Feeds:
Antradas
Comentairos

Posts Tagged ‘Montserrat Machicado Compañy’

PABLO R. GUARDADO

La web de la Estaya de la Llingua d’Avilés ta acabante d’estrenar diseñu nuevu. Montserrat Machicado Compañy (Xixón, 1964) ye la responsable d’esti serviciu de normalización llingüística dende hai casi 13 años.

¿Cuándo echó a andar la Estaya de la Llingua d’Avilés?
Nel 2005, un añu enantes de qu’entrara yo. Creóse un Serviciu de Promoción Cultural na Conceyalía de Cultura nel añu 2004, tando Juan José Fernández como conceyal de Cultura por Izquierda Xunida, y nel 2005 la Estaya, dependiendo d’esti Serviciu.

(more…)

Advertisements

Read Full Post »

Ánxel Suárez Llano y Inaciu Galán son los ganaddores de la décima edición del Concursu de Microrrelatos n’asturianu ‘L’Horru de Carbayedo’. El primeru presentó ‘Billete d’ida y vuelta’, col seudónimu Sirius, y el segundu ‘L’enemigu’, firmáu por Tuxa.

El xuráu tuvo formáu por Miguel Solís, Rafael Rodríguez Valdés, Antón Caamaño, y Montserrat Machicado Compañy como secretaria. Los premios serán de 500 euros pal primeru y 300 pal segundu.

Tolos rellatos, premiaos y no premiaos, presentaránse al públicu n’una esposición al aire llibre nel parque’l Carbayedo (Fiestes de San Roque, del 19 al 22 d’Agostu). L’actu d’entrega de los premios, xunto cola lletura de los cuentos premiaos, fairáse’l llunes, 22 (“llunes d’asturianía”), nel Salón de la A. VV. El Hórreo (C/Dr. Marañón, 16, baxu, Avilés), a les 18.00 hores, (xusto enantes d’entamar la obra “Después de vieyos, gaiteros”, que representa, nel mesmu llugar, el grupu de teatru asturianu “Garapiellu”).

(d’Europa Press, 09-08-2016)

Read Full Post »

Ricardo Luis González Ordóñez ganaba’l premiu micro-rellatos de L’Horru del Carbayedo esti día, depués de que asina lo decidiere’l xuráu del premiu, mentantu que Luisa Méndez Fernández, de Avilés quedábase col segundu los premios. Tolos rellatos, premiaos y no premiaos, presentaránse al públicu n’una esposición al aire llibre nel parque’l Carbayedo (Fiestes de San Roque, del 21 al 24 d’Agostu).

L’actu d’entrega premios, xunto cola lletura de los cuentos premiaos, fairáse’l llunes, 24 (“llunes d’asturianía”), n’el Salón de la A. VV. El Hórreo (C/Dr. Marañón, 16, baxu, Avilés), a les 18:00 hores, (xusto anantes d’entamar la obra “Paraísu fiscal”, que representa, nel mesmu llugar, el grupu de teatru asturianu “Santa Bárbara”).

(more…)

Read Full Post »

Fallóse’l VII concursu de micro-rellatos n’asturianu ‘L’Horru del Carbayedo’ algamando’l primer premiu Ánxel Llano Álvarez con “Colección”. El segundu premiu foi pa Yose Álvarez Mesa por “Badagüeyu”. (more…)

Read Full Post »

Una obra sobre les creencies paganes y la so rellación cola cultura, que l’etnógrafu, escritor y dibuxante Alberto Álvarez Peña presentó baxo’l títulu «Mitoloxía de los santos n’Asturies. Raigaños paganos nel cristianismu», resultó gallardonada col cuartu premiu d’ensayu y trabayos d’investigación Fierro Botas, que convoca la conceyalía d’Educación y Cultura del Ayuntamientu Xixón. (more…)

Read Full Post »

PABLO R. GUARDADO

La Estaya de la Llingua d’Avilés tien en marcha tres campañes de promoción del idioma nestos momentos. Montserrat Machicado Compañy (Xixón, 1964) va cumplir el mes que vien cinco años al frente del Serviciu de Normalización avilesín.

¿Qué resultaos algamó la Estaya de la Llingua d’Avilés dende la so creación?
La Estaya de la Llingua lleva funcionando seis años y pa ver los resultaos d’un Serviciu de Normalización creo que se necesiten munchos años más. De toes formes hai munches coses algamaes dende la Estaya de la Llingua como ye l’afitamientu d’actividaes como les VIII Xuntes d’Escolinos y Escolines, l’aprobación de la toponimia oficial, la quinta edición de cursos p’adultos d’asturianu, cinco años de campañes n’hostelería y comerciu, rotulaciones de dellos edificios municipales de toa mena: Archivu Históricu, Agospiu de Pelegrinos y Pelegrines, Centru Municipal d’Arte y Esposiciones, Escuela de Cerámica, Aules Populares, Complexu Deportivu Avilés y el Centru Cívicu y Cultural ‘Los Canapés’. Tamién ta la participación activa na Seronda, que yá lleva ocho ediciones; nel Beltaine, qu’entra nel so tercer añu, o nes VIII Xornaes d’Espacios de Creación, de proyeución internacional, onde siempre hai presencia de la llingua asturiana.

Con too eso, más la bayura de traducciones, correiciones, atenciones al públicu nes que lleva trabayando la Estaya en tou esti tiempo, va faciéndose visible pa la ciudadanía, entendiéndose ésti como un serviciu más dientro de los servicios públicos qu’ufierta’l Conceyu d’Avilés.

(more…)

Read Full Post »