Feeds:
Antradas
Comentairos

Posts Tagged ‘Oficina Comarcal Agroganadera de Villaviciosa’

El pasáu 24 de xunetu, un profesor de secundaria desplazóse a facer un trámite a la OCA (Oficina Comarcal Agroganadera) de Villaviciosa pa unviar una documentación a la Conseyería d´Educación pente medies del rexistru.

Según informa Iniciativa pol Asturianu, el ciudadanu foi a la oficina con cita previa a les 10:15 de la mañana. Presentó la documentación a la funcionaria y cuando ésta decátase de que’l “espón/solicita” ta redactáu n´asturianu pal trámite, diz al solicitante qu´ella sólo puede “recoger documentos en castellano”. L’interesáu trata d´informar a la funcionaria de que como ciudadanu ta nel so drechu de presentar documentación n´asturianu a l’alministración autonómica. La funcionaria retruca que “ni en asturiano, ni en inglés, ni en ninguna lengua que no sea el castellano”, devuélve-y el documentu que taba n´asturianu ya indíca-y que la única manera que tien de facer el trámite ye “escribiéndolo en castellano en una traducción literal”. Nesi momentu, pa poder siguir col trámite, la funcionaria apurre una fueya y un bolígrafu y l´interesáu tien que tornar el documentu al castellanu.

(more…)

Read Full Post »