Feeds:
Antradas
Comentairos

Posts Tagged ‘Marta López Fernández’

L’escritor José Ángel Gayol ye’l ganador de la XXV edición del Premiu Máximo Fuertes Acevedo d’Ensayu n’asturianu, que concede la Conseyería de Cultura, Política Llingüística y Turismu, cola obra ‘El silenciu invisible’.

El xuráu encargáu de valorar les obres presentaes reunióse esti xueves baxo la presidencia del director xeneral de Política Llingüística, Antón García, y tuvo formáu pol escritor Damián Barreiro Maceiras, ganador de la edición pasada; la profesora y crítica lliteraria Marta López Fernández y la profesora de la Facultá de Filosofía y Lletres, Cristina Valdés Rodríguez.

(more…)

Read Full Post »

MARTA LÓPEZ FERNÁNDEZ

Eva González Fernández (Palacios del Sil, 1918-ibidem, 2007) foi una de les primeres muyeres escritores n’asturianu, perteneciente a la llamada Xeneración de la Posguerra. L’autora palaciega usó con normalidá la variante llingüística de la so fastera pa producir un corpus lliterariu mui estimable en calidá y variedá. Poeta y narradora mui apegada a la naturaleza y a la tradición, ye dueña d’un estilu y d’un llirismu elegante y señaldosu, intensamente caltriáu pol so entornu vital. Sabíase dende hai años de la esistencia d’ Hestoria de la mia vida, unes memories que fueron axeitaes con tientu y dolor y que la escritora encamentó que fueren publicaes solo después de la so muerte. Na so primer parte, el relatu céntrase nos años d’infancia y mocedá d’Eva y na segunda, nes dramátiques consecuencies que la guerra traxo a la so familia. La presente edición va introducida pol “Entamu” nel qu’Irma González-Quevedo Pedrayes fai una semblanza de la güela y la escritora, amás d’esplicar les cuestiones referentes a la xénesis testual. El manuscritu orixinal foi dividíu en catorce capítulos y ampliáu con notes aclaratories por Roberto González-Quevedo González, fíu de l’autora. Ofrécense tres versiones: la escrita por Eva González, la que s’adaptó a la normativa ortográfica y una traducción al castellanu. El conxuntu arriquezse asina nun triple interés lliterariu, filolóxicu ya históricu.

(more…)

Read Full Post »

PABLO R. GUARDADO

El trabayu ‘El paisaxe nuestru’, de Vanessa Gutiérrez, resultó merecedor del XXII Premiu Máximo Fuertes Acevedo d’ensayu qu’entrega la Conseyería d’Educación y Cultura dientro de los sos Premios Lliterarios 2016. Ésti ye’l segundu gallardón que se falla, tres l’Alfonso Iglesias de cómic, de los cinco convocaos.

El xuráu aconceyáu ayeri decidióse por mayoría pol ensayu de la escritora y anguaño presentadora del espaciu ‘Ente toos’ que s’emite na RPA los sábados ente les 16 y 17 hores, al reconocer “el pulsu lliterariu del testu y la modernidá d’una estructura na que se fai dialogar a testos escritos y orales de distintes dómines alredor d’un mesmu paisaxe”, según destaca’l fallu. Fernando Padilla, direutor xeneral de Planificación Llingüística y Normalización, presidió’l mesmu, que tuvo formáu polos escritores y investigadores Luis Casteleiro, José Ángel Gayol –ganador l’añu pasáu con ‘Vértigu. L’atracción del abismu na sociedá contemporánea’–, Marta López Fernández, Elena de Lorenzo y Xosé Miguel Suárez Fernández ‘Tapia’.

(more…)

Read Full Post »

M. F. ANTUÑA

«La literatura tradicional es universal». Los argumentos de los cuentos se repiten aquí y en Alemania. Pero, pese a que no existen relatos tradicionales exclusivos de Asturias, sino versiones de otros cuentos universales, la filóloga Marta López Fernández (Navelgas, Tineo, 1976) se ha afanado en leer sin prisa y con ánimo investigador todos esos cuentos para encontrar elementos propios que caractericen la figura de la mujer. Ayer presentó sus conclusiones en las XXXV Xornaes Internacionales D’estudiu que celebra en la Facultad de Filosofía y Letras de Oviedo la Academia de la Llingua Asturiana.

«Intenté encontrar algunas características propias, pero los argumentos se repiten en todos los sitios, de modo que lo más particular es que la lengua asturiana se mantiene muy viva en la transmisión oral», relata la investigadora, que ha analizado cientos de cuentos, comenzando por las recopilaciones de Aurelio de Llano y Constantino Cabal y siguiendo por colecciones más modernas como las publicadas por Jesús Suárez López.

(more…)

Read Full Post »

Entamen les XXXV Xornaes Internacionales d’Estudiu na Facultá de Filosofía y Lletres de la Universidá d’Uviéu. Les Xornaes desendólquense del 8 al 10 de payares de 2016 del Salón d’Actos de la Facultá con un bayurosu programa d’espertos.

L’apertura de les XXXV Xornaes internacionales d’estudiu va ser a les 12.00 hores del próximu martes, cola presentación de la edición dixital de la revista “Lletres Asturianes”, como se fai tolos años en cada convocatoria de les sesiones d’estudiu. Darréu, a les 13 hores, va tener llugar una ponencia del poeta y profesor de la Universidá d’Uviéu Aurelio González Ovies y pela tarde, dende les 16 hores, va intervenir Ramón Mariño, de la Universidá de Santiago de Compostela, que va falar sobre’l cultivu del gallegu y del asturianu ente’l ocaso medieval y la renacencia contemporanea.

(more…)

Read Full Post »

Esti xueves 10 de Marzu, nel Aula Rector Alas, na Cai San Francisco d’Uviéu, va desenolvese una Xornada que baxo’l nome de “Espardimientu ya impactu de la llingua asturiana” entama la Universidá pa aldericar sobre la presencia de la llingua nel contestu universitariu.

Esta actividá enmarcada nel ámbitu de la estensión universitaria y que cunta col sofitu de la Xunta Pola Defensa de la Llingua (XDLA), el Seminariu de Filoloxía Asturiana (SFA) y ediciones Trabe, ente otres entidaes, va entamar a les 9 hores cola acreitación y entrega de materiales.

(more…)

Read Full Post »

Esti febreru vieno acabante d’asoleyase un nuevu volume de la Revista de Filoloxía Asturiana, publicación científica de la Universidá d’Uviéu editada pol grupu d’investigación Seminariu de Filoloxía Asturiana dende va dellos años. El presente fai’l númberu 13 d’esta publicación añal, que correspuende al añu 2013.

La edición d’esta revista faise en doble tirada, en papel y formatu electrónicu, siendo esta última de llibre accesu na plataforma Reunido de revistes científiques de la Universidá d’Uviéu. La RFA publícase ensin nengún tipu d’ayuda, pública nin privada. (more…)

Read Full Post »

Older Posts »