“Nun somos llinguateros” ya pué descargase dende la rede

La Xunta pola Defensa de la Llingua Asturiana, en collaboración con Músicos pola Oficialidá, colectivu formáu por artistes de diferentes estilos musicales, vieno acabante como tolos años de sacar un cantar que val como banda sonora del movimientu de reinvindicación llingüística y que se presentó pela mañana nel Conceyu Abiertu, na cai La Gascona d’Uviéu. El single d’esti añu, “Nun somos llinguateros” ya pué descargase de la rede.

El single d’esti añu, “Nun somos llinguateros”, ye otra prueba más, sólida y apalapable, del compromisu de los músicos col movimientu de reivindicación llingüística n’Asturies. La novedá d’esti añu ye que nun se va sacar un discu físicu, sinón que se va colgar de la páxina web de l’asociación: http://www.exunta.org, pa que tola xente que quiera pueda sentilu y descargalu dende ellí.

ANEXU: Descarga de Nun somos llinguateros.

(d’Asturnews, 27-04-2011)

Read Full Post »

Yá se conocen los prefinalistes a la Meyor Canción de los Premios de la Música 2010

Nestos díes l’Academia de les Artes y les Ciencies de la Música dio a conocer los nomes de los prefinalistes a les munches categoríes establecíes na XIV Edición de los Premios de la Música.

Read Full Post »

‘Ye lo que nos pasa’, el nuevu CD compilatoriu de la Xunta va presentase nel Conciertu pola Oficialidá

El Conciertu pola Oficialidá del prósimu sábadu 25 va ser el sitiu más afayadizu pa la presentación de Ye lo que nos pasa, el nuevu CD compilatoriu de la Xunta pola Defensa de la Llingua Asturiana.

El compilatoriu arranca col cantar que pon nome al discu y que como vien siendo vezu ta fechu pol colectivu Músicos pola Oficialidá pa les movilizaciones d’esti añu 2009.

Read Full Post »

“Negra” d’Esther Fonseca gana’l Premiu de la Música al meyor cantar n’asturianu

El nome de los ganadores de la 13ª edición de los Premios de la Música asoleyóse güei en Madrid. Na categoría al meyor cantar n’asturianu la ganadora foi Esther Fonseca por “Negra”.

Fonseca impúnxose perriba de los otros dos finalistes, La Bandina, y Músicos pola Oficialidá. La ceremonia d’entrega va ser el 12 de marzu nel Palaciu de Congresos Manuel Rojas de Badayoz. Pues consultar premiaos en toles categoríes na web de los Premios de la Música.

(d’Asturies.com, 26-02-2009)

Read Full Post »

Alfredo González lleva’l premiu al meyor cantar

RUBÉN ARDURA

El cantante turonés Alfredo González recibió ayeri’l Premiu al Meyor Cantar pol tema “La nada y tu”. El premiáu recibió’l galardón nuna gala que se celebró ayeri en Mieres, na qu’actuaron los 5 finalistes d’esti premiu entamáu pola Conseyería de Cultura. Alfredo González, como ganador del premiu al meyor cantar, va representar a Asturies nel festival de cantares en llingües minorizaes Liet Ynternasjonaal 2009.

Read Full Post »

La Bandina, Felpeyu, Bacotexo, Músicos pola Oficialidá y Alfredo González candidatos al “Meyor cantar asturianu”

Mieres va acoyer el próximu 21 de febreru la gala d’entrega del Premiu al ‘Meyor Cantar Asturianu’. El ganador va representar a Asturies nel Festival Internacional de Llingües Minoritaries Europees, que va celebrase en Frisia esti añu.

Esti ye’l segundu añu siguíu, qu’esti conceyu va ser la sede d’esta cita, qu’organiza la Direición Xeneral de Política Llingüística del Principáu, cola que se persigue la puesta en valor de la música asturiana y que va celebrase nel Auditoriu de la Casa de la Cultura, el 21 de febreru, a les 19.00 hores.

Read Full Post »

K-Nalón, Músicos pola Oficialidá, La Bandina y Esther Fonseca finalistes a meyor cantar n’asturianu nos Premios de la Música

RUBÉN ARDURA

La XIII edición de los Premios de la Música yá tien finalistes. Ente les distintes categoríes d’estos premios, hai una que centra abondo l’atención n’Asturies, al meyor cantar n’asturianu. Na edición de 2009 son cuatro los grupos los finalistes, cuatro bandes con estilos diferentes que representen bien la variedá estilística la música de fecha n’asturianu. Per otru llau, nun hai más presencia de grupos asturianos nel restu de categoríes.

Los Premios de la Música entámalos l’Academia de las Artes y las Ciencias de la Música, entidá fundada pola Sociedá Xeneral d’Autores y Editores (SGAE) y Artistes, Intérpretes y Executantes, Sociedá de Xestión d’España (AIE). Na edición d’anguaño, y al traviés del procesu internu de votu, los finalistes na categoría al meyor cantar n’asturianu son K-Nalón col cantar “Dixebra” del so cd “Conciencia Llibre”, La Bandina col tema “Valse coxu” cantáu por Alicia ÁLvarez (Pauline en la playa), el colectivu Músicos pola Oficialidá, que d’unos años a esta parte reúnese una vez al añu pa facer un tema de sofitu a la oficialidá, en 2008 esti mecigayu de músicos asturianos ficieron el tema “Garra la Palabra”. Finalmente completa la nómina de finalistes Esther Fonseca, col cantar “Negra”, tema incluyíu nel so últimu discu en solitariu “Viaxe”.

Read Full Post »