Cultura promueve la dixitalización del históricu selmanariu en llingua asturiana ‘Les Noticies’

La Biblioteca d’Asturies sumó a los sos fondos virtuales la colección de 770 exemplares del selmanariu Les Noticies, qu’a lo llargo de 16 años (1996-2012) analizó la sociedá del momentu en llingua asturiana.

La Conseyería de Cultura, Política Llingüística y Turismu, al traviés de la Dirección Xeneral de Política Llingüística, promovió la dixitalización de les más de 20.000 páxines de la publicación pa poneles a disposición de tola xenta interesao.

Read Full Post »

Ángel de la Calle gana’l Premiu Alfonso Iglesias de cómic cola obra “Paez que nun foi ayeri“

La decimotercer edición del Premiu Alfonso Iglesias de cómic n’asturianu ganóla l’ilustrador y escritor Ángel de la Calle cola obra Paez que nun foi ayeri. Na acta del fallu, el xuráu destaca “el bon usu de los recursos del llinguaxe del cómic, la madurez y l’equilibriu que presenta, la intriga que crea la historia, les referencies metalliteraries al mundu del cómic, la fidelidá y l’interés históricu, amás de la calidá llingüística del trabayu”.

El xuráu quixo valorar tamién la calidá de les propuestes presentaes y la participación tan alta, que dobla a la d’ediciones anteriores.

Read Full Post »

Alberto Vázquez lleva l’Alfonso Iglesias de Cómic pela segunda vez con ‘El sol na escombrera’

La obra ‘El sol na escombrera’, del creador Alberto Vázquez, llevó’l Premiu Alfonso Iglesias de Cómic en llingua asturiana d’anguaño. El dibuxante mierense yá ganare’l gallardón na so novena edición col títulu ‘Los llazos coloraos’.

El xuráu, que valoró “la variedá y l’interés” de tolos trabayos presentaos, destaca “l’enfoque realista y la propuesta sobria” de la obra ganadora, que narra la vida de José Fernández Sánchez, un neñu asturianu de la guerra, “un tema mui poco tratáu nes artes visuales”, según puntualiza l’acta de la deliberación.

Read Full Post »

Presentación del número 7 de ‘Campo de los Patos’

El miércoles 13 de diciembre, a las 19:00 horas, en el Aula Escalonada del Edificio Histórico de la Universidad de Oviedo se presentará el número 7 de la revista asturiana de cultura Campo de los Patos que dirige Antón García.

Es un número dedicado en su mayor parte (182 páginas de las 344 que componen este volumen) a analizar desde distintos puntos de vista la vida y la obra de Xuan Bello (humano, a través de una entrevista de Vanessa Gutiérrez; narrativo, con artículos de Antonio Rivero Taravillo, Nathan Richardson, Gonzalo Martín de Marcos; poético, con trabajos de Martín López-Vega y Rodrigo Olay; memorialístico, con una aproximación de Jeroni Salom…).

Read Full Post »

Edítase’l DVD «Una mañana» con un espectáculu alredor de la lliteratura n’asturianu

La Conseyería de Cultura y Turismu del Gobiernu d’Asturies editaba estos díes un DVD tituláu Una mañana, nel que se contién l’espectáculu del mesmu nome (col subtítulu Un viaxe sonoru a la patria de les palabres).

El 3 de mayu del añu 2007, el Teatru Filarmónica d’Uviéu acoyía esti montaxe, como actu central de la 28 Selmana de les lletres Asturianes, nel que s’axunta teatru, música y videocreación col aquel de facer un homenaxe a la narrativa asturiana actual. El responsable del llibretu y compositor de los cantares foi l’escritor Adolfo Camilo Díaz, que contó cola collaboración de los actores Carlos Dávila y Mercedes Menéndez, los cantantes Emilio Menéndez, Esther Fonseca y Xulio Antidio, y los músicos Julio César Picos Sol (pianista), María Menéndez (violonchelu) y Jorge López García (clarinete).

Read Full Post »