Feeds:
Antradas
Comentairos

Posts Tagged ‘Marta Suárez Estrada’

PABLO R. GUARDADO

Belarmino Daniel Álvarez y Antón Caamaño son los responsables de la undécima propuesta del proyeutu TermAst de l’ALLA: ‘Terminoloxía de Teatru y Artes Escéniques’. La institución ta acabante d’espublizar dos llibros.

Estos direutores d’escena afrontaron el retu de recoyer términos venceyaos al mundu del teatru y de les artes escéniques “porque apoyar el teatru asturianu nun ye sólo facer una comedia n’asturianu”, señala Caamaño. Asina, ellaboraron un pallabreru formáu por alredor de 1.200 términos que, al final, quedaron reducíos a un millar pa que’l conxuntu tuviera más sentíu. Sicasí, estos nun queden pa prau y podríen recuperase pa terminoloxíes venceyaes a la música, la ópera y el doblaxe qu’Álvarez y Caamaño nun descarten facer nun futuru próximu. (more…)

Read Full Post »

Dende l’Academia de la Llingua Asturiana anunciaron la espublización d’una nueva edición, la quinta yá, d’ “El Principín”, torna a la llingua asturiana del clásicu lliterariu vertíu a la nuesa llingua por Xose Lluis García Arias, cola collaboración de M. Suárez Estrada. Esta obra d’Antoine de Saint-Exupéry -Le Petit Prince, na so edición orixinal-, ye una novela curtia espublizada en 1943, y de gran rellevancia cola so versión en decenes de llingües a lo llargo del mundu.

La torna a la llingua asturiana foi asoleyada per primer vegada en 1983, polo que 30 años depués de la so primer edición, l’Academia de la Llingua quixo rescatar un trabayu lliterariu que yá ta disponible pa la so merca en llibreríes. “El Principín” ye una de les obres que componen la coleición “Escolín”, editada pola institución académica asturiana.

(d’Infoasturies, 04-02-2014)

Read Full Post »