Quince empreses qu’usen l’asturianu participen nel Reguerada Fest, espaciu d’alcuentru de la cultura nel idioma

Candás va acoyer del xueves al domingu’l I Reguerada Fest, iniciativa del Gobiernu pa crear un espaciu d’alcuentru de la cultura en llingua asturiana. Van entamase más d’una docena d’actividaes estos cuatro díes y la Fábrica d’Ortiz va agospiar un Mercáu y Feria d’Empreses na que participen un total de quince firmes qu’empleguen l’asturianu.

“Carreño ye una zona mui vinculada a la cultura n’asturianu”, aseguró na presentación Antón García, direutor xeneral de Politica Llingüístca, Antón García, qu’apuntó qu’anque en Candás “suelen dicir que ye’l ñero de la lliteratura asturiana, yo creo que ye un poco más que’l ñero, ye l’aniciu, l’orixe de la lliteratura n’asturianu y paecíanos un bon sitiu pa rindir homenaxe a Antón de Marirreguera”, autor del autor del primer testu conserváu de la historia de les nueses lletres, el ‘Pleitu entre Oviedo y Mérida: Sobre la posesión de las cenizas de Santa Eulalia’, del 1639. Asina, escoyóse’l nome de Reguerada Fest pa esta iniciativa.

Read Full Post »

El IX Día de la Reciella llega’l sábadu 1 d’ochobre con un desfile de moda y música xamaicana ente les novedaes principales

PABLO R. GUARDADO

La xornada más esperada del añu pa los más mozos yá ta equí. El sábadu viniente’l Muséu del Pueblu d’Asturies va acoyer el IX Día de la Reciella con actividaes d’años anteriores que repiten y novedaes, como un desfile de moda y una pinchada didáutica de música xamaicana, a los qu’hai que sumar un conciertu d’Alfredo González.

Va ser, como siempre, un día enllenu d’actividaes variaes pa tola familia, toes n’asturianu, nun entornu privilexáu col tendayu como centru principal d’operaciones. Una xornada pa vivir y disfrutar en llingua asturiana dafechu entama ‘Reciella. Families pol Asturianu’ y na que collaboren dellos coleutivos y clubes, asina como la Oficina de Normalización Llingüística de Xixón.

Read Full Post »

Nordés Móvil recibe’l Premiu Andrés Solar pol usu del asturianu nel sector tecnolóxicu

La empresa de telefonía Nordés Móvil resultó ganadora de la edición XXXVII del Premiu Andrés Solar pol usu del asturianu nel sector tecnolóxicu y de les comunicaciones.

La Xunta pola Defensa de la Llingua Asturiana (XDLA), entidá qu’entrega’l gallardón, valoró l’usu d’esti idioma nel sector tecnolóxicu y de les comunicaciones “que, nestos tiempos, formen una parte importante de la vida de un porcentaxe altu de la población”.

Según indicó la XDLA, esti añu 2022, foron delles les candidatures propuestes como merecedores del Premiu Andrés Solar, “lo que ye un signu mui positivu de la vitalidá de les iniciatives d’usu normalizáu del asturianu y de la voluntá de tantos asturianos y asturianes de vivir na so llingua materna”.

(d’Europa Press, 30-03-2022)

Read Full Post »