Feeds:
Antradas
Comentairos

Posts Tagged ‘N\’ast’

Los votos contrarios del PSOE y Ideas, y l’astención de FAC y PP, torgaron una moción de Conceyu Abiertu por Noreña pa que’l Plenu aceptara mociones n’asturianu. L’ALLA y N’Ast mostráronse mui críticos colos socialistes.

Nuna primer votación de la moción presentada la selmana pasada pol conceyal nacionalista Pablo Pérez, hubo un empate ente a cinco votos: los 4 del PSOE, que tien l’alcaldía, y el del so sociu de gobiernu, Ideas, polos 3 d’Independientes por Noreña (3) y el del Frente de la Izquierda y Conceyu Abiertu por Noreña. Un empate que pudo desfacese colos votos del edil del PP o’l de FAC, l’asturianista Inaciu Iglesias, pero dambos astuviéronse. Yá nuna segunda votación, repitióse’l resultáu, polo que foi l’alcalde, César Movilla, el que decidió torgar la moción “en base a que nun tenía cuestión d’urxencia”, esplica l’Asociación Cultural N’Ast. (more…)

Read Full Post »

Dende N’Ast afirmen que “si bien podemos entender anque nun compartir que los pasos que se dean dende los gobiernos institucionales del Foro Asturias seyan mui progresivos, lo qu’enxamás vamos poder asumir nin reconocer comu llexitimo ye que se produza una involución nel escasu usu istitucional de la llingua algamáu nos caberos años.” (more…)

Read Full Post »

L’asociación cultural llama a simpatizantes y militantes a un aconceyamientu abiertu.

El conceyu abiertu va a tener llugar na Llibrería Paraxuga, asitiada na Cai Independencia 33 d’Uviéu, el miércoles 24 d’Agostu dende les 20 hores.

L’aconceyamientu cuntará con un orde del día formáu polos siguientes puntos: Organización; Campañes n’activo -Voluntariáu llingüístico, Material pedagóxicu, Esposición de Cartelos, Vivir n’Ast, Nome n’asturianu…; Propuesta de nueves campañes; Distribuición de material -chaples, pegadielles, llibretines, postales…- y, pa finar, Ruegos y entrugues.

(d’Infoasturies, 18-08-2011)

Read Full Post »

Pa N’Ast, asociación en defensa de la cultura y llingua asturianes, énte’l casu de la retirada del Plenu d’una moción por tar n’asturianu “cualesquier organización cívica realmente comprometiía cola materialización efeutiva de los drechos llingüísticos tien el deber de pronunciase, denunciando públicamente lo qu’implica la presencia del PSOE nos espacios de decisión istitucional del País”. L’actuación represiva del alcalde de Noreña “haza l’exerciciu d’un drechu ciudadanu por parte del conceyal de Conceyu Abiertu por Noreña, tien que contestualizase na “normal” práutica caciquil del PSOE qu’ehí onde gobierna adopta un plantegamientu “patrimonialista” de les instituciones despreciando tanto a la ciudadanía activa como a la realidá cultural del País”, esplica l’asociación.

N’Ast agradez la “coherencia” del conceyal de Conceyu Abiertu, Pablo Pérez, al considerar “que la meyor manera de facer pola normalización social de la llingua dende les instituciones nun consiste tanto en lleer dellos poemes nunos díes señalaos sinón el facer un usu permanente del asturianu en tou’l trabayu institucional. Y desgraciadamente esa coherencia, que n’otres realidaes nacionales ye un fechu normal y tresversal a tola sociedá, nel casu d’Asturies lo habitual ye que rellume pola so ausencia”.

(d’Infoasturies, 08-08-2011)

Read Full Post »

L’Asociación cultural N’Ast, tando en plena actualidá el discutiniu sobre’l diseñu de la camiseta del equipu xixonés, vien de reivindicar l’usu del topónimu “Xixón” non sólo nel pantalón, sinon tamién na camiseta.

