Miguel Rodríguez Monteavaro y Yose Álvarez Mesa ganen el XIX Concursu de Cuentos Curtios de Cangas del Narcea

El Conceyu de Cangas del Narcea decidió conceder el premiu del XIX Concursu de Cuentos Curtios del Conceyu de Cangas del Narcea al bualés Miguel Rodríguez Monteavaro, depués de que’l xuráu valorara ‘Melchor de Quirós’ como’l meyor cuentu escritu na variedá occidental del asturianu. El rellatu repasa los díes últimos d’esti personaxe hestóricu usando elementos biográficos reales y de ficción que consiguen averar al llector, d’una manera mui emotiva, al orixe de la persona que precedió a esti eclesiásticu tan característicu, Quirós. El premiu d’esta categoría ta valoráu en 500 €.

El premiu al meyor cuentu escritu n’asturianu normativu, tamién valoráu en 500 €,  foi pa la escritora de Castrillón Yose Álvarez-Mesa, que se presentó al concursu cola obra ‘Rabilando nel fríu’, un cuentu en tercer persona con reminiscencies kafkianes y toques de humor negru que consiguió captar l’atención del xuráu.

Read Full Post »

Cangas del Narcea vei dar dous premios de 500 euros a los meyores cuentos curtios escritos n’asturianu

El Conceyu de Cangas, al traviés del Serviciu de Normalización Ḷḷingüística, publicóu yá las bases del XIX Concursu de Cuentos Curtios del Conceyu Cangas, dotáu con dous premios, unu pal meyor relatu na variedá occidental ya outru pal meyor cuentu escritu n’asturianu estándar. Los relatos han presentase primeiro del 31 de santamarina, na oficina del Serviciu de Normalización Ḷḷingüística, yá sea de manera presencial ou por corréu postal nun sobre ensin remite. Los relatos han tar firmaos por un pseudónimu ya incluir una plica ou se dean a conecer los datos reales de l’autora/autor.

La temática del concursu ía l.libre ya las obras inéditas han tener una extensión mínima de cinco fueas ya una máxima de venti, presentadas a espaciu doble ya formatu DIN A4. Los cuentos van ser valoraos por un xuráu compuestu pol conceyal de Cultura de Cangas, la responsable del Serviciu de Normalización Ḷḷingüística, una/un representante de la Rede de Normalización Llingüística nos Conceyos, amás de profesoráu ya autoras/es en l.lingua asturiana. El xuráu vei comunicar los resultaos a las personas ganadoras por vía telefónica ou corréu electrónicu.

Read Full Post »

Armando Gutiérrez y Pablo X. Suárez llevaron el XVIII Concursu de Cuentos de Cangas

Van recibir el gallardón na Sumana de las Ḷḷetras Asturianas prevista pal mes de mayu.

El lleonés Armando Gutiérrez Rodríguez, ganador na decimosesta edición del concursu, repite na categoría de variante occidental nel XVIII Concursu de Cuentos Curtios del Conceyu Cangas gracies al testu ‘Divina Providencia’. Pela so parte, Pablo X. Suárez lleva la d’estándar con ‘Escritora de taces’.

El xuráu d’esta edición, conformáu por Laura Marcos, filóloga, docente, escritora y coordinadora autonómica de la Rede de Normalización Llingüística nos Conceyos; Pilar Arnaldo, filóloga, docente y escritora; Marta López, filóloga, docente y crítica lliteraria; María Cueto, filóloga, docente y investigadora; y Mónica Rodríguez, responsable del Serviciu de Normalización Ḷḷingüística de Cangas del Narcea, rescampló de los cuentos ganadores que tean escritos “cona corrección que da la experiencia literaria”, con histories próximes “al nuesu propiu contextu bien fundamentadas ya desenvolvidas”. Cada premiu ta valoráu en 500 euros.

Read Full Post »

Escolinos de Cangas van participar nel XII Concursu de Cuentos n’Asturianu Otilio Álvarez Rodríguez

PABLO R. GUARDADO

El Serviciu de Normalización Ḷḷingüística de Cangas del Narcea convoca’l XII Concursu de Cuentos n’Asturianu Otilio Álvarez Rodríguez. Nel mesmu pueden participar escolines y escolinos de terceru a sestu de Primaria de colexos del conceyu, con plazu pa presentar trabayos, ún per persona, hasta’l 10 de mayu.

