Feeds:
Antradas
Comentairos

Posts Tagged ‘Oficina de Normalización Llingüística de Xixón’

PlayPresta estrenó’l Proyectu Webserie esti domingu a les 21,30 hores na so páxina web http://www.playpresta.com y nes sos canales de Facebook y Youtube. Esti martes 2 a les 19:30 hores na Vieya Escuela Comerciu de Xixón va presentase la serie, dempués del so preestrenu en Villaviciosa y Bimenes, cola participación de los actores y el director

La canal de conteníos audiovisuales n’asturianu PlayPresta, que ta a piques de sumar más d’un millón de visites a los sos videos, estrenó esti domingu a les 21:30 la so primer webserie de ficción, “Proyectu webserie”, con una primer temporada de capítulos, que van tar disponibles cada domingu dende les 21:30 hores nes sos canales de Facebook y Youtube, asina como na so páxina web http://www.playpresta.com

(more…)

Read Full Post »

La Oficina de Normalización Llingüística de Xixón considera que’l seutor empresarial y socioeconómicu, comu parte fundamental de la nuesa sociedá d’anguañu, ye un oxetivu cimeru pa la normalización del usu de la llingua asturiana. Poro, a lo llargo’l 2019, cuenten con desendolcar delles actividaes nesi sen.

La primera d’elles ye esti taller práuticu d’emplegu cotidianu del asturianu nes empreses, acompangáu de dos charres venceyaes al tema: “L’asturianu como seña d’identidá y valor añadíu nel mundu empresarial” a cargu del empresariu Inaciu Iglesias y “La llingua como valor económicu” de David M. Rivas, Profesor d’Estructura económica na Universidá Autónoma de Madrí.

(more…)

Read Full Post »

Dende’l 20 al 29 de marzu (dambos incluyíos) ta abiertu’l plazu p’apuntase.

La beca ta dirixida a facilitar la formación especializao de persones con titulación de Gráu, Llicenciatura o Diplomatura universitaria de delles especialidaes, en materies rellacionaes cola cultura y la llingua asturiana, promoviendo la participación de la persona beneficiaria nos llabores formativos de la Oficina de Normalización Llingüística.

La beca va tener una duración de doce meses (30 hores selmanales). La persona becada va incorporase nel mes d’abril de 2019.

(more…)

Read Full Post »

El Plenu de Xixón aprobó, col votu en contra del PP, una Declaración Institucional d’apoyu a la Oficina Municipal de Normalización Llingüística, que lleva 15 años entamando midíes pa caltener y fomentar l’asturianu.

La Declaración llevóse al plenu a propuesta de l’asociación Iniciativa Pol Asturianu y xustifícase polos “ataques llenos de radicalidá”, según esta asociación, de dalgún grupu políticu al asturianu, nuna referencia clara al PP. Nesi sentíu, nel testu defiéndese que l’asturianu, como patrimoniu cultural, nun pue ser elementu de confrontación sinón d’alcuentru y destácase el papel importante de la Oficina pa que l’asturianu tenga una presencia mayor en Xixón.

(more…)

Read Full Post »

C. DEL RÍO

No tiene ocho apellidos asturianos ni falta que le hacen porque Montse Machicado Compañy (Xixón, 1964) defiende la llingua y la promoción de la cultura asturiana desde la convicción personal de quien cree en lo que hace. Responsable de la Estaya de la Llingua de Avilés casi desde el momento en el que se creó, no puede imaginar otro puesto que la haga más feliz. Su trabajo combina la vocación pedagógica que siempre ha sentido con la libertad que le gusta disfrutar para desempeñarlo. Tiene que dar cuenta, eso sí, al concejal de Cultura de turno, pero hasta el momento ha tenido la suerte de sintonizar con los tres que ha conocido.

Gijonesa hasta la médula, Montse se confiesa una enamorada de Avilés. Claro que no todo el mundo tiene la suerte de cruzar el parque de Ferrera a diario para llegar a la oficina de la Estaya, ubicada en el primer piso de la Casa Municipal de Cultura. ¿Puede haber mejor lugar para trabajar? Es una pregunta retórica que, de vez en cuando, cruza su cabeza mientras se afana en las traducciones y en la organización de diversos ciclos de normalización lingüística con los que la concejalía de Cultura pretende introducir el asturiano con naturalidad en las aulas.

