Feeds:
Antradas
Comentairos

Posts Tagged ‘Marisa Valle Roso’

Malapenes lleven pasaos 13 años d’esti nuevu sieglu. Suficientes pa que nos tocara asistir a un relevu xeneracional impresionante. Estos son, nuna mirada rápida, 12 discos pa entender esti tiempu. Ensín mencionar, intencionadamente, nengún de los publicaos nel añu pasáu y nésti.

Dellos van ser imprescindibles pa falar d’esti tiempu dientro d’otros cien años. Dalguién va echar a faltar dalgún discu, más que nada de folk y d’otres músiques averaes. Posiblemente. Al meyor de xente como Liliana Castañón, Sergio Agüeros, Héctor Braga o Fernando Valle Roso. Por citar a xente bien moza que ta y que sigue faciendo coses diferentes. La distancia de tiempu de la que tamos falando ye tan curtia y la nuestra propia mirada dende la necesaria distancia tan curtia, que puen ser suficientes esta docena de discos. Y, tamién, pue echase a faltar dalgún más. (more…)

Read Full Post »

DAMIÁN BARREIRO

Anque nos últimos tiempos perdió una parte del so significáu, una diva de la música ye una muyer que ye a ganase un auditoriu namás cola so voz y ensin l’ayuda de los micrófonos. Una definición que casa mui bien cola trayectora de Mariluz Cristóbal Caunedo (Tinéu, 1948), interprete reconocida por crítica y públicu como la gran dama de la canción asturiana. Agora, depués de ganar una montonera de concursos, de representar Asturies en Lorient o de que la so voz sonara pel mundu enteru gracies al «Busindre Reel» d’Hevia, La Caunedo acaba d’editar el so tercer trabayu discográficu: Cancíos y asturianes. Trátase d’un discu producíu por Xune Elipe y dedicáu al llibru del mesmu títulu que Llorienzu Novo Mier publicó en 1980. Esti trabayu sigue la llinia abierta por Onde la ñublina posa (1999) y Cantar de Seronda (2005), al buscar caminos nuevos pa la tonada y marcar un enantes y un depués nel xéneru más representativu de la nuestra música.

¿Cómo surdió la idea de dedicar un discu a la figura de Llorienzu Novo Mier?
La idea foi de Xune Elipe, que faló conmigo hai un par de meses y me propunxo la idea de facer esti trabayu. La verdá ye que nun principiu dixi que non, porque nun tenía ganes de volver meteme nun estudiu y tener que da-y vueltes a la cabeza. Sicasí, amás del mi paisanu, animóme Xune y esplicóme como quería que fora’l cedé. Tamién ayudó que yo yá conociera la obra de Novo Mier, porque hubo una época na que nos concursos de tonada de Radio Cadena d’Uviéu obligaben a musicar dalgún de los cantares qu’él escribiera. (more…)

Read Full Post »

PABLO R. GUARDADO

La tercer edición de la Universidá Asturiana de Branu (UABRA) yá llegó al so fin. El so direutor, Xosé Antón González Riaño (Viella, 1956), fai un balance d’esta cita que tien llugar en Cangas del Narcea y qu’esti añu vivió’l so récor de participación.

¡Vaya ambiente más guapu que tien la UABRA!
Sí ye verdá que l’ambiente de la UABRA ye guapu, animosu… De xente fundamentalmete mozo y profesional que fala, interautua n’asturianu y deprende coses de la situación munches vegaes crítica pola que pasa Asturies, dende distintos puntos de vista. Un aprendizaxe que se fai n’asturianu. Nosotros creo que, efeutivamente, llogramos esi clima de cursos de branu, de cursos de calter universitariu de divulgación n’asturianu y, dende llueu, con un compromisu cola cultura asturiana inéquivocu. Dende esi sentíu, creo que tenemos que tar especialmente contentos. (more…)

Read Full Post »

EDUARDO GARCÍA

«Si la llingua milenaria desapaez, ¿podremos siguir llamándonos asturianos? ¿De qué mundu ensin nome seremos ciudadanos?» Lisardo Lombardía, director del Festival Intercéltico de Lorient, puso ayer el dedo en la llaga en torno al futuro de la lengua asturiana en el acto musical y académico del XXXIII Día de les Lletres Asturianes, organizado por la Academia de la Llingua en el teatro Filarmónica, en Oviedo.

