Feeds:
Antradas
Comentairos

Posts Tagged ‘Organización de les Naciones Xuníes’

El Rellator Especial de Naciones Uníes sobre cuestiones de les minoríes, Fernand de Varennes, aconceyó esti sábadu col presidente d’Iniciativa pol Asturianu, Inaciu Galán, pa conocer la situación de los derechos llingüísticos de los falantes d’asturianu y, depués, emitir un informe.

Según indicó Iniciativa al traviés de nota de prensa recoyida por Europa Press, Varennes ta de visita oficial n’España estos díes y nel alcuentru Galán esplicó la situación del asturianu nel ámbitu educativu, nos medios de comunicación públicos, «y sobre manera nel ámbitu llegal, dándo-y datos al Rellator Especial sobre la falta de reconocencia oficial n’Asturies y Llión del idioma, tal y como establez l’artículu 3.2 de la Constitución Española».

(more…)

Advertisements

Read Full Post »

La votación llevada alantre n’internet nes primeres selmanes del añu, dio como “Meyor Noticia del Añu pal asturianu 2015” al anunciu de que l’asturianu va ponese a prueba como llingua vehicular en delles asignatures nun programa pilotu que quier poner en marcha la Conseyería d’Educación y Cultura.

Esta noticia, que dio a conocer Inaciu Galán, periodista y presidente d’Iniciativa pol Asturianu nel programa “Noche tras noche” de la RPA la nueche del llunes “supondría un importante pasu na normalización del asturianu y sobre manera, na tresmisión del idioma ente les nueves xeneraciones”, valoróse como la más importante del añu con un 38,1% de los votos. L’anunciu d’esti proyectu facíalu va unos meses el conseyeru Genaro Alonso y abre la espectativa d’una vieya reivindicación, la de que l’asturianu seya una llingua normal dientro del sistema educativu, de la que se faiga usu de forma tresversal.

(more…)

Read Full Post »

INACIU GALÁN

Nos años ochenta y primeros noventa, aquellos que queríen atacar al asturianu negaben la so esistencia. El trabayu contináu del que ye’l movimientu social más importante del periodu democráticu n’Asturies, el movimientu de reivindicación llingüística, consiguió que güei, nin siquiera los máximos enemigos de que la llingua asturiana tenga futuru, puedan negar la so esistencia ensin cayer nel ridículu. La sociedá asumió con normalidá la so propia realidá llingüística de forma mayoritaria. La ciencia ganó sobre los prexuicios llingüísticos y l’argumentariu falsu creáu polos enemigos de la diversidá llingüística.

Una vegada asumida esta esistencia y nun pudiendo negala, l’argumentu camudó y lo que se niega agora ye la esistencia d’un conflictu llingüísticu, la esistencia d’una falta de drechos pa una parte de la ciudadanía. Esti mesmu mes y como ye vezu cada comienzu del cursu, son dellos los neños y neñes a los que, contra lo que diz la llei, se-yos niega la posibilidá de recibir clases d’asturianu nes escueles ya institutos d’Asturies.

(more…)

Read Full Post »

LUPERCIO GONZÁLEZ

La lengua asturiana está en peligro de extinción. Así de crudo y así de claro. Lo dice la UNESCO, y el Alto Comisionado de la ONU para los Derechos Humanos ha lanzado una llamada de atención al respecto. Representantes de Iniciativa pol Asturianu participaron en el 29º Congreso de los Derechos Humanos organizado por la ONU en Ginebra, explicando la compleja situación de los hablantes de esta lengua.

Un idioma es más que una vía de comunicación. Es un patrimonio histórico, una inagotable fuente de riqueza cultural, una forma de ver la vida y de generar lazos en una comunidad. De ahí que cuantos más idiomas se manejen, mejor. Más allá de las evidentes ventajas para sociabilizar, está demostrado que las personas bilingües aprenden rápido, están más predispuestas a la multitarea y son más creativas a la hora de buscar soluciones. También son menos proclives a padecer enfermedades degenerativas como el Alzheimer. Por eso la pérdida de una lengua es una tragedia que, en el caso del asturiano, aún se puede evitar. En ello están en la organización Iniciativa pol Asturiano.

(more…)

Read Full Post »

PABLO R. GUARDADO

Segunda y cabera parte de la entrevista a Inaciu Galán y González (Xixón, 1986), presidente d’Iniciativa pol Asturianu, que va viaxar esta selmana a Suiza pa intervenir na ONX.

Nestos trés años, dende que nació Iniciativa pol Asturianu, ¿la situación del idioma vivió avances o retrocesos?
La situación ye mala y va peor, no que cinca a la vitalidá de la llingua y a que les autoridaes siguen ensin garantizar la llibertá de los ciudadanos pa qu’al terminar el sistema educativu puedan escoyer qué llingua falen, porque salgan bien formaos n’asturianu y castellán, y porque esista una oficialidá que garantice’l drechu a usala en tolos ámbitos.

Por embargu, el sofitu de cada vegada más partíos de tol espectru políticu y l’enorme consensu social a favor del asturianu, más d’un 60% de partidarios de la oficialidá según les encuestes, faenmos ser positivos al respective del futuru. Tamos a tiempu de cambiar la tendencia que lleva l’asturianu hacia la desapaición en poques décades y tamos enfotaos en que vamos consiguilo.

Nel ámbitu de la reivindicación ta faciéndose cada vegada un meyor trabayu. L’importante llabor reivindicativu de la Xunta pola Defensa de la Llingua Asturiana impulsando la manifestación cada añu; el llabor sectorial de Softastur, nel campu de la informática; de Reciella, families pol asturianu, cola tresmisión del idioma a los neños; y otres organizaciones d’otru tipu como El Ronchel, Ástura, El Teixu, N’Ast, Faceira y Furmientu en Lleón, grupos de trabayu dientro de los partíos, asociaciones, llocales sociales…

Hai un movimientu plural, ampliu y que ye exemplu de convivencia. Tovía mos queda, sí me paez, un pasu más, una mayor coordinación de tol movimientu.

(more…)

Read Full Post »

Una delegación d’Iniciativa pol Asturianu va participar esti xueves 25 de xunu na misión internacional que va tar presente nel 29 Conseyu de Drechos Humanos celebráu pol Altu Comisionáu de la Organización de les Naciones Xuníes (ONX).

Esta visita surde frutu del trabayu entamáu nel ámbitu internacional por esta organización y pola pertenencia de la mesma, como representante d’Asturies, a la entidá internacional European Language Equality Network (ELEN) formada por organizaciones en defensa de llingües en peligru de toa Europa.

Va unos meses Iniciativa pol Asturianu fizo públicu l’informe que s’apurriera a esti Altu Comisionáu de Drechos Humanos, preparáu pola Vocalía de Rellaciones Internacionales de la organización, dirixida por Xosé B. Álvarez. Agora ye’l momentu de la so defensa na sesión que dientro d’esti Conseyu va dedicase al cumplimientu de los Drechos Humanos n’España.

(more…)

Read Full Post »