González Orejas anuncia la incorporación “gradual” del asturianu nos informativos de TPA

“Nel plazu de tiempu más curtiu posible, nun digo selmanes, pero sí meses, mui pronto, pue haber información diaria y selmanal en llingua asturiana” nos informativos de TPA, anunció Francisco González Orejas, direutor xeneral en funciones de RTPA. D’esta forma l’ente va facer cumplimientu de la propuesta de resolución presentada por Podemos sobre la presencia del idioma nel ente aprobada pola Xunta Xeneral nel Alderique d’Orientación Política Xeneral celebráu’l mes pasáu.

Na mesma, presentada por Podemos y apoyada pola Federación Socialista Asturiana (FSA-PSOE), Partido Popular (PP), Asturies pela Izquierda (IX-IAS) y el diputáu de Foro, Pumares –votaron en contra Ciudadanos y VOX, y astuviéronse Pedro Leal y Luis Armando Fernández Bartólome–, encamentábase al Conseyu de Gobiernu a “tomar toles midíes necesaries pa garantizar la presencia de les llingües propies d’Asturies na programación de la RTPA, con un tratamiento dignu, global y permanente”. “Nos dos conseyos d’alministración últimos falóse d’esto”, apuntó güei González Orejas na Comisión de Presidencia a una entruga del diputáu moráu Rafael Palacios, considerando que por dignu “ye que tenga un tratamientu dignificáu y entendemos, anque pue haber opiniones que nun tea enteramente d’alcuerdu, que nos programes s’utiliza de forma digna l’asturianu”, y por global y permanente “que se trataba de los informativos”.

Read Full Post »

La Xunta Xeneral encamienta al Gobiernu a que’l B2 y el C1 puntúen como méritu nes oposiciones docentes

PABLO R. GUARDADO

Cola oposición única de Ciudadanos y VOX, amás de la de Pedro Leal y Luis Armando Fernández Bartólome, aprobóse la propuesta de resolución de la Federación Socialista Asturiana (FSA-PSOE) con respeuto a les pruebes de certificación de Llingua Asturiana adaptaes al Marcu Común Européu de Referencia pa les Llingües. Solicitábase que nes próximes oposiciones docentes puntuaren como méritu.

Con 43 de los 45 votos posibles emitíos –ún d’ellos foi telemáticu–, la propuesta de resolución socialista presentada pa la tercer y última sesión del Alderique d’Orientación Política Xeneral del añu llexislativu 2022-2023 qu’encamentaba al Conseyu de Gobiernu “a modificar la normativa de les oposiciones a la mayor rapidez posible pa que les certificaciones de conocimientu de la llingua asturiana que s’acreiten per aciu d’un esame entamáu pola Conseyería d’Educación puntúen como méritu nes oposiciones docentes próximes que s’organicen nel Principáu” salió ayeri alantre con 37 votos a favor y 6 en contra. Sofitaron esta iniciativa’l Partido Popular (PP), Podemos, Asturies pela Izquierda (IX-IAS), el diputáu de Foro Adrián Pumares y la vocera de Ciudadanos, Susana Fernández Álvarez.

Read Full Post »

“Esiste una campaña de persecución de los falantes d’asturianu que tien na Xunta Xeneral l’epicentru”, asegura Sánchez Vicente

PABLO R. GUARDADO

La Xunta Xeneral acoyó esti xueves les comparecencies informatives de la Comisión de Reglamentu pa modificar la norma de la Cámara pal usu del asturianu. Énte l’ausencia de VOX, Ciudadanos garró’l testigu pa desviar l’alderique d’un mou “perversu”, como afirmó’l caderalgu de Derechu Constitucional, Francisco Bastida.