Pocas veces -probablemente ninguna- este acto reivindicativo estuvo tan sobrado de emoción. Seis voces, junto a la de la presidenta de la Academia, Ana Cano, pidieron solidaridad con la lengua propia, valentía a los políticos, un empujón para ayudar a lo más profundo de nuestro patrimonio cultural y una apuesta sin fisuras por una llingua hasta la fecha maltratada, cuando no simplemente olvidada, que es la forma más brutal de maltrato. (more…)

Read Full Post »

El próximu vienres, día 4 de mayu, nel Teatru Filarmónica d’Uviéu, va celebrase’l XXXIII Día de les Lletres Asturianes a les 20,30 hores. L’Academia de la Llingua Asturiana, entidá organizadora, ta acabante dar anuncia de los participantres nel actu: Paz Rendueles (Vicerrectora d’Investigación de la Universidá d’Uviéu), Lisardo Lombardía (Direutor del Festival Interceltique de Lorient-France), Pedro Suárez (matemáticu y profesor), Pilar Rubiera (periodista, especialista en temes culturales), Ricardo Saavedra (músicu y escritor) y Luis Arias Argüelles-Meres (Caderalgu d’Enseñances Medies). Les sos intervenciones xirarán al rodiu de les posibilidaes de futuru de la llingua asturiana. (more…)

Read Full Post »

PABLO R. GUARDADO

Jacobo de Miguel (Uviéu, 1973), Michael Lee Wolfe (Pittsburgh, 1962) y Mapi Quintana (Mieres, 1976) conformen un tríu que ta dando muncho que falar. El so primer trabayu, ‘Xota pa tres’, nun para de recibir allabancies.

‘Xota pa tres’ ta teniendo mui bones crítiques. ¿Esperábenlo?
Quintana: Yo suponía que les crítiques podíen ser bones, porque’l trabayu ta mui bien fechu. L’interés de los medios de comunicación ta siendo grande y eso sí que me sorprendió un poco más. Nun sabía que la música que facemos –non mui comercial que se diga– podía espertar tantu interés.

Wolfe: Agradacemos los comentarios. Paez que gusta’l discu. Y oxalá nestos tempos complicaos podamos presentalo en munchos llugares d´Asturies. Pero, de toes formes, ye una grabación que tien qu’abrir güecu internacionalmente y queda por ver si tamos capaces d’ello.

De Miguel: Creo qu’esti trabayu representa un averamientu inéditu a la música asturiana. Nesi sen, entiendo que ye normal que nun pase desapercibíu, porque abre una puerta nueva nel desarrollu de la nuesa música, poniéndola en contautu con músiques y sensibilidaes qu’hasta agora paecíen permanecer alloñaes d’ella. (more…)

Read Full Post »

Publicaciones Ámbitu acaba de sacar a la venta l’Anuariu de la Música Asturiana 2011, publicación periódica asociada, dende’l so nacimientu, al sellu discográficu L’Aguañaz. La revista pue adquirise en llibreríes d’Asturies y al traviés de la tienda dixital d’Ámbitu.

L’Anuariu de la Música Asturiana ye una publicación que recueye informaciones, entrevistes y reportaxes n’asturianu de los acontecimientos principales del añu na escena musical del país, amás de cróniques de conciertos, concursos y reseñes de les novedaes discográfiques de distintos xéneros musicales. (more…)

Read Full Post »

El miércoles 7 d’avientu va celebrase, nel Auditoriu Teodoro Cuesta de Mieres del Camín, va celebrase la gala d’entrega de los IV Premios de la Crítica RPA. L’actu va contar cola actuación de tolos gallardonaos: el grupu La Cirigüeña; el cantante Chus Pedro; les cantantes Marisa Valle Roso, Mariluz Cristóbal Caunedo y Lorena Corripio; los grupos folk Duerna, Tuenda y La Col.lá Propinde; el grupo de baile Muyeres, y la orquesta de cámara Ensemble Ars Mundi. Igualmente, nel apartáu lliterariu de la gala, va intervenir la poeta mierense Vanessa Gutiérrez.

Estos premios, vencellaos a la música asturiana, planteense como un reconocimientu a los meyores trabayos del añu y como un apoyu por parte de la RTPA a la promoción y difusión de la cultura musical del país. La gala va presentala Sonia Fidalgo y va contar cola presencia de miembros destacaos de la música y la cultura asturianes. (more…)

Read Full Post »

« Newer Posts