Feeds:
Antradas
Comentairos

Posts Tagged ‘Oficina de Normalización Llingüística del Ayuntamientu de Xixón’

Dende va trés años la FMCE y UP al traviés de la Oficina de Normalización Llingüística desenvuelve un programa nos colexos de cantu coral col nome Cantar presta muncho, coordináu por Nacho Fonseca. Coles mires de promover la música coral ente los neños y neñes. La gran afición coral qu’esiste na ciudá precisaba d’una cantera de voces, pero atopábamos una dificultá, na edá xuvenil abandonábase l’afición y nun se retomaba hasta la edá adulta, poro que la participación nes corales sía especialmente representativa n’edaes avanzaes. Pa ello va un mes la FMCE y UP presentaba la creación del Coru Xoven de Xixón en collaboración con FECORA. Nesti contestu enmárcase la creación d’esti I Concursu de composición de música coral Eduardo Martínez Torner, que’l so oxetivu ye crear un repertoriu coral contemporaneu que siga engrandando’l mancomún de la música coral asturiana y sía aptu pa ser interpretáu por coros amateurs en llengua asturiana. Podrán presentase obres inédites con tema llibre pa coros de vocesamestaes a 4 voces, cada compositor/a podrá presentar una obra, suite o conxuntu de pieces con una duración total que tien de ser superior a 3 minutos y que nun supere los 10 minutos.El plazu de presentación fina’l 26 de xunu y el premiu ta dotau con un primer premiu de 1.000 euros y un segundu de 500 e incluye’l compromisu del estrenu de les obres premiaes y l’espardimientu de les mesmes en collaboración con FECORA.

ANEXU: Bases del I Concursu de composición de música coral Eduardo Martínez Torner.

(del Ayuntamientu de Xixón, 24-04-2015)

Read Full Post »

La Oficina de Normalización Llingüística del Ayuntamientu de Xixón vieno acabante de poner en marcha un proyectu de recuperación de la Tradición oral dirixíu a escolares de secundaria que tie por entamu los vieyos relatos que viaxaron de “boca a oreya” ente la xente del llugar. La intención ye convertir a los neños y neñes n’investigadores, que recueyan los relatos que sobre tradición oral cúnten-yos sos mayores.

Nesti proyectu van participar anguaño cuatro centros d’enseñanza secundaria y esti 11 d’avientu apurrieron los materiales didácticos diseñaos pal so desenvolvimientu. Tamién participa l’investigador Xosé Ambás, músicu y conductor del programa Camín de cantares de la RTPA que cuntó les sos esperiencies na recoyida de la tradición oral polos distintos pueblos d’Asturies y ayudó a motivar a mozos y moces participantes.

(more…)

Read Full Post »

La Oficina de Normalización Llingüística del Ayuntamientu de Xixón presentó´l xueves 11 de setiembre nel Antiguu Institutu Xovellanos a les 13.00 hores, el Pallabreru del monte y la escalada, continuando d´esta miente col llabor de difusión, usu y normalización del asturianu nel Conceyu. Nesta ocasión, realízase coincidiendo xusto col Campeonatu Mundial d’Escalada qu’entama la Federación Internacional d’Escalada de Competición col sofitu del Patronatu Deportivu Municipal del Ayuntamientu de Xixón/Gijón, y que se cellebra del 8 al 14 de setiembre.

En Xixón y n´Asturies, cuntamos con muncha xente que practica esti deporte en dalguna deles sos especialidaes. Poro, nun ye raro esta afición, si camentamos que´l nuesu país, ta enllenu de montes que permiten non sólo algamar -col conocimientu del mediu y col dominiu de les técniques a emplegar y coles habilidaes d´unu mesmu-, cotes d´axilidá, rapidez… sinón tamién conocer los requexos que nos aguarda en cada percorríu (marcha), esfrutar del paisaxe y sentir l´afán de superación cuando se llega al puntu de destín.

