Llaviana instala cartelos indicativos nuevos nos que s’emplega namái’l castellanu

PABLO R. GUARDADO

Pese a aprobar la Ordenanza Municipal d’Usu de la Llingua Asturiana hai xusto un mes, Llaviana ta instalando cartelos nuevos nos que l’asturianu nun tien presencia. Éstos tán colocándose per distintes zones del conceyu y empleguen namái’l castellanu.

‘Registro de la propiedad’, ‘Ayuntamiento’ o ‘Colegio Público Elena Sánchez Tamargo’ son dalgunos de los indicadores nuevos que s’instalaron nes selmanes últimes en Llaviana. René Durán, ciudadanu que s’encargó de puxar pola aprobación de la ordenanza del asturianu col sofitu políticu de Somos Llaviana, ta acabante de rexistrar un escritu nel Conceyu denunciando esta situación.

Read Full Post »

Sergio Buelga Casas gana’l Concursu de Narraciones Curties Conceyu Llaviana

El XII Concursu de Narraciones Curties Conceyu Llaviana, entamáu pola Oficina de Normalización Llingüística, yá tien ganadores. El xuráu, formáu por María García Fernández, Constantino Manuel Blanco González, Pablo Xuan Manzano Rodríguez, y Mónica Rodríguez Riesgo, decidió dar el primer premiu, dotáu con 400 euros, a Sergio Buelga Casas pol rellatu El cachu pan; el segundu premiu, dotáu con 150 euros, correspondió a Yose Álvarez-Mesa pola narración Onde Mundu.

(d’Asturnews, 13-12-2013)

Read Full Post »

Rodríguez Medina gana’l XI Concursu de Narraciones Curties Conceyu de Llaviana

PABLO R. GUARDADO

L’escritor entreguín Pablo Rodríguez Medina resultó ganador del XI Concursu de Narraciones Curties Conceyu de Llaviana pol so trabayu ‘L’alemán’. El segundu puestu foi pa Paula Pulgar Alves pol rellatu ‘Asia Box’.

Tres conformase col segundu premiu l’añu pasáu, Rodríguez Medina pudo desquitase nesta ocasión col trunfu nel concursu lliterariu llavianés y llevase una recompensa de 400 euros. El xuráu, formáu por María García Fernández, Constantino Manuel Blanco González, Pablo Xuan Manzano Rodríguez y Mónica Rodríguez Riesgo, escoyó a ‘L’alemán’ como la meyor obra d’ente toes les presentaes. Mentes, Pulgar Alves llevó los 150 euros col que ta dotáu’l segundu premiu.

Read Full Post »

Cuatro servicios de normalización llingüística permanecen pesllaos, según los trabayadores del sector

L”Asociación de Trabayadores de la Normalización Llingüística denunció esti martes públicamente que nesti momentu cuatro servicios de normalización llingüística permanecen zarraos, de lo que culpa a “la desconsideración, dexadez y falta de compromisu de los responsables de los conceyos” onde s”ubiquen. Asina, recuerda que la situación repítese tolos años en dellos conceyos que nun se quieren facer cargu d”esta prestación “mientres nun tengan les perres que los financien na mano”.

Al traviés d”un comunicáu, l”asociación esplica que “al empiezu del 2012 vemos cómo la Oficina de Normalización Llingüística del Conceyu de Llaviana, la de Corvera y la Oficina Cultural y Lingüística da Mancomunidá Ozcos-Eo tán ensin actividá nin trabayadores, amestándose asina al pieslle nel mes d”agostu de 2011 del Serviciu de Normalización Llingüística de Mieres”.

Read Full Post »

Llaviana busca felicitaciones navidiegues n’asturianu

La Oficina de Normalización Llingüística del Conceyu de Llaviana convocó’l so primer concursu d’ellaboración de postales de navidá en llingua asturiana, dirixíu a los alumnos de los centros d’educación primaria del conceyu.

Con esta iniciativa búscase “avanzar na dignificación social del asturianu nun ámbitu tan importante como l’educativu: fomentando la presencia de la llingua asturiana na aula, promoviendo la trasmisión xeneracional del asturianu y previniendo l’abandonu de la llingua materna”.

Read Full Post »