L’Asociación d’Escritores d’Asturies inclúi la oficialidá del asturianu nos sos estatutos

El sábadu pela mañana l’Asociación d’Escritores d’Asturies celebró la so Xunta Xeneral de socios nel Muséu Arqueolóxicu d’Asturies y na mesma aprobóse una propuesta de modificacion de los estatutos presentada pol periodista y escritor Inaciu Galán.

Tres d’esta modificación la entidá asume como llingües oficiales de la organización, en plena igualdá, asturianu, gallego-asturianu y castellán, cola siguiente redacción:

ARTÍCULU 5.- L’Asociación d’Escritores d’Asturies tien como llingües oficiales na so actividá interna y esterna’l castellán, l’asturianu y el gallego-asturianu. La entidá va trabayar por da-yos una presencia digna a toes elles, promoviendo con especial procuru la difusión y l’usu de les llingües propies d’Asturies na comunicación de l’asociación y nel ámbitu lliterariu y cultural, ensin que seya torga da-yos abellugu tamién a actividaes n’otres llingües, afalando’l multillingüismu y el respetu a la diversidá cultural._

Read Full Post »

La FSA convoca la tercer edición del so concursu de microrrellatos n’asturianu y gallego-asturianu

La Secretaría d’Educación, Universidá y Normalización Llíngüística de la FSA PSOE convoca’l tercer Concursu de microrrellatos en Twitter “Selmana Lletres FSA” col oxetivu de llanzar un menxaxe nes Redes Sociales al rodiu de la celebración de la XLI edición de la Selmana de les Lletres Asturianes.

El microrrellatu tien que ser «twitteáu» y etiquetáu con #SelmanaLletresFSA. L’autor/a tien de siguir la cuenta de Twitter de la FSA (@FSA_PSOE). Nun se van almitir les obres que nun contengan el hashtag #SelmanaLletresFSA. La temática ye llibre y nun pueden superar de los caracteres permitíos por Twitter (llargor máximu de 280 caracteres, incluyíu’l «hashtag»). Pue participar nel concursu tol públicu que desee, afitándose un máximu de dos participaciones por persona.

Read Full Post »

Laura Marcos faise col XXVI Premiu Fernán-Coronas de poesía con “Díes otros”

El xuráu del Premiu Fernán-Coronas dio anuncia güei na Casa Natal del Padre Galo y coinciendo col aniversariu de la nacencia del autor de Cadavéu, de la obra ganadora d’esta edición del gallardón, titulada Díes otros, de Laura Marcos, escritora moza de Mieres del Camín.

Susana Sela, Inaciu Galán, María Esther García y Carmen Guardado conformaron el xuráu d’esti añu, que reconoció la obra de Marcos como un poemariu “que constrúi imáxenes dures enllenes de metáfores bien llevaes alantre y al mesmu tiempu mui eficientes y cencielles”. Reconocieron tamién a “Díes otros” ser un volume “bien encadarmáu, tanto na forma como nel fondu”, dándo-y la victoria por unanimidá, ente les trés obres presentaes.

Read Full Post »

La fonoteca aragonesa The Booksmovie graba a poetes n’asturianu y gallego-asturiano

Diez creadores asturianos participen n’asturianu y gallego-asturiano na iniciativa entamada pola fonoteca aragonesa The Booksmovie que se presenta esti martes n’Asturies coincidiendo col Día Mundial de la Poesía (21 de marzu). Los propios autores son los encargaos de lleer los sos testos pa esti proyeutu que va tener continuidá.

Trátase d’un llabor “bien valoratible” que pretende facer visible, en soporte virtual, la poesía d’ayeri y de güei y de dellos autores, yá sían consagraos, noveles o clásicos de la poesía. Pa ello, la fonoteca asitiada en Zaragoza vien desenvolviendo un trabayu de grabación de voz de poetes de toles llingües del Estáu, amás d’otres como’l danés, inglés, noruegu o esperantu, que lleen una obra o escoyeta d’obres propies, asina como de persones que reciten poesía clásica.

Read Full Post »

García: “Cola oficialidá llegaría la preparación del funcionariáu, alfabetización y demás ferramientes”

PABLO R. GUARDADO

María Esther García, conceyala de Cultura de Castrillón por IX, declaró nún de los programes últimos de ‘Iniciativa pol Asturianu nes ondes’ que nun podía utilizar l’asturianu nel Plenu. Afirma que cola oficialidá nun se daría esti casu.

Pa la escritora en llingua asturiana la razón de que se dea ésta situación débese a l’ausencia d’oficialidá del idioma. “Cola oficialidá llegaría la preparación del funcionariáu, alfabetización y demás ferramientes”, asegura, pa depués defender el llabor de la funcionaria del Conceyu de Castrillón: “Quiero dexar claro qu’en nengún momentu quixi cargar pa nada la responsabilidá nesta funcionaria que trescribe les actes del Plenu, yá que nun tien la culpa de nun tar alfabetizada n’asturianu”.

