Blanca Fernández Quintana gana’l Premiu «María Josefa Canellada» de Lliteratura Infantil y Xuvenil con El cartafueyu d’Alquimia

Blanca Fernández Quintana (Bimenes, 1994) ye la ganadora del XV Premiu «María Josefa Canellada» de Lliteratura Infantil y Xuvenil n’asturianu, que promueve la Conseyería de Cultura, Política Llingüística y Turismu. La so novela El cartafueyu d’Alquimia foi reconocida pol xuráu del gallardón pol so «destacable retratu de los personaxes y la evolución que siguen a lo llargo de la obra».

La obra ganadora ye una novela p’adolescentes que trata con aciertu les rellaciones familiares de dos hermanos que nun conocen quién foi so madre. El Premiu «María Josefa Canellada» de Lliteratura Infantil y Xuvenil n’asturianu ta dotáu con 6.000 euros y la publicación de la obra.

Read Full Post »

Armando Gutiérrez y Pablo Suárez premiaos nel XVIII Concursu de Cuentos Curtios de Cangas

El xuráu del XVIII Concursu de Cuentos Curtios de Cangas, decidió premiar al llionés Armando Gutiérrez Rodríguez pola so obra ‘Divina Providencia’ y al asturianu Pablo Suárez Fernández por ‘Escritora de taces’. Asina lo reflexa l’acta del xuráu, formáu por Laura Marcos, filóloga, docente, escritora y coordinadora autonómica de la Rede de Normalización Llingüística nos Conceyos; Pilar Arnaldo, filóloga, docente y escritora; Marta López, filóloga, docente y crítica lliteraria; María Cueto, filóloga, docente ya investigadora; y Mónica Rodríguez, responsable del Serviciu de Normalización L.llingüística de Cangas, quien destaca que los dos cuentos tán escritos cola corrección que da la esperiencia lliteraria y constrúin hestories próximes al nuesu propiu contestu bien encontaes y desenvueltes.

La primera de les hestories, d’Armando Gutiérrez, ta ambientada en Cangas y cuenta como narrador testigu col mesmu Xovellanos. D’esta miente, esti autor llionés, afincáu n’Asturies con una trayectoria lliteraria respondida por por premios esvalixaos per tola nuesa xeografía, revalida’l premiu que yá consiguió nesi mesmu concursu en 2018.

Read Full Post »

Armando Gutiérrez, Raquel F. Menéndez y Marcos Martínez Fernández ganen el premiu de cuentos curtios de Cangas

El XVI Concursu de cuentos curtios del conceyu Cangas yá tien ganadores. El primer premiu na categoría n’asturianu occidental foi pal cuentu El picadoiru, de Raquel F. Menéndez y Marcos Martínez Fernández y el primer premiu n’asturianu normativu foi pal cuentu El frutu de la pasión, del escritor llionés Armando Gutiérrez Rodríguez.

El xuráu tuvo formáu polos escritores Elías Veiga y Laura Marcos, la filóloga Marta López y la responsable del Serviciu de Normalización Ḷḷingüística de Cangas, Mónica Rodríguez.

Read Full Post »

Promueven el asturiano entre los más pequeños

L. ÁLVAREZ.

La concejala de Cultura del Ayuntamiento de Cangas del Narcea, Marta Fernández, y la responsable del Servicio de Normalización Lingüística, Mónica Rodríguez, entregaron ayer a los 55 alumnos de la Escuela de Educación Infantil Los Gigantinos ‘El l.libru pa lo más pequeñín de la casa’. El acto se enmarca dentro de una campaña para promover el uso del asturiano y su variable occidental. El cuaderno, un libro de recuerdos, va dirigido a los escolares de 0 a 3 años y tiene espacio para incluir fotografías, incorporar datos o realizar juegos. Todo ello en asturiano, para involucrar a padres e hijos en la transmisión y conservación de la lengua materna. A partir de ahora, también se entregará a todos los recién nacidos en el hospital comarcal Carmen y Severo Ochoa.

(d’El Comercio, 15-02-2013)

Read Full Post »

Elías Veiga y Xuan Carlos Crespos ganen el concursu de Cuentos Curtios de Cangas del Narcea

Los ganadores del VIII Concursu de Cuentos Curtios p’adultos del Conceyu de Cangas del Narcea son Elías Veiga y Xuan Carlos Crespos. Na categoría d’asturianu estándar el vencedor foi Xuan Carlos Crespos Lanchas, que yá ganara’l mesmu premiu na edición del añu pasáu, col cuentu «Nun cementeriu na parte cimera d’un pueblu abandonáu (mio pá nun yera malu)». Pela so parte, Elías Veiga ganó col trabayu «Tierra adientro».

Read Full Post »