Feeds:
Antradas
Comentairos

Posts Tagged ‘Paulino Feito’

La presidenta del Consell Nacional de la Joventut de Catalunya y los presidentes de la Joventut de Les Illes Balears, del Euskadiko Gazteriaren Kontseilua y del Conseyu de la Mocedá del Principáu d’Asturies (CMPA), firmaron n’Uviéu, el domingu 10 de mayu, un manifiestu conxuntu en reivindicación del reconocimientu del plurillingüismu del Estáu español.

(more…)

Read Full Post »

Jesús Iglesias, voceru parllamentariu d’IX-BA-Verdes na Xunta Xeneral del Principáu, caltuvo un alcuentru col presidente del Conseyu de la Mocedá del Principáu, Conceyu de la Mocedá del Principáu, Paulino Feito pa esplicar el desenrrollu de la ponencia del Estatutu y escuchar les demandes de la sociedá asturiana, n’esti casu de los xóvenes, n’esti procesu de reforma. Iglesias y Feito coinciden na necesidá de que l’Estatutu reformáu incluya la participación ciudadana y una Carta de Drechos Sociales, qu’especifique la vivienda como drechu soxetivu, ente otres cuestiones. La oficialidá del asturianu foi otra de les reclamaciones presentaes pol presidente del CMPA.

Paulino Feito agradeció a IX-BA-Verdes esti conceyu y resumió les sos demandes en que: l’Estatutu tenga una mención espresa a les polítiques de mocedá, se fale del desenrrollu personal y social de los mozos, la normativa dirixida a facilitar l’accesu al trabayu, la vivienda y la formación profesional, del mesmu mou, la capacidá de diseñar, desenrrollar y evaluar polítiques autonómiques destinaes a esti segmentu de la población y promocionar la participación xuvenil y la movilidá internacional. Del mesmu mou, ye importante que tea nel Estatutu’l drechu soxetivu a una vivienda digna, que podría tar recoyíu nuna carta de drechos sociales y civiles. Nesi sen recordó que los xóvenes asturianos son, según les estadístiques, los últimos n’emancipase.

El presidente del Conceyu de la Mocedá tamién recordó que dende va décades la mocedá asturiana demanda la oficialidá del asturianu. “Ye la última oportunidá y nun se pue dexar pasar. La oficialidá nun ye un tema del pasáu nin del presente, sinón de futuru a la vista de la demanda, afirmó Feito.

Dempués d’escuchar a Feito, el voceru d’IX-BA-Verdes aseguró que la reforma del Estatutu asturianu nun pue facese d’espaldes a la sociedá, enzarrados ente les paredes del palaciu de la Xunta Xeneral, sinón que se debe facer d’una forma abierta, escuchando a la sociedá vertebrada.

(d’Asturnews, 04-07-2008)

Read Full Post »