Feeds:
Antradas
Comentairos

Posts Tagged ‘Moscones en Xixón’

Esti xueves pasáu, 24 de febreru, el xuráu del VII Certame Periodísticu “Moscones en Xixón” decidió otorgar el gallardón d’esta edición al trabayu “Grau, el mercadón de la cultura”, un reportaxe espublizáu pol diariu Asturnews nel añu 2010 y del que ye autor Inaciu Galán. Anque’l certame ta abiertu a obres en castellán y n’asturianu, esta ye la primer vegada que’l premiu va pa un trabayu redactáu n’asturianu nos siete años de vida del certame. Amás, Asturnews ye’l primer mediu dixital que recibe esti gallardón, hasta agora otorgáu a trabayos espublizaos en La Nueva España y otros medios asoleyaos en papel, por periodistes como Luis Arias Argüelles-Meres, Lorena Valdés o César García Santiago.

(more…)

Read Full Post »

L’asociación va a premiar al trabayu periodísticu, bien seya un artículu, un reportaxe, una entrevista, una crónica o una carta. Tien que tar escritu en castellanu o asturianu y tar asoleyá en cualaquier publicación del estáu español ente’l 1 de xineru y el 31 d’avientu de 2010. Como escepción, tamién pueden optar premiu los trabayos que nun ten publicaos, y nesi casu, Moscones en Xixón encargaríase d’asoleyalu. L’únicu requisitu en relación al tema, ye que contribuya a esparder y resaltar los valores culturales, cívicos y éticos del conceyu de Grau.

El premiu va a ser de 1.200 euros, pero podrá declarase desiertu. Los trabayos por triplicáu han de presentase na sede social de l’asociación que ta na cai Ezcurdia de Xixón. Tendrán que llevar un certificáu de la empresa que lo publicare si l’artículu ta ensin firmar o firmaú con nomatu, y si ye posible, acompañar la documentación d’un curriculum. El fallu será enantes del mes de marzu. Pueden vese les bases completes na páxina web del Ayuntamientu de Grau, que tamién colabora nel concursu.

(de Les Noticies, 14-08-2010)

Read Full Post »