Miguel Solís Santos va apregonar la XVIII Fiesta de la Oficialidá

L’escritor y dibuxante Miguel Solís Santos (Avilés, 1956) va ser el pregoneru de la XVIII Fiesta de la Oficialidá de la Llingua Asturiana de Bimenes, que se va cellebrar el sábadu 5 de xunetu na capital del conceyu, Martimporra. Solís Santos ye amás, ente otres munches coses, miembru correspondiente de l’Academia de la Llingua Asturiana y l’autor de Les llamuergues doraes, la primera novela contemporánea en llingua asturiana.

El Conceyu Bimenes, magar les dificultaes económiques d’anguaño, presenta un programa d’actividaes bien completu qu’inclúi, amás del pregón y de la intervención institucional del Alcalde, actuaciones de grupos folklóricos, xinta popular, muestra de cuatriada, monologuismu y el tradicional conciertu nuecherniegu de música folk. La novedá d’esti añu ye la cellebración del I Concursu d’Escanciadores de Bimenes, puntuable pal campeonatu oficial d’Asturies. Toes estes actividaes van desendolcase na xornada del sábadu, quedando pal domingu la final del XV Concursu de Gaita de Bimenes.

ANEXU: Programa de la XVIII Fiesta de la Oficialidá de la Llingua Asturiana.

(d’Infoasturies, 13-06-2014)

Read Full Post »

Cómic, imaxe y palabra

ANTÓN GARCÍA

El 31 de marzu de 1889 editábase en Xixón el primer númberu de “La comedia gijonesa, periódico semanal festivo ilustrado”, que s’anunciaba na portada como fechu por Tarfe (testu) y Pepe (dibuxos). Na páxina 5 publicaba cuatro viñetes seriaes qu’ilustren “Un cuento viejo”: “Una vez era un rey,/ tenía tres fíes,/ vistióles de… colorao (ó azul)/ y tiróles al teyao.” El testu, n’asturianu, ye un cuentu mínimu que se conocía en munches partes d’España (recuéyelu Rodríguez Marín nos sos “Cantos populares españoles” de 1882), d’esos que se relaten a los nenos pequeños pa embromalos. Les cuatro viñetes escenificaben el cuentu con trazos eficaces y calidables, cola soltura habitual de Pepe Prendes, qu’ensiguida diba dexar l’oficiu de dibuxante satíricu pa convertise en dalgo serio: xuez. Teniendo en cuenta esi matiz colorísticu qu’introduz el testu (el “colorao o azul” nun figura en nenguna variante oral del cuentu popular), ye posible que la historieta pudiera llevar dalguna intencionalidá política. Cásique ensin proponéselu, Tarfe y Pepe Prendes taben echando a andar la historia del cómic n’asturianu.

Depués de Pepe Prendes, la combinación de dibuxu y testu n’asturianu parez que quedó reducida al chiste gráficu. Cuando, nos años setenta y ochenta del sieglu XX, la profesora Carmen Díaz Castañón publicaba les sos sucesives histories de la lliteratura bable, dedicaba un apartáu al cómic ensin dase cuenta de qu’esti xéneru necesita un desarrollu narrativu, esi “arte secuencial” que dicía Eisner cola economía de palabres que lu caracterizaba. Asina, Díaz Castañón namás destaca dos autores de chistes gráficos de posguerra: Alfonso Iglesias, el popular dibuxante de Pinón y Telva, y Rovés, el creador del Gaviotu, el personaxe playu. Díaz Castañón nun fai nenguna referencia al inicial Pepe Prendes, y escaez la notable collecha de dibuxantes humorísticos d’a primeros del sieglu XX, onde figuren nomes tan distinguíos como Truán, Valle o Milín, resalvando tamién los galanes que daba, agora sí, el cómic n’asturianu de la mano de Conceyu Bable (Ramón Fermín y Solís Santos).

