestoria n’institutos y tien feches abondoses investigaciones alredor de la filoloxía asturiana.

ANEXU: Resolución sobre la renuncia nel BOPA.

(d’Asturnews, 18-04-2013)

Read Full Post »

Publícase ‘Memorial del monstruu’, Premiu Montesin de Lliteratura Xuvenil

Trabe Editorial asoleya, na so colección Pesllera, la novela que ganara del Premiu Montesín de Lliteratura Xuvenil 2010, premiu que convoca la propia editorial en collaboración cola Conseyería de Cultura y Deporte: Memorial del monstruu, de Dolfo Camilo Díaz.

El xuráu fuera formáu por María Antonia Pedregal Montes, María Xosé Rodríguez López y Severino Antuña González, baxo la presidencia d’Esther Prieto Alonso y actuando como secretariu Inaciu Iglesias Fernández, decidiendo conceder por unanimidá’l premiu a la obra del prolíficu escritor ayerán afincáu n’Avilés. Toos destacaron la so bien tramada estructura narrativa, amás del fondu conocimientu de l’Asturies del sieglu XVIII na que se desenrolla.

Read Full Post »

Constitución de la Xunta Asesora de Toponimia

El xueves 22 d’avientu, a les 17,00 hores, na sede de la Conseyería de Cultura y Deporte, constituyóse la Xunta Asesora de Toponimia del Principáu d’Asturies, presidía pol Director Xeneral de Política Llingüística, Alfredo I. Álvarez Menéndez.

La nueva Xunta Asesora ta formada polos siguientes miembros:

Presidente: D. Alfredo Ignacio Álvarez Menéndez, Director Xeneral de Política Llingüística.
Vicepresidente: D. José Miguel García Arias, Director Xeneral d’Ordenación del Territoriu y Urbanismu.
Vocal: D. Cristina Bellón del Rosal, Directora Xeneral d’Alministración Local.
Vocal: D. Ramón de Andrés Díaz, en representación de la Universidá d’Uviéu.
Vocal: Dª Ana María Cano González, en representación de la Academia de la Llingua Asturiana.
Vocal: D. Julio Concepción Suárez, en representación del Real Instituto de Estudios Asturianos.
Vocal: D. Fernando Álvarez-Balbuena García, profesor de la Universidá d’Uviéu y espertu en toponimia asturiana, designáu pol Sr. Conseyeru de Cultura y Deporte.
Vocal: D. Felipe Fernández García, Catedráticu d’Análisis Xeográficu Rexonal de la Universidá d’Uviéu y espertu en cartografía temática, designáu pol Sr. Conseyeru de Cultura y Deporte
Secretaria: Dª Mª Antonia Pedregal Montes, Xefa del Serviciu de Política Llingüística.

Read Full Post »

Xulio Arbesú gana’l Premiu de Narraciones Trabe

DAMIÁN BARREIRO

Eternu negociu, de Xuliu Arbesú, ye la novela ganadora del Premiu de Narraciones Trabe 2011, ún de más prestixosos de les lletres asturianes y que ta dotáu con 2.000 euros. El xuráu tuvo formáu por María Antonia Pedregal Montés, responsable de la Oficina de Política Llingüística, l’escritor Antón García y Inaciu Iglesias y Esther Prieto, d’Ediciones Trabe. Destacóse de la obra «l’espléndidu trazu de los personaxes nuna historia divertida y realista, escrita nun asturianu pulío, áxil y puro».

Read Full Post »

Queda desiertu’l tercer premiu d’ensayu ‘Fierro Botas’

El tercer premiu d’ensayu en llingua asturiana ‘Fierro Botas’, que convoca la oficinal municipal de la llingua del Conceyu de Xixón quedó desiertu, según informó’l xuráu nuna nota prensa.

El mesmu aconceyó’l pasáu vienres, 26 de payares. Taba presidíu por Jorge Espina Díaz, asesor de la Conceyalía de Cultura Tradicional y, formáu por Llingua Asturiana, Marta Mori de Arriba, representante de l’Academia de la Llingua, Javier Cubero de Vicente, ganador de la edición anterior, Penélope Miranda Fernández, del serviciu, Humberto Gonzali García, Paz Fonticiella Gutiérrez, Jaime González- Fierro Huerta y María Antonia Pedregal Montes, actuando como secretaria María Xosé Rodríguez López.

De resultes del aconceyamientu y tres les deliberaciones oportunes, el xuráu decidió dexar desiertu’l premiu d’esti añu.

(d’Asturies.com, 02-12-2010)

Read Full Post »

Adolfo Camilo Díaz gana’l Premiu Montesín de Lliteratura Xuvenil 2010

Adolfo Camilo Díaz vien de ganar cola obra Memorial de mostru, el Premiu Montesín de Lliteratura Xuvenil 2010 que convoca Ediciones Trabe en collaboración cola Conseyería de Cultura.

El xuráu, formáu por María Antonia Pedregal Montes, María Xosé Rodríguez López y Severino Antuña González, baxo la presidencia d’Esther Prieto Alonso y actuando como secretariu Inaciu Iglesias Fernández, decidió conceder por unanimidá’l premiu a la obra del prolíficu escritor ayerán afincáu n’Avilés.

Read Full Post »

Marta Mori, primer muyer que gana’l premiu ‘Xuan María Acebal’

La escritora Marta Mori d’Arriba resultó ganadora de la decimosesta edición del Premiu de poesía en llingua asturiana ‘Xuan María Acebal’, que concede la Conseyería de Cultura y Turismu del Principáu.

El poemariu ‘La mio voz’ ye’l que-y dio’l premiu, tornando asina na primer muyer que llogra esti prestixosu galardón de les lletres asturianes al qu’optaben otros 13 poemarios y que ta premiáu con 7.000 euros.

Read Full Post »

El músicu y dibuxante Ruma Barbero gana’l premiu ‘Alfonso Iglesias’ de cómic n’asturianu cola obra ‘Manzajú’

El dibuxante y músicu, miembru del grupu de folk Felpeyu, Ruma Barbero, ye’l gandor de la edición 2009 del premiu ‘Alfonso Iglesias’ de cómic en llingua asturiana, que tolos años concede la Conseyería de Cultura del Principáu d’Asturies, según informó’l Principáu al traviés d’una nota prensa, tres la decisión del xuráu, que falló’l premiu esta mañana.

Ente les obres presentaes, informó la Conseyería, “el xuráu decidió por unanimidá conceder el Premiu al testu tituláu ‘Manzajú’, al valorar que se trata d’una gran narración gráfica, mui sólida y moderna y con un gran dominiu técnicu de tolos recursos propios del cómic”. El testu presentólu baxo’l seudónimu ‘La Gocha Pegui’. Abierta la plica, l’autor resultó ser Rumaldo Antón Barbero de Diego.

Read Full Post »