Posted in Asturies, Música, Política lhenguística / Política llingüística, Xixón, tagged Alfredo González, Juan Duarte, Nel Suárez, Pedro Santiago, Rafa Lorenzo, Silvia Quesada, Vrienden, Xurde Fernández on Febreiro 17, 2014| Leave a Comment »
El Teatru de Llaboral Ciudá de la Cultura (Xixón) va acoyer el vienres 14 de marzu (19.30 hores) la Gala d’entrega del VIII «Premiu al Meyor Cantar» en llingua asturiana o gallego-asturianu. Nel trescursu d’esti actu, y depués de l’actuación en directu de los cuatro finalistes, un xuráu formáu por espertos en música y llingua asturiana va escoyer el cantar ganador de la presente edición del premiu. Opten al gallardon:
Rafa Lorenzo, con Ente mazanos (lletra: Rafa Lorenzo)
Compositor de más de cuatrocientos cantares en castellán y asturianu, el cantautor Rafa Lorenzo Antón empecipió bien aína la so carrera musical. Tres de fundar el grupu Jekes cuando yera entá estudiante de Bachilleratu nel so Tinéu natal, en 1975 entama la so carrera como cantautor, percorriendo cola so voz y la so guitarra numberosos locales y sales d’Asturies, Llión, Galicia, Madrid… Tien publicaos siete trabayos discográficos, que fueron apaeciendo ente 1997 y 2013 de la mano de distintos sellos: «La otra Asturies» (FonoAstur, 1997); «A camín» (FonoAstur, 2011); «Sou vaqueiru» (Grabaciones Pola, 2003); «Pabirún, pabirún» (Trabe, 2005); «Primos hermanos» (Editora Discográfica del Principáu, 2007); «Voi pa la braña» (Editora del Principáu, 2010) y «A fierro y fueu», editáu nel 2013 y nel que ta incluyida la composición Ente mazanos, cola que va competir el 14 de marzu na final del Premiu al Meyor Cantar. (more…)
Tierra alantre, la mesma fala 