Paco Álvarez ye’l primer ganador del Premiu Xosé Caveda y Nava

L’escritor Paco Álvarez (Xixón, 1970) resultó ganador de la primera edición del Premiu de Relatos Curtios ‘Xosé Caveda y Nava’, convocáu pol Conceyu de Villaviciosa y que cunta con una dotación económica de 1000 euros.

El xuráu, formáu polos escritores Marta Mori de Arriba, Miguel Rodríguez Monteavaro y Miguel González Pereda, actuando como secretario Pablo Suárez Fernández, del Serviciu de Normalización Llingüística de la Comarca de la Sidra, decidió por unanimidá conceder el premiu al relatu tituláu ‘Mar d’Irlanda’, del que destacó la so rigurosa documentación histórica y cultural, la orixinalidá del tema dientro de la lliteratura asturiana y lo cuidao del estilu.

Read Full Post »

El Paraninfu de la Universidá va acoyer la entrega de los Premios Lliterarios el 14 d’avientu

El Paraninfu del Edificiu Históricu de la Universidá d’Uviéu va acoyer el xueves 14 d’avientu próximu la entrega de los Premios Lliterarios del Gobiernu d’Asturies. Van ser cinco categoríes; Premiu ‘Xosefa Xovellanos’ de Novela, Premiu ‘Xuan María Acebal’ de Poesía, Premiu ‘Máximo Fuertes Acevedo’ d’Ensayu, Premiu ‘María Josefa Canellada’ de Lliteratura Infantil/Xuvenil y Premiu ‘Alfonso Iglesias’ de Cómic, amás del Premiu de Teatru Nel Amaro, que s’entrega pela primer vez.

Berta Piñán ye la ganadora de la 38 edición del Premiu Xosefa Xovellanos de novela n’asturianu, gallardón que concede la Conseyería d’Educación y Cultura y que ta dotáu con 3.000 euros. Foi gracies a ‘Como la muda al sol d’una llagartesa’, onde a partir d’un fechu criminal, l’autora percuerre distintos aspectos de la sociedá asturiana d’anguaño, sobre too del mundu rural.

La ventésima tercera edición del Premiu Xuan María Acebal de Poesía recayó nel escritor Pablo X. Suárez (nome artísticu de Pablo Suárez Fernández). Ente les obres presentaes, concédese por unanimidá conceder al poemariu tituláu ‘Little Babilonia’, destacando “el nivel llingüísticu y estilísticu, y la brillantez de les imáxenes d’un testu que xuega y entemez la tradición más clásica coles referencies más pop”.

Read Full Post »

Pablo X. Suárez gana’l Premiu Xuan María Acebal de Poesía

La ventésima tercera edición del Premiu Xuan María Acebal de Poesía n’asturianu, qu’entama’l Gobiernu d’Asturies, recayó nel escritor Pablo X. Suárez (nome artísticu de Pablo Suárez Fernández). El premiu, dotáu con 3.000 euros, Ente les obres presentaes, concédese por unanimidá conceder al poemariu tituláu ‘Little Babilonia’.

El xuráu encargáu de valorar les trece obres finalistes tuvo presidíu pol director xeneral de Planificación Llingüística y Normalización, Fernando Padilla Palicio, y integráu polos escritores María Ángeles Carbajal Roza, Raquel Fernández Menéndez, Ana Isabel Medina Zarabozo, Xuan Santori Vázquez y Xosé Miguel Suárez Fernández.