El motivu de la sesión yera conocer la opinión d’espertos sobre la propuesta d’Asturies pela Izquierda de modificación del artículu 11 del Reglamentu de la Xunta Xeneral pa qu’ésti esprese “nel marcu de lo dispuesto pol Estatutu d’Autonomía y, nel so casu, pola llexislación que lo desendolque, tanto los diputaos nel exerciciu de les sos funciones parllamentaries como cualquier otra persona que compareza énte la Cámara podrán utilizar el bable/asturianu”, cola fin d’evitar asina que se-y pueda torgar a naide l’emplegu de la llingua asturiana nel Parllamentu, como asocedió esta llexislatura en delles ocasiones tres la intervención de la conseyera Berta Piñán na Comisión de Cultura, Política Llingüística y Turismu pa dar a conocer los planes del so departamentu. La coalición presentó como comperenciantes al propiu Bastida, a Xosé Antón González Riaño, presidente de l’Academia de la Llingua Asturiana; al escritor y ex diputáu Xuan Xosé Sánchez Vicente; y al historiador Faustino Zapico, mentes que’l Partido Popular (PP) llamó a Alejandro Huergo, caderalgu de Derechu Alministrativu.

Read Full Post »

PSOE, Podemos e IU abren la puerta a la reforma para usar el asturiano en la Junta

JUAN A. ARDURA

El asturiano entra de lleno en la agenda política del Parlamento regional desde el inicio de esta legislatura. El PSOE, Podemos e IU han apoyado y sacado adelante la toma en consideración de la reforma del reglamento de la Cámara, que había presentado la coalición, para dar cobertura al uso de la llingua en la Junta General. “El hito que se ha producido es que por primera vez alguien ha dicho en esta Cámara que no entiende el asturiano y no que la consejera de Cultura hablase en llingua”, defendió la portavoz socialista, Dolores Carcedo en un debate en el que el portavoz de Vox, Ignacio Blanco, realizó su intervención con una montera picona para demostrar “que no tengo ningún complejo de inferioridad como ha dicho el señor Barbón”.

Pablo González, del PP, lamentó los “teatros” alrededor del asturiano y sostuvo que “al margen de las vísceras, aquí se habla de seguridad jurídica” al tiempo que basó la negativa de su grupo en varias consideraciones recogidas por los servicios jurídicos de la Cámara en su informe sobre el empleo del asturiano en el Parlamento.

Read Full Post »

Política Llingüística va poner un modelu d’oficialidá enriba la mesa nun añu pa empezar l’alderique na Xunta

“Camiento que pa depues del branu, igual un poco primero, podamos ofrecer esi modelu cola nuesa propuesta d’alderique y colos costos que pueda llevar y los sos beneficios”, aseguró Antón García. El direutor xeneral de Política Llingüística participó esti martes na Comisión de Cultura, Política Llingüística y Turismu.

“Como la nuesa propuesta va ser una propuesta modesta y realista, axustada a la realidá sociollingüística d’Asturies, ye posible inclusive que consigamos superávit nesi modelu d’oficialidá que vamos ofrecer”, siguió García tres recordar les llinies d’ayudes qu’ufre’l Gobiernu estatal a les llingües oficiales y tamién la Xunión Europea. Asina, nos meses próximos, va reunise “colos grupos políticos representaos na Xunta Xeneral y distintes partes de la sociedá civil, como asociaciones favorables a la normalización del asturianu, empresarios, sindicatos…, pa dir pulsando lo que piensen, dir aprovechando les sos opiniones y dir sumándolu a esi modelu d’oficialidá que queremos aportar al alderique”.

Read Full Post »

L’Estatutu nun se va reformar esta llexislatura pa incluyir la oficialidá

L’Estatutu d’Autonomía d’Asturies nun se va reformar na llexislatura presente pa incorporar la oficialidá del asturianu y del gallego-asturianu, como pretendíen Podemos y IX. Los grupos parllamentarios Socialista, Popular, Foru y Ciudadanos sumaron esti vienres una mayoría de 30 escaños pa refugar tomar en consideración la proposición nel plenu de la Xunta Xeneral.

Depués d’una parada de media hora pa participar na concentración pola conmemoración del Día Internacional contra la Violencia sobre les Muyeres, la sesión retomóse col debate sobre la la reforma estatutaria pa incorporar la oficialidá.

