Feeds:
Antradas
Comentairos

Posts Tagged ‘Pablo Pérez’

PABLO R. GUARDADO

Independientes por Noreña (IPÑ) y Foro sofitaron la ‘Ordenanza Municipal pal Usu de la Llingua Asturiana nel Conceyu de Noreña’ definitiva, presentada por Conceyu Abiertu por Noreña, “que garantiza los derechos de los asturfalantes”, apunta l’edil Pablo Pérez. IX astúvose, mentes que’l PSOE y el PP votaron en contra.

A pesar de que l’informe de Secretaría solicitáu por PP, PSOE y IX afitaba que’l Conceyu nun tenía competencia p’aprobar la ordenanza, l’equipu de gobiernu municipal nun s’echó atrás y finalmente la ciudadanía de Noreña va tener aseguráu’l so derechu a comunicase cola alministración na so llingua materna. La Llei d’Usu y Promoción del Bable/Asturianu y la garantía de la Direición Xeneral de Planificación Llingüística y Normalización de la so llegalidá llevó a IPÑ y a Foro a sofitar una normativa que venía apoyando dende que Conceyu Abiertu por Noreña presentara la posibilidá de desendolcala.

(more…)

Advertisements

Read Full Post »

L. ORDÓÑEZ

Sucedió el pasado jueves en el pleno del Ayuntamiento de Noreña y ante una iniciativa, en principio tan fácil de sumar consensos como una moción contra la ludopatía, y sin embargo terminó derivando en una polémica que retrasó por casi media hora el debate municipal. Ocurrió porque la propuesta fue presentada por el grupo Conceyu Abiertu por Noreña, con dos ediles en el consistorio, y como suele ser habitual fue leída en asturiano. Pero esto despertó las protestas de la única concejal del PP en el ayuntamiento, Marián Velasco, que exigió que fuera leída en castellano, aduciendo que no entendía algunas palabras y afirmando que el español era la única lengua oficial para ser usada en el pleno.

«Nosotros solemos presentar todas nuestras mociones de forma bilingüe, tanto en asturiano como en castellano, sobre todo porque los escritos en asturiano no los coge la secretaria pero cuando nos toca defender la moción en el pleno lo que hacemos es hablar en asturiano», explicó el concejal de Conceyu Abiertu Toño Martínez. Quien sufrió las protestas de la edil popular fue su compañero Pablo Pérez que se encontró con la exigencia de que cambiara su lectura oral. «Fue algo absurdo además porque delante tenía una fotocopia con el mismo texto en castellano», destacó Martínez quien atribuyó la polémica a «una táctica de beligerencia del PP contra el asturiano».

(more…)

Read Full Post »

Nel Plenu Municipal de Noreña d’esti 27 de setiembre, l’asturianu, y concretamente la palabra anguaño, foron protagonistes de la sesión. El motivu foi una pregunta del conceyal de Conceyu Abiertu, Pablo Pérez, al Gobiernu municipal sobre una petición fecha pol so partíu de poner una valla nel apeaderu de FEVE en Noreña, «dende’l pasu cebra hasta la qu’hai anguaño». Nesi momentu, Pérez foi interrumpíu por otra conceyala y pol alcalde de Noreña, César Movilla, que dixo qu’había muncha xente que nun lo entendía, «polo que-y pidiría qu’usara’l castellanu», dalgo a lo que se negó’l conceyal asturianista. (more…)

Read Full Post »

PABLO R. GUARDADO

La Xunta pola Defensa de la Llingua Asturiana fixo entrega del pegollu de los XXVII Premios Andrés Solar a los responsables del vinu Ḷḷumés. El so voceru, Carlos Pulgar, señaló que “ye tiempu de cumplir la llei y facer pola normalidá del idioma”.

