Feeds:
Antradas
Comentairos

Posts Tagged ‘Oficina Municipal de la Llingua del Ayuntamientu de Xixón’

PABLO R. GUARDADO

Un cuentacuentos, una esposición y la presentación d’un llibru conformen la programación n’asturianu de la IV Feria del Llibru Infantil y Xuvenil que se celebra en Xixón del vienres al domingu. El Centru Municipal Integráu Pumarín-Xixón Sur va acoyer toles actividaes.

El sábadu, a les 12.30 hores, va celebrase la primer d’elles. Trátase de la presentación del cuentu ‘Don Quixote y la Princesa del Arbeyu’ (Impronta), obra de Carlos González Espina y Alicia Varela, que va tener llugar na sala d’esposiciones. Olga Cuervo, mentes, va protagonizar el domingu, a les 11.30 hores noe aules 6-7 el cuentacuentos ‘Aquel viaxe estraordinariu (camudó al home solitariu)’, un homenaxe a George, Ringo, Paul y John, esto ye l’históricu grupu de música inglés The Beatles.

(more…)

Read Full Post »

PABLO R. GUARDADO

Carlos Rubiera encabezó esti xueves l’actu qu’entama la Oficina Municipal de la Llingua nun colexu xixonés pol Día de la Llingua Materna. L’edil detalló a un grupu d’escolinos y escolines del San Lorenzo l’amor de Xovellanos pol asturianu.

El colexu del centru de la ciudá foi l’escoyíu nesta ocasión pol serviciu de normalización llingüísticu xixonés p’acoyer les actividaes del Día Internacional de la Llingua Materna, que celebra per octavu añu consecutivu. Éstes tienen como oxetivu “dar a conocer la importancia de les llingües y la diversidá cultural ente los escolinos y les escolines, al tiempu que camienten sobre’l papel qu’ellos pues cumplir nel respetu y espardimientu de les llingües, entamando pola propia, l’asturianu”, afirma María Xosé Rodríguez López, responsable de la Oficina Municipal de la Llingua. (more…)

Read Full Post »

O. ESTEBAN

El objetivo es el «mantenimientu y proteición d’un patrimoniu llingüísticu y cultural que tien muncho peligru de perdese y que ye fundamental para conocer la historia de nuestru conceyu». Y la herramienta para lograrlo, hacer un estudio sobre la toponimia menor del concejo, de sus barrios y parroquias. Así lo decidió el pasado ejercicio el equipo de gobierno y así lo hizo la Oficina Municipal de la Llingua, que en el último trimestre de 2011 puso en marcha el proyecto. En realidad, abordó la primera parte de las labores, con un trabajo de campo para la recopilación de toda la toponimia menor. La intención es realizar una base de datos que recibirá la aprobación previa de la Xunta Asesora de Toponimia del Principado. (more…)

Read Full Post »

PABLO R. GUARDADO

María Jesús Prieto (Xixón, 1963) y Xulia Alonso (Xixón, 1975) son profesores d’asturianu nel Evaristo Valle. Los escolinos y escolines de quintu y sestu de Primaria d’esti colexu, a los que dan clase, tán acabantes de ganar el ‘Ruempi la Mollera’.

¿En qué consiste’l Concursu ‘¡Ruempi la mollera!’?
‘Ruempi la Mollera’ ye un xuegu-concursu d’entrugues y rempuestes organizáu pola Oficina Municipal de la Llingua del Ayuntamientu de Xixón, destináu a los escolinos y escolines del Tercer Ciclu de Primaria que tien l’oxetivu d’usar la llingua asturiana pa deprender coses de Xixón, del barriu, de persones relacionaes cola ciudá, curiosidaes… El concursu preséntase como una manera d’averar la llingua asturiana al alumnáu de Xixón al traviés de la cultura, los personaxes y la historia del conceyu.

Nes primeres convocatorias yeren ocho entrugues les que teníamos que responder a lo llargo’l cursu, pero la esperiencia foi demostrando que yeren munches y agora llevamos dos años nos que’l númberu redúxose a cuatro. Al entamu del xuegu, llega a les escueles participantes un panel onde van apegándose unes tarxetes coles entrugues y, poco a poco, otres tarxetes coles puntuaciones que vamos algamando tolos centros que participamos. Les entrugues mándenles cada dos meses, más o menos. Na nuesa escuela decidimos que repartiríamos les entrugues alternativamente ente los dos cursos del ciclu. Cuando damos cola solución, entama un trabayu d’investigación, de búsqueda d’información, pa depués repartirse n’equipos tres decidir y distribuyir los distintos apartaos que va tener el trabayu que vamos facer. Casi siempre, xunto a un trabayu escritu a mano –que nun debe ser mayor de 25 páxines, según les bases del xuegu– y nel que s’ argumenta y xustifica la rempuesta, presentamos una aportación plástica –maqueta, figures, dibuxos, xuegos…– como complementu. Cada rempuesta valórase de 0 a 3 puntos y tiense en cuenta, amás de dar cola rempuesta correuta, l’asturianu usáu, los dibuxos y que se vea que ta fecho a comuña, principalmente.

(more…)

Read Full Post »