Read Full Post »

“En los últimos 30 años se escribió mucho en asturiano y las obras tienen ahora su público”

A. M. SERRANO

La escritora valdesana y colaboradora de La Nueva España María Esther García presenta su último libro, “Alrededor de la quintana”: libros y otros bichos”, mañana en la Casa de Cultura de Luarca (20 horas). El trabajo versa sobre los animales que acompañan a los habitantes de los pueblos. Una vuelta a los orígenes, como dice esta literata valdesana miembro de la Academia de la Llingua. Vive desde hace 32 años en Castrillón, pero siempre que puede regresa a Belén de la Montaña, donde pasó su infancia.

¿Con qué historias trata de sorprender al público?
La obra reúne 17 artículos publicados en “La Nueva Quintana” de La Mieva Esàá. En ellos recuerdo a 21 animales relacionados con la cacería. Yo me siento de la zona rural, soy de allí. Por eso cuando me pidieron que hablara de algo, enseguida pensé en estos animales que en los pueblos conviven con nosotros. Son nuestros compañeros. Además creo que es un tema que no se ha tratado desde el punto de vista etnográfico, como intento hacer. En cada artículo, vuelvo a la infancia y recuerdo las cosas que se hacían en la aldea, a los animales que trabajaban con nosotros y que contribuían al sostenimiento de la economía familiar.

Read Full Post »

Cadavéu acueye la III Xunta d’Escritores na casa natal de Fernán-Coronas

Escritores, editores, ilustradores, bibliotecarios, autores de cómic, músicos y persones interesaes na música asturiana, profesores de llingua asturiana, personal d’animación a la llectura, periodistes… Una amplia representación d’estos campos va participar el sábadu pela mañana na tercer edición de la Xunta d’Escritores y otros profesionales na Casa Natal del Padre Galo, en Cadavéu, nel conceyu de Valdés. Los actos van entamar de magar les diez de la mañana cola presentación de la xornada.

Participarán representantes del Conceyu de Valdés, l’Academia de la Llingua Aaturiana y la Conseyería de Cultura. Un conciertín va siguir a esti actu, a les 10:30, con Dani García de la Cuesta, Rafa Lorenzo y un gaiteru de la Banda “Faro de Luarca”.

Read Full Post »

Escritores n’asturianu celebraron una xunta na casa natal de Fernán-Coronas

Esti sábadu pasáu, 23 d’ochobre, y coincidiendo cola celebración del Día de la Biblioteca celebróse la II Xunta d’escritores y otros profesionales na casa natal del Padre Galo, en Cadavéu. Nel actu participaron escritores, editores, bibliotecarios, profesores de Llingua y Lliteratura, tantu en castellán como n’asturianu, persones qu’asisten a los Talleres de Llectura y otres persones de la cultura.

La xornada dedicóse al llibru infantil y xuvenil n’asturianu, coles conferencies “Escribir llibros infantiles y xuveniles n’asturianu”, por María Esther García; “La edición de llibros infantiles y xuveniles n’asturianu”, por Ángela Sánchez Vallina, de la Editorial Pintar-Pintar; y el “El llibru infantil y xuvenil n’asturianu na escuela”, por Carmen Guardado Parga (escritora y profesora d’Educación Primaria) y Norbero Martín (profesor d’Educación Primaria).

Read Full Post »

Celébrase’l Día de les Lletres Asturianes en Madrid

El xueves 29, a les 20:00 hores, nel Salón Príncipe d’Asturies del Centru Asturianu de Madrid que preside Cosme Sordo, va celebrase’l Día de les Lletres en Madrid. Nesta ceremonia, va facese entrega de los Diplomes a los Alumnos del Cursu de Llingua 2008 y el Fallu del VII Concursu de Relatu Curtiu n’asturianu 2008.

El cuentu ganador del 2007 foi’l titulau «La maestra» de María Esther García; tamién se concedió un accésit a la obra «La simiente», de Xosé María García Rodríguez de Bimeda.

A la fin del actu, María Esther García fairá un recital de poesía.

(de la Estaya d’Asturianu de la Radiotelevisión del Principáu d’Asturies, 29-01-2009)

Read Full Post »

Esther García recibe el premio de relatos del Centro Asturiano de Madrid

I. MONTES

La escritora, profesora, miembro de la Academia de la Llingua y colaboradora de La Nueva España, María Esther García, recibirá mañana jueves en Madrid el premio «Xosé Álvarez» de 2007 de relato corto en asturiano convocado por el Centro Asturiano de Madrid. El acto tendrá lugar a partir de las ocho de la tarde en el salón Príncipe de Asturias del Centro Asturiano de la capital de España.

Asimismo, durante el acto se presentará el libro «La Maestra» en el que se publica el relato ganador en el que se narra la historia de una maestra en la posguerra española en un pueblo asturiano.

Read Full Post »