El Centru de Cultura Antiguu Institutu acoyó l’actu d’entrega de los premios que lleven el nome del escritor de Deva, eventu qu’aconceyó a numberosu públicu. Naciu Varillas foi l’encargáu de presentar esta ceremonia que, como ye vezu, contó cola presencia de familiares de Solar. Tres un introducción breve de Varillas, Iris Díaz Trancho, secretaria del xuráu encargáu de decidir les persones o entidaes merecedoras de los dos gallardones que componen los premios, destacando’l consensu pa otorgar el madreñazu d’esta edición a César Movilla Anta, alcalde de Noreña, “pola so actitú repetida de rechazu al usu de la llingua asturiana nel ámbitu de la so competencia, vulnerando d’esta manera tanto los derechos de la ciudadanía xeneral como la de los sos llexítimos representantes democráticos”. Al nun apaecer el premiáu, como ye habitual nesti gallardón, Varillas señaló que los miembros de la XDLA van facer por unvialu a la Casa Conceyu de Noreña. (more…)

Read Full Post »

Los votos contrarios del PSOE y Ideas, y l’astención de FAC y PP, torgaron una moción de Conceyu Abiertu por Noreña pa que’l Plenu aceptara mociones n’asturianu. L’ALLA y N’Ast mostráronse mui críticos colos socialistes.

Nuna primer votación de la moción presentada la selmana pasada pol conceyal nacionalista Pablo Pérez, hubo un empate ente a cinco votos: los 4 del PSOE, que tien l’alcaldía, y el del so sociu de gobiernu, Ideas, polos 3 d’Independientes por Noreña (3) y el del Frente de la Izquierda y Conceyu Abiertu por Noreña. Un empate que pudo desfacese colos votos del edil del PP o’l de FAC, l’asturianista Inaciu Iglesias, pero dambos astuviéronse. Yá nuna segunda votación, repitióse’l resultáu, polo que foi l’alcalde, César Movilla, el que decidió torgar la moción “en base a que nun tenía cuestión d’urxencia”, esplica l’Asociación Cultural N’Ast. (more…)

Read Full Post »

MARÍA CUETO / IVÁN CUEVAS

Falábemos va unos meses de cómo la conculcación de los derechos llingüísticos de los falantes d’asturllionés nun aparaba en tiempu d’elecciones. De la que se ronden los habituales primeros cien díes de gobiernu, parez que yá ye hora de reflexionar sobre cómo quedó la cuestión llingüística depués del 22 de mayo. Y el panorama, a dicir verdá, nun parez más fácil agora de lo que pintaba primero de los comicios.

Dos fechos especialmente graves marcaron estos díes. El primeru foi la retirada d’una moción municipal de Pablo Pérez, representante de Conceyu Abiertu por Noreña, por tar escrita n’asturiano. El segundu, l’anuncia del conceyal de cultura llionesa de Llión, Juan Pablo García, de que se va retirar tola documentación billingüe realizada pol anterior gobiernu. Los dos casos, quiciabes en parte por producise nos meses de verano, tuvieron una respuesta tímida de los movimientos de reivindicación llingüística (mayor, anque con un aquel protocolariu, nel casu de Noreña). Con too y con esto, nun ye pa caer embaxo qu’estos dos nuevos ataques representen lo pior del argumentariu actual contra les llingües minorizaes. (more…)

Read Full Post »

Pa N’Ast, asociación en defensa de la cultura y llingua asturianes, énte’l casu de la retirada del Plenu d’una moción por tar n’asturianu “cualesquier organización cívica realmente comprometiía cola materialización efeutiva de los drechos llingüísticos tien el deber de pronunciase, denunciando públicamente lo qu’implica la presencia del PSOE nos espacios de decisión istitucional del País”. L’actuación represiva del alcalde de Noreña “haza l’exerciciu d’un drechu ciudadanu por parte del conceyal de Conceyu Abiertu por Noreña, tien que contestualizase na “normal” práutica caciquil del PSOE qu’ehí onde gobierna adopta un plantegamientu “patrimonialista” de les instituciones despreciando tanto a la ciudadanía activa como a la realidá cultural del País”, esplica l’asociación.

N’Ast agradez la “coherencia” del conceyal de Conceyu Abiertu, Pablo Pérez, al considerar “que la meyor manera de facer pola normalización social de la llingua dende les instituciones nun consiste tanto en lleer dellos poemes nunos díes señalaos sinón el facer un usu permanente del asturianu en tou’l trabayu institucional. Y desgraciadamente esa coherencia, que n’otres realidaes nacionales ye un fechu normal y tresversal a tola sociedá, nel casu d’Asturies lo habitual ye que rellume pola so ausencia”.

(d’Infoasturies, 08-08-2011)

Read Full Post »

Older Posts »