Feeds:
Antradas
Comentairos

Posts Tagged ‘Ministerio de Educación Cultura y Deporte de España’

L’Academia de la Llingua Asturiana asoleyó esti día, nuna rueda de prensa, la so esmolición depués de venir siguiendo “con perxustificada alarma les noticies qu’estos caberos meses y díes arrodien la enseñanza de la Llingua Asturiana nes estremaes estayes educatives”. L’Academia entiende que nel tresfondu de toa esta llamentable situación ta la testona realidá de que l’asturianu ye la única llingua del estáu español non oficial.

Les esmoliciones de l’Academia recueyen “la negativa del Ministeriu d’Educación a inxerir nel Decretu d’Especialidaes Docentes la posibilidá de que la materia «Llingua Asturiana» pudiere ser una de les especialidaes pal profesoráu d’Educación Primaria y Secundaria. Y ello magar cuente con una enmienda del propiu Conseyu Escolar del Estáu que reclama tal posibilidá. Esta negativa ye, lóxicamente, responsabilidá del Ministeriu, pero tamién de la Conseyería d’Educación y Cultura d’Asturies que nun fexo por negociar al máximu nivel les condiciones de la petición”.

(more…)

Read Full Post »

ELENA RODRÍGUEZ

El Sindicato de Enseñanza de CC OO emplazó ayer a la Consejería de Educación a realizar “una distribución de asignaturas en ESO y Bachillerato que permita la protección del asturiano, al igual que se hizo con el decreto de Primaria”. Tras analizar los borradores de los currículos de sendas etapas, la central considera que la Llingua “sufre un nuevo revés” dentro del sistema educativo debido a la competencia con nuevas materias optativas en Secundaria y “al gran recorte” que sufre en Bachillerato.

“En ESO se verá obligada a competir con cuatro asignaturas optativas: segunda Lengua Extranjera, Iniciación a la Actividad Emprendedora y Empresarial, Cultura Clásica y una materia más propuesta por el centro. Y en el que respecta a Bachillerato, la carga horaria pasa de las cuatro horas a la semana que había hasta ahora a una hora. Se equipara con Religión”.

(more…)

Read Full Post »

L’Asociación de Trabayadores de la Normalización Llingüística denunció nun comunicáu’l “recorte escomanáu y malintencionáu de les hores de llingua asturiana nel nivel de bachilleratu propuestu nel borrador del currículu mandáu a los centros educativos asturianos”.

Ye esti un retayu que fai pasar de cuatro a una hora d’asturianu en bachiller, esplica l’asocaición, siendo una “etapa educativa yá condenada a númberos mínimos pola imposibilidá d’apaecer como materia evaluable na PAU y que yá contaba, pa más, con una ratio esixida pa impartila”.

(more…)

Read Full Post »

Un grupu de persones convocaes pola XDLA concentróse na mañana d’esti llunes frente a la Conseyería d’Educación. Reclamaron la oficialidá del idioma pa garantizar derechos llingüísticos.

Los manifestantes formaron con pallabres de gran tamañu la pallabra ‘oficialidá’ y protestaron pola situación que vive anguaño la Llingua Asturiana y Gallego-asturiano nel sistema educativu, asina como los maestros énte la falta de la especialidá docente. “Nes últimes selmanes el Ministeriu y Conseyería d’Educación volvieron a enredase y a acabar faciendo qu’ente los dos se torguen los derechos d’estudiantes y profesores al negase la creación de la especialidá docente de Llingua Asturiana. 30 años d’escolarización precaria y falta de derechos llingüísticos nun-yos deben paecer abondo. Contra toles sides xurídiques que siempre ponen, llevamos munchos años diciéndolo: la solución ta ehí y llámase oficialidá”, espresa la Xunta pola Defensa de la Llingua Asturiana (XDLA).

(d’Asturies.com, 02-02-2015)

Read Full Post »

La Conseyería d’Educación y Cultura pidió al secretariu del Ministeriu d’Educación qu’especifique en base a qué norma se deniega la reconocencia de la especialidá docente de ‘llingua’ asturiana, como defende l’executivu autonómicu.

En declaraciones a los medios mientres un actu nel Muséu de Belles Artes, la conseyera d’Educación, Ana González, consideró que la negativa espresada pol ministru del ramu, José Ignacio Wert, a reconocer la especialidá tien un calter ideolóxico.

(more…)

Read Full Post »

El Ministeriu d’Educación punxo enriba la mesa un proyectu de Real Decreto onde se regulen les especialidaes del profesoráu de la enseñanza Secundaria. Ye un documento de calter técnicu nel que s’afaya normativa anterior a la LOMCE a les nueves materias que se meten nos nuevos currículos.

