Feeds:
Antradas
Comentairos

Posts Tagged ‘Oficialidá’

PABLO R. ALONSO

Tres el conceyu xeneral cellebráu’l pasáu sábadu día 7 de febreru na Biblioteca Pública d’Asturies, el Conceyu Abiertu pola Oficialidá prepara la continuación de la campaña “Doi la cara pola Oficialidá” con una serie d’actos de recoyida de semeyes que van facese nes principales capitales de conceyu d’Asturies y que depués van tener continuidá a lo llargo y ancho de la xeografía del país.

Según informa’l CAO al traviés d’una nota de prensa, el primeru de los actos va ser na Plaza del Ayuntamientu d’Uviéu’l próximu domingu día 22 de febreru a les 12:00.

(more…)

Read Full Post »

El Conceyu Abiertu pola Oficialidá (CAO) anunció güei, nel trescursu d’una rueda de prensa na que facíen balance de la campaña “Yo doi la cara pola oficialidá”, que convocaba una manifestación pal sábadu día 4 d’ochobre, a les 18:30 hores na Estación del Norte d’Uviéu, en favor del reconocimientu de los derechos civiles de los asturiano falantes. Esta manifestación va salir baxo’l lema “Ensin oficialidá nun hai Estatutu que valga”, una llamada d’atención al PSOE y el PP pa qe recueyan na nueva redacción estatutaria la oficialidá de la llingua asturiana.

(more…)

Read Full Post »

El Conceyu Abiertu pola Oficialidá anunciaba estos díes al traviés d’un comunicáu la so propuesta pal 8 de setiembre, Día d’Asturies. “La idea ye publicar na prensa escrito una fueya con mil firmes de persones. L’artículu constaría de les firmes, un testu introductoriu más l’artículu IV propuestu pol CAO”, comenten dende la organización.

(more…)

Read Full Post »

El Conceyu Abiertu pola Oficialidá (CAO) convoca a concentrase’l llunes 14 de xunetu, a les 10:45 hores, delantre de la Xunta Xeneral del Principáu. Esta acción ye una demostración de que’l Conceyu Abiertu va siguir reclamando pal Estatutu la inclusión de la oficialidá de la llingua asturiana mientres duren les reuniones de la ponencia estatutaria y siempre que faga falta defender un ameyoramientu del marcu llegal de forma que se reconozan los derechos llingüísticos de los ciudadanos.

Como vien siendo habitual nes concentraciones, representantes de la plataforma cívica van facer valoraciones sobre los trabayos de la ponencia y les propuestes pa la redacción del Artículu 4 que se tán baraxando.

El CAO rechazó’l xueves 10 de xunetu, por mediu d’un comunicaú, la propuesta del grupu parlamentariu socialista -apoyada depués pol PP- pal Artículu 4, onde se-yos niega al asturianu y al gallegu-asturianu l’estatus de llingües oficiales. Nel mesmu comunicáu, el Conceyu Abiertu llama a la sociedá asturiana a «denunciar públicamente y impedir l’aprobación d’esta redacción del artículu 4 que vulnera un derechu fundamental y ruempe’l principiu d’igualdá al impedir que’l Estatutu seya fonte de derechos».

(de Les Noticies, 11-07-2008)

Read Full Post »

Redacción

El Conceyu Abiertu pola Oficialidá sigue sumando actividaes vindicatives. Nesti casu convoca una marcha ciclista que saldrá, esti domingu 4 de mayu a les 12.00 hores de la estatua de Pelayo, na plaza’l Marqués de Xixón, pa finar, dempués de delles vueltes pel Muro, nel Mercáu d’El Molinón.

L’actu forma parte de les actividaes entamaes pol Conceyu Abiertu pa vindicar la declaración d’oficialidá de la llingua asturiana nel testu estatutariu qu’estos díes negocien los grupos parlamentarios. Nel testu de la convocatoria’l CAO sorraya qu’esta nueva llei ye “posiblemente la última oportunidá de poder cuntar, por fin, con un estatutu que s’axuste a la nuestra realidá cultural y llingüística, y que reconoza los mesmos drechos a tolos ciudadanos, falen la llingua que falen”.

Al mesmu tiempu recuerden que “va 25 años” el restu de comunidaes “aprobaron los sos estatutos reconociendo les sos llingües propies como oficiales”, siendo Asturies “la única comunidá con llingua propia que nun la reconoció como oficial”.
Pal Conceyu Abiertu pola Oficialidá agora ye’l momentu de “recoyer la única vindicación ciudadana que se vien manteniendo constante n’Asturies nos últimos trenta años”. Asina, animen a participar nesta marcha pa “que nun condenen a muerte a una llingua que pertenez al pueblu asturianu dende va más de mil años”.

(d’Asturies.com, 02-05-2008)

Read Full Post »

El Conceyu Abiertu pola Oficialidá va axuntar una representación de músicos asturianos na primera de les concentraciones previstes, pa esti llunes 21 a les 08:30 hores, énte la Xunta Xeneral del Principáu. El CAO anunció a Asturnews la intención de convocar concentraciones de calter temáticu, esto ye con músicos, deportistes, escritores, etc, durante tolos díes nos que qu’aconceye la ponencia de partíos pa la negociación del estatutu d’autonomía.

Les convocatories, que van facese con independencia de la hora na que se cellebre la ponencia, van tener llugar a la entrada de los diputaos a la xunta de la ponencia estatutaria y hasta que fine’l procesu de reforma estatutataria. La intención ye denunciar que cola no inclusión de la oficialidá del asturianu neste reforma diba tar negándose un derechu civil básicu pa una sociedá democrática.

(d’Asturnews, 21-04-2008)

Read Full Post »

Redacción

El Conceyu Abiertu pola Oficialidá convoca una concentración pal próximu llunes 14 d’abril a les 9.30 hores énte la Xunta Xeneral del Principáu, coincidiendo col aconceyamientu de los grupos parlamentarios al rodiu de la reforma del Estatutu d’Autonomía d’Asturies.

Dende’l puntu de vista del CAO “esta nueva reforma ye posiblemente la última oportunidá de poder cuntar, por fin, con un estatutu que s’axuste a la nuesa realidá cultural y llingüística, y que reconoza los mesmos derechos a tolos ciudadanos, falen la llingua que falen”.

Nel testu de la convocatoria, rescamplen la situación d’inferioridá llegal que ta sufriendo l’asturianu, siendo “la única comunidá con llingua propia que nun la reconoció como oficial” nel so testu estatutariu, magar de qu’esti supuestu ta recoyíu nel artículu terceru de la Constitución española cuando diz “les demás llingües españoles (amás del castellanu) serán tamién oficiales nes respeutives Comunidaes Autónomes d’alcuerdu colos sos Estatutos”.

Asina, sorrayen el momentu históricu nel que nos atopamos, teniendo de recoyer esta reforma “la única reivindicación ciudadana n’Asturies que se vien manteniendo constante nos últimos trenta años”, ensin dexar que los “intereses partidistes irresponsables condenen a muerte a una llingua que pertenez al pueblu asturianu dende va más de mil años”.

(d’Asturies.com, 08-04-2008)

Read Full Post »