Feeds:
Antradas
Comentairos

Posts Tagged ‘Marta Mori’

Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

(more…)

Read Full Post »

Xosé Ambás, Héctor Braga, Dani García de la Cuesta, Berto Álvarez Peña y Marta López participen nuna cita con una actividá sobre añaes protagonizaes por lletristres asturianes.

Esti martes echen a andar les XIX Xornaes Lliteraries en Pravia baxo’l títulu ‘Lliteratura: tradición y oralidá’. Hasta’l domingu hai programaes actividaes dientro de l’amplia programación entamada pola Asociación d’Escritores d’Asturies.

(more…)

Read Full Post »

PABLO R. GUARDADO

L’ex presidente Antonio Trevín, el xurista Leopoldo Tolivar Alas y l’ex conseyeru y ún de los padres del estatutu gallegu Víctor Manuel Vázquez Portomeñe son dalgunos de los participantes nel II Seminariu ‘Oficialidá, el camín constitucional pal futuru del asturianu’. Ésti va tratar de “dar lluz sobre les cuestiones que tán discutiénsose al rodiu la oficialidá”, asegura Inaciu Galán.

La tarde del vienres y la mañana del sábadu l’Edificiu Históricu de la Universidá d’Uviéu va tornar a acoyer a espertos de dellos campos p’aldericar sobre la oficialidá del asturianu. La esperiencia del añu pasáu, con aforu completu y esperiencies mui arriquecidores, anima a Iniciativa pol Asturianu a repetir modelu nun momentu clave, a les puertes de les eleiciones del día 26, enfocándolu nesta ocasión en ‘reflexones y casos d’éstiu’.

(more…)

Read Full Post »

El prósimu llunes 1 d’abril tendrá llugar una mesa redonda baxo’l títulu ‘’Oficialidá: una cuestión de derechos’’ entamada por La Rede nel Atenéu de La Calzada en Xixón. L’actu contará con miembros de les distintes asociaciones en defensa del asturianu como Iniciativa pol Asturianu o la Xunta pola Defensa de la Llingua Asturiana. En representación d’estes dos asociaciones tarán Carlos Pulgar, representante de la Xunta ya Inaciu Galán, presidente d’Iniciativa pol Asturianu. Arriendes d’ello tamién tará presente Marta Mori en representación de l’Academia de la Llingua Asturiana.

L’actu sedrá’l llunes 1 d’abril a les 19:30 nel aula polivalente del Atenéu Obreru de La Calzada (Cai Ateneo Obrero de la Calzada, 33213).

Amás, nel propiu actu va entregase de baldre a cada asistente un folletu informativu, editáu por Iniciativa pol Asturianu, con varies razones que xustifiquen la oficialidá de la llingua asturiana.

(d’Iniciativa pol Asturianu, 27-03-2019)

Read Full Post »

A lo llargo d’anguaño van llegar a les llibreríes les traducciones al asturianu de ‘Mecanoscritu del segundu orixe’, de Manuel de Pedrolo; y ‘1984’, de George Orwell; amás de dalgunos de los cuentos infantiles más conocíos de la lliteratura univeral, como ‘Capiellina Colorada’, ‘El gatu con botes’ o ‘El soldáu de plomu’.

Asina se pue ver na resolución de subvenciones pa la edición de llibros publicada esti miércoles 23 de xineru nel BOPA, onde se recueyen ayudes pa cerca de 40 títulos n’asturianu.

(more…)

Read Full Post »

Trátase d’una de les obres más destacaes del sieglu XX, considerada mientres años la de más alta escuela de la poesía pura.

Esti términu emplegóse pa nomar un tipu d’estética propia del periodu d’enteguerres que busca lo esencial de la realidá, con un gustu pola pallabra exauta ensin l’acumulación d’adornos retóricos. Nel 1920 Paul Valéry, nacíu na población occitana de Seta, consolidóse como’l referente d’esta corriente poética nel Estáu francés col so segundu poemariu ‘Le cimetière marin’, qu’agora podemos lleer en llingua asturiana gracies a la torna de Marta Mori qu’espubliza Saltadera.

(more…)

Read Full Post »

El periodista d’Europa Press Damián Barreiro Maceiras resultó ganador de la XXIV edición del Premiu Máximo Fuertes Acevedo d’Ensayu n’asturianu con «Asturplotaition», obra centrada nel sector audiovisual.

El xuráu encargáu de valorar les obres presentaes reunióse esti llunes, baxo la presidencia del director xeneral de Planificación Llingüística y Normalización, Fernando Padilla, y tuvo formáu pol escritor Xuan Santori, ganador de la edición pasada; la escritora Marta Mori, la profesora de la Facultá de Filosofía y Lletres Cristina Valdés, y los filólogos del Serviciu de Planificación Llingüística y Normalización Xosé Miguel Suárez y Luis Casteleiro.

(more…)

Read Full Post »

LibrOviedo abrirá sus puertas el próximo 4 de mayo en una edición aún más especial, pues cumple 25 años, y lo hace con la misma ilusión de acercar los libros y la lectura a los visitantes. Presentaciones, encuentros, debates, talleres infantiles, cuentacuentos, etc, son algunas de las actividades que durante los diez días de feria se presentará ante el público. Un acontecimiento festivo y cultural en el que también tendrán cabida el teatro en la calle o el cine al aire libre. Un amplio y variado programa para poner la guinda a este 25 Aniversario.

(more…)

Read Full Post »

Mediu centenar de neños y neñes participaron xunto a diputaos y representantes institucionales nel actu institucional de la Selmana de les Lletres, celebráu esti miércoles na Xunta Xeneral. Nél, la lliteratura infantil y xuvenil en llingua asturiana foi la protagonista, anque tamién el gallego-asturianu.

Esti foi l’idioma de dalgún de los testos lleíos polos diputaos, pero tamién el qu’usó’l presidente del Parllamentu, Pedro Sanjurjo, que se dirixó a tolos presentes y mentes tol actu nel idioma faláu nel Occidente asturianu, ente los ríos Navia y Eo.

(more…)

Read Full Post »

La secretaría de Llingua Asturiana y Gallego-asturiano del Sindicatu d’Enseñanza de CCOO Asturies, Marta Mori, denunció’l “parón” nel procesu d’introducción del asturianu n’Educación Infantil, dalgo que, según el sindicatu, establez la Llei d’Usu del Asturianu de 1998 y anunció la Conseyería d’Educación y Cultura.

Al traviés d’una nota de prensa, CCOO recordó que dende’l Gobiernu asturianu anunciaron la so intención de camudar el Decretu de currículu del segundu ciclu d’Educación Infantil, “iguando los procedimientos necesarios pa que los especialistes d’Educación Primaria pudieran dar clase de Llingua tamién nesa etapa”.

(more…)

Read Full Post »

Older Posts »