La música asturiana enllena’l Teatru de la Llaboral nel homenaxe a Ígor Medio

La escena sonora asturiana enllenó’l Teatru de Llaboral-Ciudá de la Cultura pa homenaxar al músicu y dibuxante de cómic Ígor Medio, nel primer conciertu en gran formatu de la música asturiana depués de la pandemia.

‘El Conciertu d’Ígor Medio’, enmarcáu na 43 Selmana de les Lletres Asturianes, dedicada al músicu y dibuxante que morrió nun accidente de carretera nel 2006, cuntó con un públicu entregáu y l’asistencia de la conseyera de Cultura, Política Llingüística y Turismu, Berta Piñán.

Read Full Post »

La música n’asturianu sobrevivió a la pandemia: 20 discos publicaos nel 2020

L’Anuariu de la Música Asturiana 2020, editáu por Goxe Producciones, da cuenta de lo que supunxo l’añu de la pandemia pa la creación musical n’asturianu, no referente a cancelación d’eventos y correspondiente crisis pa los trabayadores. Failo nun estensu reportaxe de Xicu Ariza, nel que tamién se da cuenta de que los grupos y artistes, pese a la difícil situación, nun dexaron d’editar material nuevo.

Asina, tenemos a Desakato, Hoboken, Nacho Vegas, Felpeyu, José Manuel, Tejedor, Misiva, La Bonturné, K-Nalón, Slum Suit o Dani Álvarez, ente los conxuntos y artistes que subieron a Youtube nueves creaciones n’asturianu. Amás, La Tarrancha sacó’l so videoclip Salii llokes. De la mesma manera, publicaron discu completu artistes como Fruela 757 (Llariegu), Maxi Areñes (Sones del tiempu que nun foi), Fontoria (El máxicu viaxe de Fionna Morlay), Misiva (últimu aliendu). Otra cosa fueron les actuaciones en directo, evidentemente mui reducíes. Na crónica faise referencia al ciclu de conciertos de Mieres Esto nun ye San Xuan, o programaciones como Al Resve de Xixón o Arcadia Vive, en Llaviana.

Read Full Post »

Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

Read Full Post »

La manifestación por la oficialidad del asturiano toma Gijón

CARMEN FERNÁNDEZ

Ni el cielo cubierto amenazante de lluvia desde la madrugada, ni la llovizna posterior, ni tan siquiera el frío ha parado la manifestación por la oficialidad, donde centenares de personas volvieron a recorrer un año más las calles asturianas. Este 2019 le ha tocado el turno a Gijón, donde los organizadores La Xunta pola Defensa de la Llingua y los vecinos han marchado desde la plaza del Humedal hasta la Plaza Mayor de Gijón, lugar en el que finalizó con la lectura de un manifiesto al que pondrán voz el actor José Antonio Lobato y la presentadora Sonia Fidalgo.

«Nuestros representantes políticos no pueden seguir mirando al pasado. Es inaceptable, es irresponsable y, sobre todo, es injusto. Aquí estamos para recordárselo. Se resume en una palabra: ¡¡Oficialidad!!», han señalado desde la Xunta pola Defensa de la Llingua Asturiana a través del manifiesto de la movilización. Así, han incidido en que el movimiento por la oficialidad del asturiano ha demostrado ser «paciente» pero también «necio» exigiendo lo que considera un «derecho irrenunciable».

Read Full Post »

Silvia Quesada: “‘La pena abierta’ yera un discu necesariu na escena asturiana”

PABLO R. GUARDADO

Silvia Quesada (Brañameana, 1986) despide la xira del so trabayu ‘La pena abierta’ con un conciertu en Tinéu esti sábadu con entraes a la venta por 6 euros, anticipada, y 8, na puerta, y collaboraciones de primer nivel. Con un discu nuevu nel fornu, la cantante faló con Asturies.com sobre’l que foi’l so esitosu primer proyeutu en solitariu.

Hai cinco años del llanzamientu de ‘La pena abierta’. ¿Qué valoración fai del discu cola perspeutiva que da’l tiempu?
Depués de tantos años nun puedo dexar d’encontrar fallos nos aspeutos más téunicos del discu, pero imaxino qu’eso ye normal, porque vamos evolucionando y les canciones van creciendo en cada conciertu, por eso hai coses qu’agora mesmo cambiaría. Pero en xeneral foi un discu con una impresionante acoyida, fuera de too pronósticu. Yera un discu necesariu na escena asturiana.