(more…)

Read Full Post »

PABLO R. GUARDADO

Esti vienres principia la tercer edición del Festival Arcu Atlánticu. Xosé Nel Riesgo Fernández (Avilés, 1963), direutor de la Fundación Municipal de Cultura, faló con Asturies.com del certame, la llingua asturiana y otres munches cuestiones.

¿Cuáles son les novedaes principales del Festival Arcu Atlánticu?
Voi principiar polo negativo, que ye que nesta ocasión nun va haber Campeonatu d’Asturies de Bandes de Gaites; hebo una primer edición, pero non una segunda. L’añu pasáu fiximos un gran esfuerciu pa trayer a dos escoceses con un currículum impresionante pal xuráu –ún pa gaita y otru pa percusión–, direutores de trés bandes caún, precisamente pa evitar los bilordios qu’hebo sobre si’l campeonatu yá taba dáu a una banda de Xixón: finalmente ganó Xácara, d’Uviéu. Nesta ocasión dalgunes que nun se fiaben l’añu pasáu presentáronse, pero’l númberu total yera de cinco, polo que decidimos nun celebrar esta segunda edición porque ye inaceptable acometer una inversión de 10 o 12.000 euros pa contar con namái cinco bandes de gaites participantes.

(more…)

Read Full Post »

LUJÁN PALACIOS

En zancos, moldeando cerámica, haciendo fotos, leyendo y disfrutando con la música del grupo Tuenda en directo. Así reivindicaron ayer cerca de medio centenar de alumnos gijoneses de Secundaria la llingua asturiana en una jornada a la que no le faltó de nada para empaparse en la cultura autóctona. Los “XI Alcuentros de la Mocedá cola Llingua” titulados “Saca la Llingua” se convirtieron ayer de nuevo en un acto multitudinario para celebrar el asturiano desde varias perspectivas.

Participaron los alumnos de llingua de 13 institutos gijoneses, enfrascados a lo largo de toda la mañana en varios talleres por los que fueron rotando los escolares en varios escenarios de la Laboral. Desde proyecciones de cortos en asturiano hasta talleres de fotografía, lecturas colectivas de “El Principín”, actividades musicales con el rap como protagonista y sesiones de juegos tradicionales a cargo del grupo “Seis Conceyos”. Fueron las actividades al aire libre las que más éxito cosecharon, como explicaba Ricardo Blimea, uno de los veteranos de los deportes rurales de la región. Los chavales pudieron afinar su puntería con la llave, con la pesca de botellas o el cascayu, además de poner en práctica sus habilidades con el equilibrio sobre los zancos de madera, y de esforzarse con el tiro de cuerda. También conocieron juegos tradicionales como el de “los enamorados”, que consiste en deshacer un enredo de cuerdas alrededor de las muñecas con el que “la gente aprovechaba para ligar hace no tantos años”, recordaba Blimea.

(more…)

Read Full Post »

La Oficina de Normalización Llingüística del Ayuntamientu de Xixón prepara la campaña “Les ventayes del billingüismu n’Asturies” empobinada a neños de cero a tres años con motivu del Día Internacional del Idioma Maternu que se celebra el 21 de febreru tolos años. La campaña ta basada nel desendolcu de bebé cuentos y delles otres actividaes nes escueles infantiles.

La Oficina de Normalización Llingüística del Ayuntamientu de Xixón venía organizando demientres ocho años consecutivos actividaes al rodiu d’esti día nos centros escolares d’Educación Primaria del Conceyu Xixón. (more…)

Read Full Post »

Los alumnos de Llingua Asturiana de terceru de la ESO del IES de Montevil resultaron ganadores del VI Concursu ‘Vas velo, trebeyos pal aula’ col xuegu ‘Que nun te pesquen’. Esti material didáuticu ta dedicáu al mundu de la mar y la pesca.