(more…)

Read Full Post »

El xuráu, tres d’emponderar la calidá y bayura de los temes presentaos, valoró tanto la calidá espositiva y la capacidá de síntesis como la calidá llingüística, la oratoria y la capacidá de comunicación de les persones participantes.

El pasáu sábadu 15 d’avientu cellebróse na Escuela de Comerciu el I concursu Xixón Fala en 3, que consistió nuna competición, n’asturianu dafechu, onde se presentaron temes, idees, investigaciones con munchu procuru y con bona calidá llingüística énte un públicu non especializao, xeneralista y variao.

(more…)

Read Full Post »

PABLO R. GUARDADO

“Ye un percorríu pelos 15 años de la normalización llingüística en Xixón”, esplicó María Xosé Rodríguez López, responsable del serviciu, sobre la esposición qu’esti miércoles abrió les sos puertes nel Centru de Cultura Antiguu Institutu. Ésta acompáñase d’un videu de 15 minutos de llargor y va poder visitase hasta’l 17 de xineru.

La Oficina de Normalización Llingüística cumple 15 años y el SNL xixonés celébralo col entamu d’una amuesa que repasa’l llabor normalizador fechu pol Conceyu de Xixón dende que n’ochobre del 2003, nun despachu de la Conceyalía d’Educación y Cultura de l’Antigua Pescadería con Carmen Rúa como edil, ellaboróse’l primer presupuestu y el primer programa. Trés meses depués, el 21 de xineru del 2004, presentóse de manera oficial la Oficina Municipal de de la Llingua de Xixón, nome col que nació, na sala de receiciones de la Casa Conceyu.

(more…)

Read Full Post »

La plataforma d’información sobre ociu, viaxes y turismu Conocer Asturies pon en marcha XixónTours, un ciclu de visites guiaes temátiques n’asturianu que van ufrise al públicu a lo llargo del mes d’avientu. Una d’elles va dar a conocer a los visitantes y xixoneses, los y les escritores n’asturianu que ñacieron o vivieron nel conceyu a lo llargo la hestoria, percorriendo dellos espacios venceyaos con ellos.

XixónTours ye una iniciativa de ConocerAsturies.es pa dar a conocer la ciudá de Xixón a los propios habitantes del conceyu y a los asturianos y asturianes en xeneral, asina como a cualesquier persona que viniendo d’otros llugares quieran averase a conocer distintos aspectos de la mesma sintiendo la visita n’asturianu.

(more…)

Read Full Post »

La revista lliteraria Formientu, que sal en papel dende l’añu 2006 y ta codirixida polos escritores Diego Solís y Claudia Elena Menéndez, pon en marcha agora una nueva iniciativa na rede, la plataforma lliteraria formientu.com, una completa páxina web dedicada a la lliteratura asturiana que va siguir col espíritu orixinal de la revista, sirviendo como ferramienta pa la promoción de los y les autores mozos, pero tamién como un espaciu nel que difundir en xeneral la lliteratura escrita n’asturianu y en gallego-asturianu.

En pallabres del editor y críticu lliterariu Antón García, “pa siguir la evolución lliteraria de lo más nuevo n’asturianu resulta imprescindible Formientu”, y nesi espíritu, l’oxetivu de la nueva plataforma dixital ye convertise nun espaciu imprescindible pa conocer l’actualidá de la lliteratura asturiana.

(more…)

Read Full Post »

Esti vienres 9 de payares, a les 12.30 h , va tener llugar la entrega del ”Primer Premiu Fierro Botas a la meyor idea normalizadora”. Salón d’actos del IES Dña. Jimena.

Fartúcate en Xixón, ye el proyeutu del alumnáu de 1º ESO del IES Dña. Jimena que resultó ganador del Primer Premiu Fierro Botas a la meyor idea normalizadora. que concede la Conceyalía d’Educación y Cultura del Conceyu de Xixón -pente medies de la Oficina de Normalización Llingüística-, nel so enfotu por facer alcordanza de la figura del xesuita y profesor, Federico González-Fierro Botas y de la so querencia pola nuestra llingua y la so normalización.

(more…)

Read Full Post »

« Newer Posts - Older Posts »