Convóquense los Premios Lliterarios n’asturianu del Gobiernu d’Asturies

Esti martes, 16 de xunu, espublizáronse nel Boletín Oficial del Principáu d’Asturies (BOPA) la convocatoria de los premios lliterarios n’asturianu que promueve la Conseyería de Cultura, Política Llingüística y Turismu: “Xosefa Xovellanos” de novela; “Xuan María Acebal” de poesía; “María Josefa Canellada” de lliteratura infantil y xuvenil; “Máximo Fuertes Acevedo” d’ensayu y “Alfonso Iglesias” de cómic. Espublizáronse tamién, nel mesmu Boletín, el Premiu “Nel Amaro” de Teatru Profesional y el “Premiu al Meyor Cantar Camaretá”.

Estos premios, creaos pa potenciar, consolidar y arriquecer la creatividá de la llingua asturiana nel ámbitu lliterariu, teatral y musical, tienen una dotación de 5.000 euros, nel casu de los lliterarios, y de 6.000 euros nel casu de los otros dos premios.

Read Full Post »

«Asturploitation», la llingua nes pantalles

L’ensayu «Asturploitation», del periodista Damián Barreiro y ganador del Premiu d’Ensayu Máximo Fuertes Acevedo del Gobiernu asturianu, acaba de llegar a les llibreríes. Esta obra céntrase n’analizar el pasáu y presente del sector audiovisual al traviés del cine d’esplotación y les producciones en llingües minoritaries.

«Asturploitation» ye’l resultáu del xuegu de palabres qu’asturianiza’l blaxploitation americanu –el cine de minoríes negres– y cola que l’autor estudia la situación del audiovisual n’asturianu, comparándolo con otros subxéneros cinematográficos a lo llargo del mundu y con especial referencia a los sectores audiovisuales n’otres llingües del Estáu español.

Read Full Post »

El Principáu convoca los premios lliterarios y de teatru profesional n’asturianu y gallego-asturianu

El Boletín Oficial del Principáu d’Asturies (Bopa) publicó la convocatoria de los premios lliterarios n’asturianu que promueve la Conseyería d’Educación y Cultura. El plazu de presentación termina’l 3 de xunetu pa obres dramátiques, el 2 de setiembre na modalidá de cómic y el 16 del mesmu mes pal restu d’opciones.

Estos premios son el ‘Xosefa Xovellanos’ de novela, na so cuadraxésima edición; ‘Xuan María Acebal’ de poesía, na so vixesimoquinta edición; ‘Máximo Fuertes Acevedo’ d’ensayu, na so vixesimoquinta edición; ‘María Josefa Canellada’ de lliteratura infantil y xuvenil, na so decimosegunda edición, y ‘Alfonso Iglesias’ de cómic, na so decimoprimer edición.

Según indicó’l Principáu al traviés d’una nota de prensa “estos gallardones, que contribúin a potenciar, consolidar y arriquecer la creatividá de la llingua asturiana nel ámbitu lliterariu, aumentaron anguaño la so dotación hasta los 5.000 euros”. El plazu de presentación d’orixinales termina’l 2 de setiembre na modalidá de cómic y el 16 del mesmu mes pal restu.

Read Full Post »

“Tamos equí por amor, y l’amor siempre gana”

PABLO R. GUARDADO

Los mensaxes destinaos a los intolerantes, a aquellos sectores qu’ataquen y traten de facer de menos a la llingua asturiana, protagonizaron los discursos de los Premios Lliterarios 2018 y del II Nel Amaro de teatru profesional. “Tamos equí por amor, y l’amor siempre gana”, aseguró’l poeta Pablo Texón na so intervención.

L’escritor de Felechosa consiguió’l XXIV Premiu Xuan María Acebal de poesía por ‘Allumamientu’. Yera ún de los premiaos ayeri, xunto con Manuel García Menéndez (XXXIX Premiu Xosefa Xovellanos de novela por ‘El visitante impropiu’), Damián Barreiro (XXIV Premiu Máximo Fuertes Acevedo por ‘Asturploitation’), Lluis Aique Iglesias (XI Premiu María Xosefa Canellada de lliteratura infantil y xuvenil por ‘Invisible’), Anxelu González (X Premiu Alfonso Iglesias de cómic por ‘Cacique blancu’) y Laura Iglesia (direutora de ‘Hansel y Gretel’, obra d’Higiénico Papel Teatro merecedora del II Premiu y Festival de Teatru Profesional en Llingua Asturiana y Gallego-asturiano).

Read Full Post »

Damián Barreiro gana’l Premiu Máximo Fuertes Acevedo d’Ensayu con Asturplotaition

El periodista d’Europa Press Damián Barreiro Maceiras resultó ganador de la XXIV edición del Premiu Máximo Fuertes Acevedo d’Ensayu n’asturianu con «Asturplotaition», obra centrada nel sector audiovisual.

El xuráu encargáu de valorar les obres presentaes reunióse esti llunes, baxo la presidencia del director xeneral de Planificación Llingüística y Normalización, Fernando Padilla, y tuvo formáu pol escritor Xuan Santori, ganador de la edición pasada; la escritora Marta Mori, la profesora de la Facultá de Filosofía y Lletres Cristina Valdés, y los filólogos del Serviciu de Planificación Llingüística y Normalización Xosé Miguel Suárez y Luis Casteleiro.

Read Full Post »

Vincent García, superviviente del campu de concentración de Buchenwald, visita Asturies esti martes

Vincent García Riestra, protagonista de la obra ‘42.553: depués de Buchenwald’, de Xuan Santori Vázquez, ganadora de la 23ª edición del Premiu Máximo Fuertes Acevedo d’ensayu en llingua asturiana, va visitar esti martes el Principáu pa participar na presentación del llibru, va ufrir una charla al alumnado del IES Padre Feijoo de Xixón y ser recibíu poles autoridaes asturianes.

