Posted in Asturies, Música, Xixón, tagged Ígor Medio, Boni Pérez, Carlos Redondo, Cazurrín, DRD, El Tamar, Felpeyu, García, Ismael Tomás, Lavandera, Llorián García, Los Izquierdos, Los Testigos, Lucas y Los Patosos, Luis Dadá, Mariluz Cristóbal Caunedo, Medication/2, Moonglow, Morales, Nacho Vegas, Pauline en la Playa, Pizarro, Radio Fox, Rubén Ardura, Rubio, Ruma Barbero de Diego, Seu, The Traveling Zoo, Toli Morilla, Tuenda on Júnio 28, 2013|
Leave a Comment »
PABLO R. GUARDADO
La música asturiana va homenaxar a Igor Medio y Carlos Redondo esta fin de selmana. Más de venti grupos van actuar n’once llocales xixoneses nesta edición de N’Alcordanza pa recordar a dos persones “fundamentales” na escena.
Asina definió a los dos ‘felpeyos’ Boni Pérez nel actu de presentación del eventu que tuvo llugar ayeri nel Café Trisquel y nel que’l músicu tuvo acompañáu polos otros dos organizadores d’esta iniciativa que yá cumple siete años, Rubén Ardura y Ruma Barbero. Los trés decidieron dar un pasu alantre na edición nueva de ‘N’Alcordanza d’Igor y Carlos’ y convertila nuna cita reivindicativa y nun homenaxe a los llocales que programen música en direuto. “Pensamos que yera mui interesante xuntar les dos variables nes que los dos músicos movíense tradicionalmente, el folk y el rock, pero non separtaos, como otros años, sinón amestaos, porque la xente tien munchos gustos diferentes”, esplicó Ardura, qu’añadio que tanto a Igor como a Carlos “prestaría-yos muncho qu’esta cita sirviera pa reivindicar la música asturiana dende’l puntu de vista llaboral y como seña d’identidá; como industria cultural”. Pa ello, enantes de cada actuación, va lleese un manifiestu nel que se demanden trés puntos básicos, que resumió Barbero en que “tien qu’acabase que les y los trabayadores de la música coticen el día que toquen; “que los músicos tienen que tener un sitiu onde espresase y onde tocar”; y “que ye necesario un circuitu profesional n’Asturies y que les instituciones cuenten cola música asturiana como una industria asturiana más”. (more…)
Read Full Post »
Tierra alantre, la mesma fala 