Al paecer d’estes organizaciones “pa la comunidá educativa asturiana ye un momentu de gran trascendencia en tanto que xugámonos la creación de la especialidá d’asturianu y gallego-asturiano. Ésta ye una reivindicación histórica que supón dignificar l’enseñu d’estes asignatures y igualar les condiciones llaborales del profesoráu que les imparte a les del restu de docentes”.

(more…)

Read Full Post »

L’Asociación de Trabayadores de la Normalización Llingüística, nun comunicáu asoleyáu esti día, quier denunciar “la falta respetu non solo del Gobiernu del Estáu Español, sinón del mesmu Gobiernu d’Asturies pa coles llingues del nuestru país, l’asturianu y el gallego-asturianu, y el so profesoráu”. Pa los trabayadores d’estos servicios que les actitúes llingüístiques d’un gobiernu son el puxu fundamental pa da-y vida y dignidá a una llingua o, al contrario, pal so desaniciu.

Del primeru “pol enfotu intencionáu de torgar la especialidá d’asturianu y gallego-asturianu escontra lo recoyío nel testu de la LOMCE, onde’l Ministeriu d’Educación aceptó añadir la Disposición Amestada 38.6 pa permitir que les comunidaes autónomes con llingües ensin calter oficial pudieren mantener la so ufierta educativa y del segundu, por nun facer nada por evitalo, resignándose a aceptar decisiones que denigren, humilden y conducen a les nuestres llingües a una situación d’escaezu y desamparu”.

(more…)

Read Full Post »

La conseyera d’Educación, Cultura y Deporte, Ana González, anunció esti llunes que va siguir insistiendo al Gobiernu que preside Mariano Rajoy pa qu’exerza les sos competencies y cree la especialidá de profesoráu de Llingua Asturiana, y alvirtió que si la competencia ye autonómica, tal como plantegó l’Estáu, va solicitar que-y indique cuála ye la normativa que tien que desarrollar la Comunidá Autónoma.

“Esta negativa nun significa que vayamos tirar la toalla, vamos siguir con delles estratexes. La primer d’elles ye que si ellos nun lo reconocen, teniendo como tienen la competencia, que me digan qu’acordies con qué llexislación pue facelo la Conseyería”, señaló. La conseyera fizo estes declaraciones en participando na presentación de la digitalización de los catastros de Somiedu y Teberga.

(more…)

Read Full Post »

L’Asociación Cultural N’Ast camienta que la nueva refuga del Ministeriu d’Educación, Cultura y Deporte a incluyir Llingua Asturiana comu especialidá nel Real Decretu d’Especialidaes del Oficiu Docente “nun tien de sorprender a naide, y menos a los responsables educativos del “Principado”, qu’aprovecharen la Conferencia Seutorial d’Enseñu cellebrada’l pasáu miércoles en Madrid pa tornar a plantegar esta reclamación hestórica cola que se pretenden igualar les condiciones del profesoráu qu’imparte esta materia coles del restu docentes d’otres especialidaes”.

Señalen que “Victorina Fernández, representante asturiana na Conferencia Seutorial d’Enseñu en calidá de Direutora Xeneral de Formación Profesional, Desendolcu Curricular ya Innovación Educativa del “Principado”, afitó que “lo que queríemos ye que nel artículu sobre les llingües cooficiales s’abriera un puntu nel que se dixera qu’aquelles llingües d’especial proteición puedan ser definíes como una especialidá autonómica. Eso daría estabilidá al profesoráu d’asturianu, pero dixérenme que non””.

(more…)

Read Full Post »

Nun duru comunicáu asoleyáu esti día, SUATEA acusa al Ministeriu d’Educación de pretender zarrar la puerte a la creación de la especialidá docente de Llingua Asturiana. Jose Ignacio Wert aconceyó esta selmana cola comunidá educativa dientro de la Conferencia Sectorial onde se trató’l nuevu decretu d’especialidaes docentes y “la redacción d’esti decretu impide cumplir coles aspiraciones de dignificación profesional del colectivu de docentes de llingua asturiana”.

Sigún SUATEA, la redacción d’esti nuevu decretu nun s’axusta al textu de la LOMCE, onde’l ministeriu aceptó añadir la Disposición Adicional 38.6 (*) pa permitir que les comunidaes autónomes con llingües ensin calter d’oficial pudiesen mantener la so ufierta educativa. “Esti ye’l casu d’Asturies, onde la presencia de la llingua asturiana tien presencia curricular en tolos niveles educativos y está regulada por la Lley de Usu y contemplada nel Estatutu d’Autonomía”, apunten dende’l sindicatu asturianu.

(more…)

Read Full Post »

« Newer Posts - Older Posts »