Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.
Posts Tagged ‘Nel Sánchez’
La Tarrancha estrena “Baillando con llokes” nel so 15 aniversariu.
Posted in Asturies, Música, Xixón, tagged Arturo Rodríguez, Dani Naredo, Daniel Álvarez, David Muñiz, Illan Escalada, La Tarrancha, Nel Sánchez, Nun Tamos Toes, Sergio Díaz Montes, Sergio Rodríguez, Sil Fernández on Dezembre 15, 2018| Leave a Comment »
El Grupu asturianu de ska y fusión La Tarrancha saca discu nuevu y preséntalu’l viniente sábadu 22 d’avientu na Sala Acapulco, en Xixón.
Esti añu foi pa La Tarrancha un añu de celebración, cumplíense 15 años de que ñacieron y de la so primer grabación d’estudiu. Dempués de tar presentando dalgún de los temes nuevos mientres esta primavera y branu nuna xiruca col nome de “15 años Baillando con llokes”,llega’l momentu de presentar el discu al completu nuna fiesta conmemorativa contol so públicu.
Tierra alantre, la mesma fala 