Feeds:
Antradas
Comentairos

Posts Tagged ‘Ministerio de Educación de España’

El martes el Conseyu de Ministros aprobó’l proyeutu de Llei Orgánica de Modificación de la LOE (LOMLOE), la conocida como ‘Llei Celaá’. La posición de la materia de Llingua Asturiana nun cambiará con esta norma, cola que la conseyería sí va tener “la oportunidá de reorganizar les enseñances pa dar meyor cabida al asturianu en Secundaria y Bachilleratu”, apunta CC OO Enseñanza.

La LOMLOE, qu’enantes tien que pasar pel Congresu, aporta pa derogar la Llei Orgánica pa la Meyora de la Calidá Educativa (LOMCE) aprobada baxo mandatu del popular José Ignacio Wert nel 2013. Con esta norma la Llingua Asturiana y el Gallego-asturiano quedaron encuadraos nel bloque d’asignatures de llibre configuración autónomica al tener en cuenta les llingües non oficiales con reconocimientu xurídicu y presencia na educación, y cola ‘Llei Celaá’ la materia “va caltenese na mesma posición que ta por analoxía a lo que va pasar coles autonomíes con llingua propia”, apunta Marta Mori, secretaria de Llingua Asturiana y Gallego-asturiano del sindicatu.

(more…)

Read Full Post »

El conseyeru d’Educación y Cultura, Genaro Alonso, indicó que la ministra d’Educación, Isabel Celáa, valoró “mui positivamente” la propuesta d’Asturies de reconocer la especialidá docente de Llingua Asturiana y Lliteratura, dalgo qu’esixe un cambiu nos reales decretos d’especialidaes, que son competencia del Ministeriu.

Asina lo señaló Alonso esti miércoles n’Uviéu a entrugues de los medios sobre l’alcuentru ente Alonso y Celáa’l miércoles pasáu en Madrid y onde el conseyeru demandó un “apoyu mayor” pa la escuela rural y pa la estensión del primer ciclu d’infantil, amás de la puesta en marcha de midíes pa la gratuidá de los llibros de testos y la situación del asturianu nel sistema educativu.

(more…)

Read Full Post »

Opentrad ye un sistema de traducción automático en códigu abierto diseñáu inicialmente para toles llingües del Estáu y d’usu gratuito pa tol públicu.

Esa ye la torna al asturianu qu’ufre’l sistema cuando-y metemos el testu en castellanu de la definición d’Opentrad.

Esti proyeutu qu’entamara’l Ministeriu d’Educación español, al envís de tornar testos y sitios webs nes llingües oficiales del estáu ve aumentada, nesta nueva versión, la escoyeta de llingües que l’usuariu pue seleicionar. Ente elles esiste la opción (na segunda columna) de facer tornes “Español-Asturiano”, “Asturiano-Español” midida anunciada va un añu pola Conseyería d’Educación del Principáu pal 2012, y llueu pal 2010, pero que polo visto yá tien versión beta a finales d’esti añu.

(more…)

Read Full Post »