Feeds:
Antradas
Comentairos

Posts Tagged ‘Mario del Fueyo’

PABLO R. GUARDADO

“Ye un percorríu pelos 15 años de la normalización llingüística en Xixón”, esplicó María Xosé Rodríguez López, responsable del serviciu, sobre la esposición qu’esti miércoles abrió les sos puertes nel Centru de Cultura Antiguu Institutu. Ésta acompáñase d’un videu de 15 minutos de llargor y va poder visitase hasta’l 17 de xineru.

La Oficina de Normalización Llingüística cumple 15 años y el SNL xixonés celébralo col entamu d’una amuesa que repasa’l llabor normalizador fechu pol Conceyu de Xixón dende que n’ochobre del 2003, nun despachu de la Conceyalía d’Educación y Cultura de l’Antigua Pescadería con Carmen Rúa como edil, ellaboróse’l primer presupuestu y el primer programa. Trés meses depués, el 21 de xineru del 2004, presentóse de manera oficial la Oficina Municipal de de la Llingua de Xixón, nome col que nació, na sala de receiciones de la Casa Conceyu.

(more…)

Advertisements

Read Full Post »

L’actividá n’Arcu Lliterariu nun apara y esti vienres tien programaes delles actividaes que nesta xornada van tar dedicaes a la normalización llinguística. La presentación de la espublización ‘Xixón una ciudá abierta al mar’, destinada como complementu pa los escolinos y escolines que faen un percorríu mientres el cursu per Cimavilla, va abrir a les 17.30 hores la cita. Editada pola Oficina de Normalización Llingüística de Xixón, los sos autores son Mercedes Calzada, Xurde Fernández Fernández y María Ángeles García Rodríguez, que van ta presentes nel actu xunto cola conceyala Ana Montserrat López Moro y la responsable del organismu municipal, María Xosé Rodríguez.

A les 18 hores, mentes, va principiar la parte dedicada a la normalización cola intervención de Ramón d’Andrés, que va poner una conferencia sobre delles cuestiones básiques sobre’l debate llingüísticu n’Asturies. Darréu, Fernando de la Fuente, direutor d’Asturies.com, va intervenir como representante de l’Asociación Cultural Ástura nuna presentación d’actividaes xunto con Carlos Pulgar, voceru nacional de la Xunta pola Defensa de la Llingua Asturiana, y Inaciu Galán, presidente d’Iniciativa pol Asturianu.

(more…)

Read Full Post »