L’asociación Reciella-Families pol Asturianu presenta’l vídeo de ‘Espoxiga’, un títulu que coincide col lema del VI Día de la Reciella y que ta compuestu por Pop Piquiñín –la versión n’asturianu del exitosu grupu infantil asturianu, Petit Pop–.
El Día de la Reciella ye un eventu festivu de tipu familiar organizáu pola asociación Reciella, nel que durante un día completu, dende pela mañana hasta pela nueche, sucédense actividaes, talleres, conciertos y exhibiciones deportives que tienen como nexu l’usu del asturianu como llingua vehicular, indica l’asociación al traviés de nota de prensa.