Read Full Post »

Ánxel Álvarez Llano gana’l VII concursu de micro-rellatos n’asturianu ‘L’Horru del Carbayedo’

Fallóse’l VII concursu de micro-rellatos n’asturianu ‘L’Horru del Carbayedo’ algamando’l primer premiu Ánxel Llano Álvarez con “Colección”. El segundu premiu foi pa Yose Álvarez Mesa por “Badagüeyu”.

Read Full Post »

Avilés celebra’l Día del Llibru con delles actividaes nel Palaciu de Valdecarzana

Esti llunes, 22 d’abril, van entamar les celebraciones por mor del Día del Llibru n’Avilés. Sedrá a les 19:30 con una conferencia de Santiago Caravia, xefe de la estaya de bibliografía asturiana na Biblioteca d’Asturies, que falará de los retos y perspectives que tienen per delantre les biblioteques públiques asturianes.

El martes 23 a les 19:30, Miguel Solís Santos, escritor y miembru de l’ALLA, dará llectura a al conferencia “La xeneración del surdimientu de la llingua: una güeyada dende dientro”, mientres que’l miércoles, a la mesma hora, l’investigador y miembru del RIDEA, Xosé Lluis Campal, dará a conocer la figura del poeta avilesín Bernardo Guardado.

Amás, los díes 25 y 26 van presentase los llibros “Los jinetes del águila” y “Margaritas de Parma”.

(d’Asturnews, 22-04-2013)

Read Full Post »

La narrativa asturiana echa a andar otra vez

ANTÓN GARCÍA

Alredor de 1974 yera creencia xeneralizao que la lliteratura asturiana nun tenía prosa lliteraria. Conceyu Bable poníase en marcha como asociación cultural reivindicativa cola idea de qu’había que la facer, pero en 1981 tovía nun se consolidara una producción cuantitativa destacable, y cuando García Arias edita la so «Antoloxía de prosa bable» esi añu nun fai recuentu lliterariu, cabe nella too lo que tuviera en prosa: el cuentu, l’artículu, la traducción, un testamentu, un documentu de compraventa medieval… Conceyu Bable nun supo ver la importancia excepcional que tenía una autora como Enriqueta González Rubín, una muyer desconocida que nos años sesenta del sieglu XIX inauguraba con una novela’l xéneru narrativu pa la lliteratura asturiana (la primera catalana de la Renaixença publícase en 1862, y la primera gallega en 1880). Les proses de Pachín de Melás o de Fabricio (les d’esti tovía agora mui mal conocíes) entendíense como curiosidaes d’escasa calidá lliteraria, ensin valorar l’enorme esfuerzu que suponía a primeros del sieglu XX romper la tradición asturiana de narrar en versu.

Read Full Post »

Avilés celebra’l Día de la Llingua Materna con homenaxe a Bernardo Guardado

A les 13:30 hores Avilés va celebrar el Día de la Llingua Materna con un actu homenaxe al escritor en llingua asturiana y avilesín de nacencia, Bernardo Guardado Rodríguez (1913-1982) nel CICLAC (Centru d’interpretación de La Carriona). Nel mesmu glosará la so vida y obra Miguel Solís Santos.

Darréu fadráse una ufierta floral na so tumba y llectura de dalgunes de les sos poesíes. Cuntaráse cola presencia de Mª Jesús Guardado Tomás, fía del escritor.

Read Full Post »

La toponimia de los furacos negros

MIGUEL SOLÍS SANTOS

«… y en llegando al Gólgota, que vien significar el sitiu de la calavera, …»
(Matéu 27, 33)

Exemplu clásicu del espelleyamientu que sufre la nuestra toponimia ye’l d’un llugar de Llanera, onde se cellebraron dellos descafeinaos Díes d’Asturies, al que llamen oficialmente «La Morgal». Asina dicho, suena a sitiu siniestru, a depósitu calabres, a relatu d’Alan Poe; pero si preguntamos cuál ye’l verdaeru nome desti topónimu, con delles reticencies los vecinos dícennos que ye Llamorgal. ¡Ah! Eso sí lo entendemos, ye un topónimu que deriva d’un sitiu con champanes d’agua estancao y basa con llamuerga abondo. Si vamos a esti paraxe, observamos que la topografía xustifica la toponimia, pues ye tarrén llanu y propensu a enllamorgase con un simple orbayu.

