Feeds:
Antradas
Comentairos

Posts Tagged ‘Nueva Economía Fórum’

La comunidá d’asturfalantes en Twitter ta respondiendo al presidente del PP, Pablo Casado, col hashtag #YoFaloAsturianu, depués de qu’esti censurara que los socialistes pretendieran oficializar “el bable que naide fala”.

Les palabres de Casado nun almuerzu informativu entamáu por Nueva Economía Forum y que se celebró n’Almería vinieron a cuenta de la propuesta de reconocer el vascu en La Rioxa y del tratu que quier dar el PSOE a les llingües cooficiales.

(more…)

Read Full Post »

PABLO R. GUARDADO

“Nun somos a entender cómo una persona que se diz progresista ve los derechos cuidadanos como una amenaza, como fixeron y siguen faciendo los sectores ultraconservadores”, llamenta la Xunta pola Defensa de la Llingua Asturiana (XDLA). La organización refuga les pallabres de Javier Fernández el martes en Madrid.

Pese a reconocer, a entrugues de periodistes, que’l futuru candidatu de la Federación Socialista Asturiana (FSA) a la Xunta Xeneral ha d’asumir la oficialidá del asturianu y del gallego-asturiano, el presidente del país caltuvo na Tribuna del Fórum Europa, qu’entama Nueva Economía Fórum nel madrilanu Hotel Ritz, la so postura contraria a esta reconocencia de derechos de los falantes d’estos dos idiomes, llegando a señalar que “conlleva riesgos” pola esistencia de grupos “que van pensar na llingua asturiana menos como un elementu de comunicación que nun factor d’identidá”. “Nun sabemos si’l presidente ye partidariu d’un procesu d’etnocidiu llingüísticu y d’eliminar amás los horros, l’arte asturianu, Cuadonga, el paisaxe o la gastronomía asturiana pa que’l territoriu quede llibre de cualquier posible peligru identitariu”, retruca la XDLA, qu’acusa a Javier Fernández d’usar l’argumentariu de los sectores ultraconservadores contra l’asturianu.

(more…)

Read Full Post »