El concursu, nel que participen mozos y moces de los institutos de Xixón que dan clase de Llingua Asturiana, consiste na preparación de materiales escolares pa trabayar l’idioma nel aula. N’años anteriores les iniciatives ganadores tuvieron dedicaos a temátiques como l’Antroxu o la comida, pero nesta ocasión un xuegu dedicáu al mundu de la pesca y de la mar llevóse’l premiu, consistente na edición del material y un viaxe d’intercambiu cultural a Miranda de l Douro. (more…)

Read Full Post »

PABLO R. GUARDADO

Los bolos foi’l deporte escoyíu pola Oficina de Normalización Llingüística de Xixón pa protagonizar el pallabreru d’esti añu. L’espertu Carlos Suari Rodrigue (Avilés, 1982) encargóse de la ellaboración del quintu llibru d’esta serie.

¿Cómo recibió la llamada del Conceyu de Xixón pa ellaborar los conteníos d’esti pallabreru sobre los bolos?
De primeres la propuesta yera pa revisar el trabayu que dende la propia Oficina de la Llingua diben dir sacando. Propúnxe-yos una perspectiva nueva y cuando quixi dame cuenta, taba faciéndolu yo.

La so primer decisión foi centrar el llibru sobre manera nes modalidaes que se xueguen en Xixón.
Sí, d’eso diba’l cambiu de perspectiva del trabayu. Pola inmensidá de la bolística asturiana lo único vidable yera zarrar el llibru a la estaya xixonesa. Dientro d’ella habría que falar de modalidaes que son xixoneses, podemos dicir, de siempre; y otres que vinieron de fuera va poques décades. Les de Xixón ‘de tola vida’ son la cuatriada y el dexabolu. El batiente paez ser que se tien llegao a xugar en Serín, pero lo que sabemos de xuru ye que hebo paisanos que, dende les parroquies de contactu con Carreño, diben xugar a les batientes de llugares como Tabaza o El Valle. El bolu celta aportó cola xente que vieno, sobre too, de Tinéu, igual que’l bolu llionés aportó cola emigración llionesa a la ciudá. El bowling, bien se sabe, ye más cosa de les sales recreatives y los centros comerciales. (more…)

Read Full Post »

PABLO R. GUARDADO

La Oficina de Normalización Llingüística presento’l domingu’l ‘Pallabreru de los bolos de Xixón’, obra de Carlos Suari. Nel actu, l’edil Carlos Rubiera afaló a la Federación a contar n’asturianu nes partíes y frenar asina “una perda mui seria”.

“Veo que se ta perdiendo la costume de contar los bolos na llingua del país. Yo aprendí a contalos en Caldones viendo a los paisanos xugar depués de misa, pero agora en partíes importantes se siente ‘faltan tres bolos’. Esto ye una perda mui seria”, afirmó’l conceyal d’Educación, Cultura, Xuventú y Fiestes na so intervención na bolera del Muséu del Pueblu d’Asturies, llugar escoyíu pa la presentación del ‘Pallabreru de los bolos de Xixón’. Darreú, Rubiera pidió a la Federación Asturiana de Bolos que “faiga un esfuerciu” nesi sen pa que l’asturianu y los bolos sían “un too”. Los elementos que conformen la nuesa cultura tradicional nun van sobrevivir de manera independiente”, afirmó l’edil. (more…)

Read Full Post »

Entama’l plazu pa solicitar una beca de formación especializao pa la Oficina de Normalización Llingüística de la FMCEUP del Ayuntamientu de Xixón.

Les LLABORES especializaes a realizar son:
• Torna y correición de documentos.
• Collaboración nel diseñu y execución de programes, actividaes y campañes de promoción y normalización del asturianu.
• Realización de trabayos de campu venceyaos cola toponimia menor de Gijón/Xixón.

La beca ta convocada pola Fundación Municipal de Cultura, Educación y Universidá Popular y el plazu pa la presentación de les solicitúes ye del 1 al 15 de marzu de 2013.

TITULACIÓN ACADÉMICA:
Llicenciatura o diplomatura y cola titulación universitaria d’Especialista o Espertu/a en Filoloxía Asturiana obtenida nos caberos cinco años.

DOTACIÓN ECONÓMICA:
6.000 €.

ANEXU: Bases de la convocatoria.

(del Ayuntamientu de Xixón, 01-03-2013)

Read Full Post »

« Newer Posts - Older Posts »