Read Full Post »

El Proyectu 2018 de la XDLA suma apoyos ente partíos y la universidá

Foro, Podemos y Izquierda Xunida (IX) amosaron el sábadu en Xixón el so sofitu al ‘Proyectu 2018 pola Oficialidá’, cola presencia destacada de l’alcadesa Carmen Moriyón. El rector Santiago García Granda apuntó na so intervención que la Universidá “ta comprometida y apoya la oficialidá”.

Una carpa instalada na cai Tomás y Valiente sirvió pa una presentación que, nun primer momentu, taba prevista pal Festival Arcu Atlánticu y que s’aplazó pola negativa d’Ana Montserrat López Moro, conceyala d’Educación y Cultura, y Raquel Huergo, direutora de la Fundación Municipal de Cultura, Educación y Universidá Popular de permitila por considerala política, una posición que Moriyón refugó díes depués. Sicasí, el cambiu de fecha permitió que’l ‘Proyectu 2018 pola Oficialidá’ ganara en visibilidá y sumara más apoyos entovía, como amosó l’amplia representación de partíos políticos, sindicatos, coleutivos y ámbitos académicos que tuvo l’actu.

Read Full Post »

L’asturianismu sal a la cai pola llingua

P. A. MARÍN ESTRADA

Unes dos mil persones, según la organización, y unes cuatrocientes, según la Policía Nacional, desfilaron ayer peles calles d’Uviéu convocaes pola Xunta pola Defensa de la Llingua embaxo el llema: «L’asturianu llingua oficial. El futuru nes nuestres manes». Al pesar de les nubes n’acesmu, el tiempu respetó a los manifestantes qu’a lo llargo del percorríu de la marcha llanzaron conseñes a favor de la oficialidá, animaos pol son de les gaites qu’abríen camín. Nesta ocasión los convocantes apurríen a la so movilización l’anuncia de la iniciativa que tenten entamar na Xunta Xeneral al través del compromisu d’un grupu de diputaos pa echar andar una posible reforma estatutaria pela vía del Artículu 56.1.

La iniciativa lleva’l nome de ‘Proyectu 2018 pa la oficialidá’ y inda el colectivu pola defensa de los derechos llingüísticos caltién, según dexó dicho nel comunicáu que se lleó a la fin de la manifestación, que cuenta «col compromisu d’un grupu, ampliu y plural, de más d’una cuarta parte de los diputaos», l’acoyida de la mesma yera recibida con dellu escepticismu nel somantu de los grupos aparentemente más favoratibles a ella, según se pudo comprebar en falando con dellos de los sos representantes que participaron na marcha.

Read Full Post »

“El procesu de recuperación llingüística ye irreversible”, asegura Cano

PABLO R. GUARDADO

La presidenta de l’ALLA, Ana María Cano, amosóse crítica nel so discursu pol XXXVII Día de les Lletres Asturianes contra aquellos que reprimen a la llingua asturiana, pero recordó que “el procesu de recuperación llingüística ye irreversible”. Anunció la creación del Premiu Nacional de Lliteratura Asturiana, de calter triañal.

El Teatru Campoamor acoyó un añu más l’actu institucional de l’Academia de la Llingua Asturiana (ALLA), qu’esti añu contó cola actuación del grupu de rock en gallego-asturiano Bacotexo, llingua na que Cano comenzó’l so discursu. Asina, tres saludar a los presentes, destacó que “el Academia entende a Asturias non como úa mera entidá alministrativa, sinón como un país que configura úa realidá histórica integral. Esta consideración é importante porque lleva ben axina a que os graves problemas cos que cargamos todos os asturianos y asturianas (económicos, sociales y culturales) teñan que ser encaraos dende úa perspeutiva política, de política asturiana, y non dende plantiamentos esclusivamente ‘téunicos’ o ‘alministrativos’”.

Read Full Post »