Según informa el Gobiernu asturianu en nota de prensa, la obra ta basada na vida de Vincent García Riestra (La Pola, Siero, 1925), deportáu en 1944 al campu de concentración de Buchenwald (Thüringen, Alemaña) y últimu superviviente español nel campu de concentración mentáu. El so númberu nel campu yera’l 42.553 que da títulu al llibru.

Read Full Post »

El Paraninfu de la Universidá va acoyer la entrega de los Premios Lliterarios el 14 d’avientu

El Paraninfu del Edificiu Históricu de la Universidá d’Uviéu va acoyer el xueves 14 d’avientu próximu la entrega de los Premios Lliterarios del Gobiernu d’Asturies. Van ser cinco categoríes; Premiu ‘Xosefa Xovellanos’ de Novela, Premiu ‘Xuan María Acebal’ de Poesía, Premiu ‘Máximo Fuertes Acevedo’ d’Ensayu, Premiu ‘María Josefa Canellada’ de Lliteratura Infantil/Xuvenil y Premiu ‘Alfonso Iglesias’ de Cómic, amás del Premiu de Teatru Nel Amaro, que s’entrega pela primer vez.

Berta Piñán ye la ganadora de la 38 edición del Premiu Xosefa Xovellanos de novela n’asturianu, gallardón que concede la Conseyería d’Educación y Cultura y que ta dotáu con 3.000 euros. Foi gracies a ‘Como la muda al sol d’una llagartesa’, onde a partir d’un fechu criminal, l’autora percuerre distintos aspectos de la sociedá asturiana d’anguaño, sobre too del mundu rural.

La ventésima tercera edición del Premiu Xuan María Acebal de Poesía recayó nel escritor Pablo X. Suárez (nome artísticu de Pablo Suárez Fernández). Ente les obres presentaes, concédese por unanimidá conceder al poemariu tituláu ‘Little Babilonia’, destacando “el nivel llingüísticu y estilísticu, y la brillantez de les imáxenes d’un testu que xuega y entemez la tradición más clásica coles referencies más pop”.

Read Full Post »

Vanessa Gutiérrez: «Aquellos diálogos que escuchaba contaban la historia de los míos»

P. A. MARÍN ESTRADA

«Un espejo del alma humana», así definió ayer el escritor y colaborador de El Comercio, Xuan Bello la obra ‘El paisaxe nuestru’ (Saltadera) de la también colaboradora Vanessa Gutiérrez (Urbiés, 1980), durante su presentación en Oviedo, y por la que recibió el Premio Máximo Fuertes Acevedo en su última convocatoria. La cita, a la que asistió numeroso público, era en la Librería Cervantes, enmarcada en las actividades de Foro Abierto y contaba con la colaboración del Aula de Cultura del periódico.

El acto contó con la presencia del Director Xeneral de Planificación Llingüística del Principado, Fernando Padilla, quien manifestó su satisfacción por ver publicado un trabajo del que, dijo, «viene a enriquecer nuestro patrimonio cultural» y puso como ejemplo del valor y la calidad de la literatura en lengua asturiana, citando las palabras que el propio presentador de la obra, Bello, pronunció al recoger el Premio Nacional de Lliteratura durante el último Día de les Lletres: «Muchas veces me han objetado que una gran literatura no salva una llingua, pero sin ella no va a salvarse», recordó Padilla.

Read Full Post »

Vanessa Gutiérrez gana’l XXII Premiu Máximo Fuertes Acevedo d’ensayu

PABLO R. GUARDADO

El trabayu ‘El paisaxe nuestru’, de Vanessa Gutiérrez, resultó merecedor del XXII Premiu Máximo Fuertes Acevedo d’ensayu qu’entrega la Conseyería d’Educación y Cultura dientro de los sos Premios Lliterarios 2016. Ésti ye’l segundu gallardón que se falla, tres l’Alfonso Iglesias de cómic, de los cinco convocaos.

El xuráu aconceyáu ayeri decidióse por mayoría pol ensayu de la escritora y anguaño presentadora del espaciu ‘Ente toos’ que s’emite na RPA los sábados ente les 16 y 17 hores, al reconocer “el pulsu lliterariu del testu y la modernidá d’una estructura na que se fai dialogar a testos escritos y orales de distintes dómines alredor d’un mesmu paisaxe”, según destaca’l fallu. Fernando Padilla, direutor xeneral de Planificación Llingüística y Normalización, presidió’l mesmu, que tuvo formáu polos escritores y investigadores Luis Casteleiro, José Ángel Gayol –ganador l’añu pasáu con ‘Vértigu. L’atracción del abismu na sociedá contemporánea’–, Marta López Fernández, Elena de Lorenzo y Xosé Miguel Suárez Fernández ‘Tapia’.

Read Full Post »

Vértigu. L’atracción del abismu na sociedá contemporánea

José Ángel Gayol
XXI Premiu d’Ensayu «Máximo Fuertes Acevedo»
ISBN: 978-84-8053-839-8
14 x 21,5 cm || 168 páxs. || PVP: 12 €

Con Vértigu. L’atracción del abismu na sociedá contemporánea, obra d’estructura bien novedosa, l’autor indaga sobre un mundu aceleráu, nel que’l vértigu apodera con too hasta «nun dexar tiempu pa pensar, pa reflexonar con vagar». Dende’l cumal de los rascacielos de Wall Street, de Dubái o de Kuala Lumpur naide nun tien posa: homes y muyeres cuerren como formigues ensin destín.

Read Full Post »