La temática de los cuentos ye llibre, cola posibilidá d’emplegar la variante occidental, la propia de Cangas, o’l estándar normativu. La estención mínima ye d’una fueya, y la máxima de cinco, en DIN-A4, cola posibilidá de presentalos manuscritos.

Read Full Post »

El seminariu d’Iniciativa va centrase en ‘reflexones y casos d’ésitu’ pa “dar lluz sobre les cuestiones que tán discutiéndose al rodiu la oficialidá”

PABLO R. GUARDADO

L’ex presidente Antonio Trevín, el xurista Leopoldo Tolivar Alas y l’ex conseyeru y ún de los padres del estatutu gallegu Víctor Manuel Vázquez Portomeñe son dalgunos de los participantes nel II Seminariu ‘Oficialidá, el camín constitucional pal futuru del asturianu’. Ésti va tratar de “dar lluz sobre les cuestiones que tán discutiénsose al rodiu la oficialidá”, asegura Inaciu Galán.

La tarde del vienres y la mañana del sábadu l’Edificiu Históricu de la Universidá d’Uviéu va tornar a acoyer a espertos de dellos campos p’aldericar sobre la oficialidá del asturianu. La esperiencia del añu pasáu, con aforu completu y esperiencies mui arriquecidores, anima a Iniciativa pol Asturianu a repetir modelu nun momentu clave, a les puertes de les eleiciones del día 26, enfocándolu nesta ocasión en ‘reflexones y casos d’éstiu’.

Read Full Post »

Elaboran un mapa del concejo de Tineo tras recopilar 700 topónimos tradicionales

D. ÁLVAREZ

La asociación “El Teixu. Rede pal estudiu y defensa de la llingua asturllionesa” ha elaborado su primer mapa de un concejo, en este caso de Tineo, en el que recoge los nombres tradicionales de todos los lugares del municipio. Se trata de un primer número de la que aspira a ser una colección cartográfica: “Cartografía toponímica del espaciu lingüísticu asturllionés”.

Tineo ha sido el concejo asturiano en el que se ha iniciado el proyecto, y ayer se presentó su mapa, que incluye todos los nombres de pueblos y brañas, además de unos 250 barrios y casas y otros tantos picos, altos, regueros y otros elementos naturales. En total, son unos 700 topónimos los que se recogen en el trabajo realizado por Fernando Álvarez-Balbuena García, Andrés Menéndez Blanco y Mónica Rodríguez Riesgo, que explican que fueron recogidos “íntegramente en encuestas orales hechas en todas las parroquias del concejo”.

Read Full Post »

Irene Turrado, de Castrucarbón, gana’l concursu infantil de recoyida de toponimia d’El Teixu

Irene Turrado Cenador, alumna del CRA Eria-Jamuz, resultóu ganadora del I Concursu Infantil de Recoyida de Toponimia Oral na Valdería, organizáu por El Teixu, Rede pal Estudiu y Defensa de la Llingua, con un trabayu sobre Castrucarbón. Los segundos premios fueron pa Carla Aparicio Turrado, na categoría de 3 a 6 años, que recoyíu la toponimia de Felechares, Joel Oller Gastón, na categoría de 6 a 9 años, qu’estudiou los ñombres de Torneiros, y Sebastián Pérez Carrera, na de 10 a 14 años, con un estudio sobre los topónimos de San Feliz. Los premios, consistentes nun lote de llibros y de productos artesanos, fueren entregaos esta mañana nel Centru Cultural de Ñogareyas, no marcu de las VI Xornadas de Patrimoniu Lingüísticu y Cultural organizadas por El Teixu.

El xuri, formáu pola filóloga estudiosa de la fala de La Valdería Isidora Rivas Turrado, l’expertu en xeografía y arqueoloxía Andrés Menéndez Blanco y el sociólogu Dennis Álvarez Guerrero, decidíu premiar estos trabayos entre los veinti presentaos a concursu, por ser aquellos que meyor representaban los ñombres tradicionales de los sitios, de la manera qu’ontavié se puede sentir entre los habitantes de La Valdería.