Read Full Post »

El cantar ‘Los fayeos de mayo’, de Felpeyu, ye’l meyor de la música asturiana, según un ranking de RPA

El tema del grupu Felpeyu ‘Los fayeos de mayo’ ye’l meyor de la historia de la música asturiana, según la encuesta fecha pola Radio del Principáu d’Asturies (RPA) ente una trentena de personalidaes del mundu de la cultura asturiana.

La emisora pública emitió a lo llargo d’esta Selmana l’espaciu ‘Top 25 n’ast’, onde se dieron a conocer los 25 temes más votaos por xuráu de más de 30 personalidaes del mundu de la cultura asturiana –académicos, filólogos, músicos, escritores, actores, promotores, xestores culturales y profesores universitarios–. D’una primer esbilla salieron 200 cantares de la que les 25 que se sintieron en RPA foron los más votaos.

Read Full Post »

González Riaño va dar esti vienres nel Campoamor el so primer discursu anual como presidente de l’Academia de la Llingua

Esti vienres 4 de mayu a les 20.30 hores, el Teatru Campoamor d’Uviéu va avoyer l’actu principal del XXXIX Día de les Lletres Asturianes. Trátase de la Xunta Estraordinaria de l’Academia de la Llingua Asturiana, onde’l profesor de la Universidá d’Uviéu Xosé Antón González Riaño va dar el so primer discursu anual como presidente de la institución depués de suceder a la catedrática de filoloxía románica Ana Cano.

Amás, nesta Xunta Estraordinaria, l’Academia va dar acoyida a les dos académiques correspondientes nueves. Son Margarita Fernández Mier y Isabel Hevia Artime, profesores de la Universidá d’Uviéu.

Read Full Post »

Isabel Hevia y Margarita Fernández Mier van ser les nueves académiques de l’ALLA

La pedagoga Isabel Hevia y la hestoriadora Margarita Fernández Mier van ser les nueves académiques correspondientes de l’ALLA, que sedrán nomaes nel trescursu del institucional del XXXIX Día de les Lletres Asturianes que se celebrará’l vienres, 4 de mayu, nel Teatru Campoamor d’Uviéu.

Esti xueves, 22 de marzu, tuvo llugar la presentación nel llar de l’Academia de la Llingua Asturiana del actu institucional del XXXIX Día de les Lletres Asturianes que se celebrará’l vienres, 4 de mayu, nel Teatru Campoamor d’Uviéu. Nesta rueda de prensa intervino’l presidente de l’ALLA, Dr. Xosé Antón González Riaño, xunto col diseñador del cartel d’esta edición, Santiago Fano.

Read Full Post »

L’Academia de la Llingua va incorporar a dos muyeres a la institución

L’Academia de la Llingua Asturiana va celebrar la so Xunta Estraordinaria del Día de les Lletres Asturianes el vienres 4 de mayu nel uviedín Teatru Campoamor. Nel actu, onde va actuar Nacho Vegas, la institución va normar a dos académiques correspondientes nueves.

Nesta edición del actu principal del Día de les Lletres Asturianes, el conocíu cantautor va interpretar una muestra del so repertoriu n’asturianu. Amás, nesta Xunta Estraordinaria, la institución va dar acoyida a dos académiques nueves. Actualmente, l’Academia cuenta con 24 académicos de númberu -de les que siete son muyeres-, y 21 académicos correspondientes -de les que namás dos son muyeres-.

Read Full Post »

La segunda entrega de Bestiariu, con dolce animales nuevos, yá se viende

Tres l’esitu de la primer entrega, ‘Bestiariu 2’, discu producíu por La Fabriquina axunta a 12 nuevos grupos que canten a otros tantos animales. Nacho Vegas, Skama la Rede, ¿Aú? o Herbamora son dalgunos de los participantes.

Son 12 grupos y dolce nuevos animales que van tar presentes en cientos de cases esti Nadal. Bestiariu repite formula na so nueva entrega, pero non participantes, yá que dende La Fabriquina contactóse con nuevos artistes del ricu y variáu panorama musical asturianu. Nacho Vegas y el Coru al altu la lleva, La Bande, Møna, ¿Aú?, Arma X, Skama la rede, La Bonturné, L@s Electric@s, Lavandera, Herbamora y Elle Belga conformen el llistáu de nuevos artistes y grupos asturianos que dan forma a esta nueva entrega de Bestiariu. Sólo repite Muga y el Corín de Reciella, el proyectu musical qu’axunta a los impulsores d’esta iniciativa y al coru de l’asociación Reciella.

Read Full Post »