Asturies celebra esti vienres el Día de les Lletres con descuentos y llibros de regalu

Toles persones que compren un llibru o un discu n’asturianu o gallego-asturianu’l vienres 5 de mayu, Día de les Lletres Asturianes, van tener un 10% de descuentu y el regalu de ‘Xosé Bolado. Fálame duce’, dedicáu al poeta y críticu homenaxáu nesta edición, o’l cómic ‘Gladius’, nel casu de les persones que compren lliteratura en gallego-asturianu.

Un total de 57 llibreríes y tiendes de discos del Principáu d’Asturies collaboren esti añu cola Dirección Xeneral de Política Llingüística na promoción y celebración de les Lletres.

Read Full Post »

Cerca de 60 llibreries participen esti vienres nel Día de les Lletres, con descuentos y regalos d’obres conmemoratives

Un total de 57 llibreríes y tiendes de discos d’Asturies collaboren anguaño cola Dirección Xeneral de Política Llingüística na promoción y celebración del Día de les Lletres Asturianes.

Nestos establecimientos, tolos llibros n’asturianu o gallego-asturianu van tener un 10% de descuentu. Amás, van ponese gratuitamente a disposición de les persones que merquen un llibru o un discu dos llibros conmemorativos.

Read Full Post »

Cultura va repartir 60.000 folletos y 2.000 carteles col vocabulariu sidreru

El Gobiernu d’Asturies llanzó la campaña ‘La sidra, como siempre se dixo’, una iniciativa que pretende dar a conocer ente la ciudadanía’l vocabulariu específicu vinculáu a la cultura sidrera, caracterizáu por términos y espresiones n’asturianu.

Según informó’l Gobiernu asturianu, el proyectu forma parte de les acciones de promoción y defensa de la cultura sidrera, que ye candidata a convertise en patrimoniu inmaterial de la Unesco.
La conseyera de Cultura, Política Llingüística y Turismu, Berta Piñán, y el director xeneral de Política Llingüística, Antón García, presentaron la iniciativa nel Muséu de la Sidra de Nava.

Read Full Post »

El Principáu va promocionar el vocabulariu sidreru

La Conseyería de Cultura, Política Llingüística y Turismu del Gobiernu asturianu va poner en marcha a finales d’añu una campaña sobre’l léxicu vinculáu a la cultura sidrera, caracterizáu por términos “inequívocamente asturianos”.

Dientro d’esa iniciativa, destaquen l’homenaxe del dibuxante Ernesto García del Castillo, Neto, al popular cartel ‘¿Qué tien la sidra?’, realizáu Hai más de 40 años por Elías Antonio Garrido Barrientos (1933-2019), conocíu como Garrido.

Read Full Post »

La novela prieta n’asturianu amplía’l so catálogu con ‘Los crímenes de Pumarín’ de González-Quevedo

PABLO R. GUARDADO

Tres la esitosa ‘Sangre na braña’, Roberto González-Quevedo sigue trabayando la novela prieta con ‘Los crímenes de Pumarín’, que lleva’l suxeridor apellíu ‘¿Por qué maten a los profesores?. L’autor de Palacios del Sil emplega nesta ocasión l’asturianu central.

Tres la espublización recién de ‘El faru de Gram’ (Saltadera), de Manuel García Menéndez, esti xéneru sigue aumentando’l so catálogu na lliteratura asturiana con obres de calidá. González-Quevedo asoleya cola editorial Los Osos de Pesicia una novela que tresllada a los barrios de Pumarín de Xixón y Uviéu una historia d’asesinatos a maestros qu’asusten a los vecinos de les dos ciudaes.

Read Full Post »

Anxelu González Fernández lleva’l X Premiu Alfonso Iglesias de Cómic con ‘Cacique blancu’

L’ilustrador Anxelu González Fernández ye’l ganador de la décima edición del Premiu Alfonso Iglesias de Cómic cola obra ‘Cacique blancu’. El gallardón, entamáu pol Gobiernu d’Asturies, tien una dotación de 3.000 euros.

El xuráu encargáu de valorar les obres presentaes axuntó esti martes baxo la presidencia del director xeneral de Planificación Llingüística y Normalización, Fernando Padilla Palicio, y tuvo formáu pol artista gráficu Alberto Vázquez García, ganador de la edición pasada; Carolina González Rodríguez, autora de cómics; y Ernesto García del Castillo, Neto, autor de cómics y humorista gráficu.

Read Full Post »

IX Sumana de las L.letras Asturianas

Ente’l 22 ya’l 26 de mayu de 2017, Cangas celebra la súa IX Sumana de las L.letras Asturianas.

Pa la celebración d’estiañu, ofrécense muitas actividades diferientes, todas, eso sí, pensadas pa satisfacer las demandas d’un espectru ampliu de la población.

Abren la sumana dúas exposiciones, una de tipu infantil ¿A qué sabe la lluna? ya outra más enfocada al públicu adultu, baxo’l títulu Na punta la llingua, que recói una serie de viñetas de reivindicación l.lingüística del artista gráficu cangués Neto.

Read Full Post »

Un mozu con problemátiques “bien actuales”, protagonista de la primer novela gráfica de Carballeira

Un mozu de 35 años, con problemes sentimentales y una difícil situación llaboral, bien acorde cola situación actual de munches persones, ye’l protagonista, sin nome, de ‘L’arume de la tierra’, la primer novela gráfica del ilustrador Enrique Carballeira, conocíu ente otres coses por ser autor de la tira cómica ‘Nardo y Quina’.

Carballeira presentó esti miércoles la so obra nun actu nel que compareció acompañáu pol viceconseyeru de Cultura, Alejandro Calvo, la directora xeneral de Política Llingüística, Ana López Fueyo, y el tamién dibuxante Ernesto García del Castillo, ‘Neto’.

Read Full Post »

Programa d’Actos de la 36 Selmana de les Lletres Asturianes

La Selmana de les Lletres, cita importante del calendariu cultural asturianu, llega anguaño con un programa d’actos centráu na lliteratura escolar y que tien l’oxetivu d’axuntar presente y porvenir lliterariu. El lema Semar palabres, texer futuru va presidir los actos institucionales, conciertos, recitales, presentaciones de llibros y actividaes infantiles que s’entamen con esti motivu ente’l 2 y el 10 de mayu.

ANEXU: Programa d’Actos de la 36 Selmana de les Lletres Asturianes.

(de la Dirección Xeneral de Política Llingüística, 27-04-2015)

Read Full Post »

‘L’Arume de la tierra’, d’Enrique Carballeira, gana’l Premiu Alfonso Iglesias de Cómic en llingua asturiana

L’escritor y periodista Enrique Carballeira ganó la sesta edición del Premiu Alfonso Iglesias de Cómic en Llingua Asturiana, que concede la Conseyería d’Educación, Cultura y Deporte y ta dotáu con 3.000 euros.

El xuráu encargáu de valorar les obres presentaes, formáu pol dibuxante Netu, l’escritor y guionista Chechu García y el técnicu en materia llingüístico Luis Casteleiro, reunióse güei baxo la presidencia de la directora xeneral de Política Llingüística, Ana María Fueyo.

Read Full Post »