Read Full Post »

El Teixu celebra na Valdería las VI Xornadas de Patrimoniu Lingüísticu y Cultural

El Teixu, Rede pal Estudiu y Defensa de la Llingua Asturllionesa celebra los próximos sábadu 22 y domingu 23 de diciembre, cona colaboración de la Xunta Vecinal de Ñogareyas y de numerosas empresas locales, una nueva edición de las Xornadas de Patrimoniu Lingüísticu y Cultural, qu’esti añu tendrán llugar na Valdería. El centru cultural, la tabierna y la ilesia de Ñogareyas van acoyer un ampliu programa que contará cona presencia de Fernando Álvarez-Balbuena, Andrés Menéndez, José R. Morala, Mónica Rodríguez, Alcides Meirinhos, Nicolás Bartolomé, José Luis Gutiérrez, Máximo Carracedo, Isidora Rivas y Carlos Huerta.

Las xornadas van comenzar el sábadu 22 a las 11:30 no centru cultural, cona entrega de premios del I Concursu Infantil de Recoyida de Toponimia Oral na Valdería, convocáu nas escuelas de la comarca. L’actu contará amás cona charla ¿Cúmo se faz una investigación toponímica de campu?, al cargu del lingüista de la Universidá d’Uvieo Fernando Álvarez-Balbuena. Pa rematar, presentarase la colección de mapas d’El Teixu Cartografía toponímica del espaciu llingüísticu asturllionés, de la qu’acaba de publicase’l primer númaru, correspondiente al conceyu asturianu de Tinéu, y se dará cuenta del estáu de los trabayos de los mapas de las provincias de Llión y Zamora.

Read Full Post »

Los niños cangueses riman en asturiano

D. ÁLVAREZ

Despertar el gusto por la poesía desde edades muy tempranas es lo que busca, desde hace ocho años, la escuela de Educación Infantil Los Gigantinos, de Cangas del Narcea, con la organización de unas jornadas dedicadas en exclusiva a los poemas. Este año han querido, además, que el asturiano fuese la lengua protagonista de la semana y se ha escogido el libro “Versos de Asturias”, de Daniel García Granda y la ilustradora Ilemi Cuesta Mier, para hacer de hilo conductor. Las jornadas coincidieron con la celebración de la décima edición de la Sumana de las l.letras asturianas, que organiza el Ayuntamiento cangués.

“El objetivo es inculcar el hábito y el gusto por la lectura a los más pequeños, y para ello siempre se recurre a los cuentos, pero nos dimos cuenta de que cuando leíamos poesías les gustaba mucho y decidimos apostar por este género que está más olvidado”, explica María Elena Fernández, directora de la escuela. Así surgió, de manera experimental, hace ocho años, la idea de dedicar una semana entera a la poesía dentro de la escuela. Durante su celebración, se leen textos de forma animada por parte del profesorado y también participan como invitados los propios autores.

Read Full Post »

Los escolares del Suroccidente presenten 132 trabayos al certame lliterariu n’asturianu ‘Cesar Feito’

El concursu lliterariu ‘Cesar Feito’, qu’entama’l Conceyu de Cangas tolos años contó esti añu cola participación de centros educativos de Tinéu y d’Ayande. En total, presentáronse 132 trabayos a esti certame n’asturianu que busca promocionar la creatividá lliteraria y artísticA ente los neños y adolescentes menores de 16 años.

El Xuráu, formáu pola filóloga Mónica Rodríguez Riesgo y los escritores Ignaciu Llope y Elías Veiga, alcordó conceder trés premios por categoría y dellos accésits. Los premios en categoría C (de 13 a 16 años) son pa los estudiantes del institutu Conceyu de Tinéu, Sara Montero Menéndez, ganadora col rellatu ‘Les mios ganes de vivir’, y Pablo Rodríguez Menéndez, mentes na categoría B (de 9 a 12 años) tán repartíos ente los colexos públicos d’El Pascón, Berducedo y el CRA Eugenia Ástur.

Read Full Post »