DAMIÁN BARREIRO
Con Camín de lletres: d’Asturies a Nueva York, fíxose Paquita Suárez Coalla (Candamu, 1965), col IV Premiu María Josefa Canellada de lliteratura infantil. Nesti llibru, esta asturiana afincada en Nueva York, compón un testu onde cada lletra del alfabetu asturianu ye una estampa distinta na qu’una nena, fía d’asturiana, va contando la so vida en dos espacios distintos: l’Asturies de les vacaciones del veranu y la Nueva York del restu l’añu. Súarez Cualla publicó nel 2001 La mio vida ye una novela. Testimonios de las mujeres del campo de Asturias y dos años más tarde la so primer obra de creación, el llibru de rellatos Pa nun escaeceme, al que siguió El día que nos llevaron al cine y otros cuentos, entrambos los dos traducíos al castellanu y al inglés. Ye también coordinadora de l’antoloxía d’escritores latinos residentes en Nueva York Aquí me tocó escribir.
¿Cómo surdió la idea de facer un llibru infantil onde’l filu conductor fora l’alfabetu?
Valióme d’inspiración A Caribbean Journey from A to Y. Trátase d’un llibru de Mario Picayo, editor de Campana y amigu míu, al que-y dedico unes palabres d’agradecimientu al principiu. Mario escribiera esti ABC caribeñu nos 80, mentes vivía en Saint Thomas, una de les isles del Caribe inglés, y buscaba ensin suerte histories pa los sos fíos que reflexaren la realidá diaria de los neños y neñes del Caribe. Anque’l llibru tarda unos venti años n’espublizase, el vacíu qu’había nos 80 na lliteratura infantil caribeña siguía siendo el mesmu na primer década d’esti sieglu. La idea de facer un ABC n’asturianu y de reflexar a traviés d’esti percorríu peles lletres la nuestra realidá llingüística y cultural, tentóme ensiguida. Prestábame tamién, como técnica y procesu creador, que foren les mesmes lletres del alfabetu les que me llevaren a una serie d’histories que, de mano, me yeren desconocíes. (more…)
Read Full Post »
Tierra alantre, la mesma fala 