Read Full Post »

Cursín d’asturianu n’El Remediu – Nava

El Serviciu de Normalización Llingüística de la Comarca de la Sidra, en collaboración cola Asociación Vecinal d’El Remediu, continúa la so programación de cursos d’asturianu na Comarca y abre’l plazu pa la inscripción nun nuevu Cursu Básicu de Llingua Asturiana de 30 hores de llargor n’El Remediu (Nava) que se va impartir los llunes y los miércoles de 17:30 a 19:00 nos locales del Centru Social d’El Remediu, ente’l 4 d’abril y el 6 de xunu de 2016. El plazu d’inscripción tará abiertu hasta’l propiu 4 d’abril, y los interesaos puen apuntase poniéndose en contactu col Serviciu de Normalización Llingüística de la Comarca de la Sidra (teléfonu -de 9:00 a 15:30 de llunes a xueves-: 985 71 84 13; email: normastur@lacomarcadelasidra.com o bien cola Asociación Vecinal d’El Remediu nel mail lenarviado@gmail.com: . Les clases serán puestes por Pablo Suárez Fernández, filólogu, especialista en llingua asturiana y responsable del Serviciu de Normalización Llingüística de la Comarca de la Sidra.

(del ComarcaJoven, 18-03-2016, vía e-mail)

Read Full Post »

Cursín d’asturianu nel Atenéu Obreru de Villaviciosa

El Serviciu de Normalización Llingüística de la Comarca de la Sidra, en collaboración col Atenéu Obreru de Villaviciosa, continúa peruartu añu consecutivu la so programación de cursos d’asturianu nel conceyu maliayu y abre’l plazu pa la inscripción nesti Cursu Básicu de Llingua Asturiana, que se va impartir los llunes y los miércoles de 17:30 a 19:00 nos locales del Atenéu, ente’l 18 de xineru y el 23 de marzu de 2016. El plazu d’inscripción tara abiertu hasta’l propiu 18 de xineru, y los interesaos podrán apuntase poniéndose en contactu col Serviciu de Normalización Llingüística de la Comarca de la Sidra (teléfonu -de 9:00 a 15:30 de llunes a xueves-: 985 71 84 13; email: normastur@lacomarcadelasidra.com o bien col propiu Atenéu de Villaviciosa mail: ateneovillaviciosa@gmail.es.

Les clases serán puestes por Pablo Suárez Fernández, filólogu, especialista en llingua asturiana y responsable del serviciu de normalización llingüística de la comarca de la sidra.

(de Villaviciosa Hermosa, 08-01-2016)

Read Full Post »

Cursu d’Asturianu nel conceyu maliayu

El Serviciu de Normalización Llingüística de la Comarca de la Sidra, en collaboración col Atenéu Obreru de Villaviciosa, continúa per tercer añu consecutivu la so programación de cursos d’asturianu nel conceyu maliayu y abre’l plazu pa la inscripción nesti Cursu Básicu de Llingua Asturiana, que se va impartir los llunes y los miércoles de 17:30 a 19:00 nos locales del Atenéu, ente’l 6 d’abril y el 10 de xunu de 2015.

El plazu d’inscripción tara abiertu hasta’l propiu 6 d’abril de 2015, y los interesaos podrán apuntase poniéndose en contactu col Serviciu de Normalización Llingüística de la Comarca de la Sidra (teléfonu -de 9:00 a 15:30 de llunes a xueves-: 985 71 84 13; email:normastur@lacomarcadelasidra.com o bien col propiu Atenéu de Villaviciosa mail: secretaria@ateneovillaviciosa.es. Les clases serán puestes por Pablo Suárez Fernández, filólogu, especialista en llingua asturiana y responsable del serviciu de normalización llingüística de la comarca de la sidra.

(d’Asturnews, 19-03-2015)

Read Full Post »

Cursos n’asturianu nel Atenéu de Villaviciosa

El Serviciu de Normalización Llingüística de la Comarca de la Sidra, en collaboración col Atenéu Obreru de Villaviciosa, entama la so programación de cursos n’asturianu nel conceyu maliayu y abre’l plazu pa la inscripción nos cursos de Llingua Asturiana I (Nivel Basicu) y Llingua Asturiana II (Nivel Avanzáu).

El plazu d’inscripción tará abiertu hasta’l 21 de febreru, y los interesaos podrán apuntase poniéndose en contactu col Serviciu de Normalización Llingüística de la Comarca de la Sidra (tfnu: 985 718 413, email: normastur@lacomarcadelasidra.com o bien col propiu Atenéu de Villaviciosa mail: secretaria@ateneovillaviciosa.es.

Read Full Post »