Read Full Post »

L’Arribada fai públicu’l nome de los nominaos primeros a los Premios Timón nes sos trés estayes

PABLO R. GUARDADO

Yá se conocen los nominaos primeros a los Premios Timón, que na edición d’esti añu estrena la categoría de ‘Cultura Asturiana’. El plazu pa presentar candidatura a los gallardones añales de L’Arribada fina’l 2 de mayu al meudía.

Los aspirantes, hasta’l momentu, pa llevase’l primer Premiu Timón de Cultura Asturiana, “destináu a asociaciones, sociedaes y fundaciones con sé na nuestra comunidá autónoma que tengan como fin la conservación y promoción de la identidá cultural del país”, son la Sociedad Humanitarios de San Martín, la Fundación Belenos, l’Asociación Cultural San Tirso del Eo, la Tertulia Cultural El Garrapiellu, la Fundación Caveda y Nava y l’ Asociación Cultural Ensame Sidreru. L’Asociación Cultural L’Arribada va tener en cuenta como un méritu importante a la hora de fallar el gallardón, la difusión de la llingua asturiana y/o del gallego-asturiano nes actividaes d’estos coleutivos.

Read Full Post »

El Fueru d´Avilés y los insultos medievales

MIGUEL SOLÍS SANTOS

El primer monumentu lliterariu de la nuestra Llingua, el Fueru d’Avilés, otorgólu Alfonso VI a finales del sieglu XI y confirmólu Alfonso VII en 1155. L’orixinal del rei Alfonso VI nun se conserva, pero por suerte, tenemos el de 1155, custodiáu na Casa’l Conceyu avilesina. Amás tenemos, de magar hai dos años, una copia del sieglu XIII que se daba por perdida

Como dixera, esti documentu ye tou un monumentu; trátase del primer testu nel qu’apaez el pasu del Llatín al Asturianu, anque corrompináu de provenzalismos, por ser el copista un personaxe d’eses tierres franques.

Read Full Post »

Setecientos escolares participarán en las Xuntas de escolinos por la llingua

M. PÉREZ

La IX edición de las Xuntes d’escolines y escolinos de Avilés y comarca contarán este año con más participación que nunca. A las actividades programadas en defensa y promoción de la llingua asturiana se han inscrito 700 escolares de 19 centros públicos de la comarca; 12 son colegios y 7 son institutos.

La responsable del Servicio de normalización lingüística en Avilés, Montse Machicado, destacó ayer durante la presentación del programa la importancia de contar con un número importante de alumnos de Bachiller. «No es lo más habitual que elijan asturiano en esos niveles», explicó. En la presentación, Machicado estuvo acompañada por el concejal de Cultura en el Ayuntamiento de Avilés, Román Antonio Álvarez, y por el dibujante del cartel anunciador de este año, Miguel Solís Santos.

Las jornadas se celebrarán el miércoles y el jueves de la próxima semana en la Casa de Cultura de Avilés. Este año están dedicadas a la poesía del siglo XVIII, y en concreto a cuatro autores sobre los que han estado trabajando en clase los estudiantes: Bruno Fernández Cepeda, Xosefa Xovellanos, Teresa Cónsul, y Valvidares.

Entre las actividades que se desarrollarán en las jornadas destacan representaciones de teatro, lectura de cuentos, recitales de poesía, música y baile, entre otros. Uno de los actos centrales será la celebración del VIII Concurso de mascotines. Los trabajos estarán expuestos en el Valdecarzana.

(de La Nueva España, 27-04-2012)

Read Full Post »