Pa N’Ast “el respetu y l’usu de la toponimia asturiana ye una cuestión imprescindible que tien de ser asumía por tolos axentes sociales si realmente queremos recuperar la nuesa autoestima colleutiva como pueblu singular nel mundiu, y l’equipu fúbol que representa a la ciudá de Xixón tien de dar exemplu d’ello” .

(d’Infoasturies, 29-07-2011, vía Falar y Lleer, 30-07-2011)

Read Full Post »

Énte l’anuncia de que’l Ayuntamientu de Xixón sacó a llicitación el suministru y personalización de les tarxetes ciudadanes pa los dos años vinientes, por un preciu global de 221.000 euros, dende l’asociación N’Ast esixen que la edición de tales tarxetes se faiga de manera billingüe, combinando y asitiando’l mesmu nivel les llingües asturiana y castellana.

La rialización de tarxetes ciudadanes de calter billingüe “ye perfechamente posible dientru del actual marcu xurídicu, polo que dende la nuesa perspeutiva nun hai denguna escusa pa nun recoyer la llingua propia del País, de la nuesa cultura y de gran parte de la ciudadanía xixonesa” espliquen.

(d’Infoasturies, 15-06-2011)

Read Full Post »

El colectivo de defensa de la llingua N’Ast denunció ayer la exclusión del asturiano en un proyecto europeo sobre la diversidad lingüística en el Camino de Santiago, en el que están las oficinas lingüísticas de Navarra, Euskadi, Galicia, la Asociación del Estudio de Filología Aragonesa y otra más sobre el occitano y catalán.

(de La Voz de Asturias, 23-06-2011)

Read Full Post »

El voluntariáu llingüísticu ye una actividá empobinada a qu’aquelles presones que nun saben falar asturianu, o que nun tienen posibilidá d’emplegalu na so vida diaria “pola situación de marxinación y represión llingüística que carecemos n’Asturies” desplica l’asociación. Lo que pretende N’Ast con esti voluntariáu ye qu’estes persone puean ponese en contautu con voluntarios “colos que falar n’asturianu, de tala miente que nunos casos deprendan la llingua de forma efeutiva, y n’otros casos, puean recuperar el vezu de falar n’asturianu”.

(more…)

Read Full Post »

N’Ast amosó al traviés d’un comunicáu la so satisfaición pol ésitu del festival musical ‘Xixón fala n’asturianu’, entamáu pola conceyalía de Cultura Tradicional del conceyu, cola collaboración de la Oficina de la Llingua, pero considera qu’esta triba d’actos “nun puen xustificar la falta d’una planificación, pública y asumida pol consistoriu xixonés, que garantice la normalización llingüística nel conceyu”, entamando, recuerden “pol respetu a los asturfalantes y que siga pola potenciación y deprendimientu de la nuesa llingua, énte’l conxuntu de la población xixonesa, con especial enfotu nel colectivu inmigrante que s’afaya desatendíu dafechu nesi aspectu”.

(more…)

Read Full Post »

L’Ayuntamientu de Xixón entruga a los asturianos, en xeneral, y a los xixoneses, en particular, onde pondríen el nueu llogotipu de la ciudá, cuatro pieces d’acieru macizo de 25 centimétros de grosor y más de dos tonelaes caúna, que miden pente 3 y 3,5 metros d’altor y entre 1,1 y 1,5 metros d’anchor. Cuatro lletres que según l’asociación “N’ast” dexen el topónimu oficial de la ciudá y menosprecien a los xixoneses. Pa la organización “l’Ayuntamientu (PSOE-IX) paez escaecer que’l nome Gijón/Xixón ye’l correchu, y nes lletrones, por muncho que lo antroxen de “llogotipu” lo que se llee clarísimamente ye Gijón: falta un cachu o sobra tou”, declaren.

(more…)

Read Full Post »

« Newer Posts