Feeds:
Antradas
Comentairos

Posts Tagged ‘Montañas del Teleno’

XEPE VALLE

No postreiru boletín informativu del Grupo de Acción Local Montañas del Teleno dase voz a las últimas campañas feitas pur dalgunas asociaciones culturales llionesas y l’Ayuntamientu de Trueitas en favor de la toponimia y las falas tradicionales de la contorna del Talenu, cumo pur casu, las ñuevas señalizaciones billingües en castellanu y cabreirés instaladas en Cabreira Alta, la publicación pur parte de l’Asociación Faceira d’un mapa cartográficu cunos ñomes tradicionales cabreireses, ou la campaña “Na llengua de casa” de l’Asociación El Teixu que quier llevar la llengua asturllionesa a los comercios y negocios del llugar cun cartelines indicativos d’abiertu/zarráu ou d’entrada al establecimientu, y a la que Montañas del Teleno tamién se sumóu afirmando que “el asturleonés es un patrimonio de todos los tilenenses que es necesario preservar y fomentar”.

ElCabreirés.com tuvo oucasión de falar cun Ana Astorga González, la responsable del equipu técnicu de l’Asociación Montañas del Teleno, quien nos comunicóu la intención d’esta asociación por fomentar y incluyir en próximos númberos del sou boletín informativu noticias billingües redactadas tamién en llionés, la fala tradicional de las comarcas del suroeste de Llión.

(more…)

Read Full Post »