El Principáu edita un manual de cultivu ecolóxicu n’asturianu y gallego-asturianu

La Dirección Xeneral de Política Llingüística, la Rede de Normalización Llingüística nos Conceyos y el Conseyu de la Producción Agraria Ecolóxica d’Asturies (Copae) ellaboraron la publicación ‘Cultivu del güertu ecolóxicu n’Asturies’/’Cultivo del horto ecolóxico en Asturias’, una guía práctica pal cultivu ecolóxicu editada n’asturianu y gallego-asturianu.

Read Full Post »

Xilberto Llano gana’l María Josefa Canellada de lliteratura infantil y xuvenil

La obra Boliescritu de primavera, de Xilberto Llano Caelles, foi galardonada col premiu María Josefa Canellada de lliteratura infantil y xuvenil n’asturianu na so decimocuarta edición.

El xuráu quixo destacar del trabayu de Llano Caelles “el tratamientu del tema del confinamientu de 2020 dende una perspectiva orixinal y ensin cayer en tópicos”, amás de la so “alta calidá lliteraria y el bon usu de la llingua asturiana”. L’acta del xuráu resalta tamién “el nivel xeneral de calidá calidable de les obres presentaes y la diversidá de perspectives qu’aborden”.

Read Full Post »

Lena repartirá 5.000 pegatinas “pa quitar el mieu a los nenos y nenes” a ir al médico

El Serviciu de Normalización Llingüística de L.lena pone en marcha una campaña por la que se van a repartir pegatinas en el Centro de Salud de La Pola a los niños y niñas que acudan a la consulta de Pediatría. Con la iniciativa se pretende premiar a los más pequeños de la casa con un regalo, en reconocimiento a su valentía, con diseños en los que aparecen leyendas en asturiano como “Soi mui grande”, “Toi alicando”, “Nun lloré” o “Pórtome de mieu”.

Se distribuirán un total de 5.000 pegatinas, según adelantó el concejal de Política Llingüística, David Suárez, y la responsable de la oficina, Penélope Miranda, en el acto de presentación, que tuvo lugar al mediodía de este viernes, 4 de enero, en el Ayuntamiento.

(de La Voz de Lena, 03-01-2020)

Read Full Post »

Principáu y SNL coinciden na necesidá de “repensar” la formulación de la política llingüística nos conceyos

Los Servicios de Normalización Llingüística (SNL) y la Dirección Xeneral de Política Llingüística del Gobierno asturianu coincidieron esti miércoles na necesidá de “repensar la formulación” d’estes entidaes pa da-y estabilidá tanto a nivel llaboral como de proyectos.

Asina lo indicó la responsable del Serviciu de L.lena, Penélope Miranda, en declaraciones a Europa Press depués de que’l personal técnicu responsable de los Servicios de Normalización municipales aconceyara col director xeneral, Antón García.

Nel alcuentru participaron los servicios existentes: Xixón, Avilés, Llangréu, Cangas, Navia-Eo, Os Ozcos, Llaviana, L.lena, Corvera y Llanera. Otra manera, nestos momentos servicios como los de Mieres, Siero, Cabu Peñes o Samartín del Rei Aurelio nun tán en funcionamiento.

Read Full Post »

El seminariu d’Iniciativa va centrase en ‘reflexones y casos d’ésitu’ pa “dar lluz sobre les cuestiones que tán discutiéndose al rodiu la oficialidá”

PABLO R. GUARDADO

L’ex presidente Antonio Trevín, el xurista Leopoldo Tolivar Alas y l’ex conseyeru y ún de los padres del estatutu gallegu Víctor Manuel Vázquez Portomeñe son dalgunos de los participantes nel II Seminariu ‘Oficialidá, el camín constitucional pal futuru del asturianu’. Ésti va tratar de “dar lluz sobre les cuestiones que tán discutiénsose al rodiu la oficialidá”, asegura Inaciu Galán.

La tarde del vienres y la mañana del sábadu l’Edificiu Históricu de la Universidá d’Uviéu va tornar a acoyer a espertos de dellos campos p’aldericar sobre la oficialidá del asturianu. La esperiencia del añu pasáu, con aforu completu y esperiencies mui arriquecidores, anima a Iniciativa pol Asturianu a repetir modelu nun momentu clave, a les puertes de les eleiciones del día 26, enfocándolu nesta ocasión en ‘reflexones y casos d’éstiu’.

Read Full Post »

L’asturianu, ¿camín del desaniciu o a aldu de la recuperación?

Depende. Podíemos tar énte la recuperación del idioma. Pero tamién nel camín que lleva al so desaniciu definitivu. Según la perspeutiva y, tamién, según la voluntá y l’actitú de quien analice la situación actual del asturianu y del gallego-asturianu. “Si garramos un ramal topamos un idioma residual, con una perda de falantes, de vocabulariu, un idioma más probe y con poques posibilidaes de revertir la situación pela qu’altraviesa”, defende Penélope Miranda, de L’Asociación de Trabayadores de la Normalización Llingüística.

Afita, sicasí, que na otra cara de la moneda ábrese “un camín onde tenemos una oportunidá de facer un idioma fuerte, de recuperar la dignidá llingüística, de trabayar la tresmisión ente xeneraciones, de da-y entidá alministrativa, tan necesaria na normalización”. Y p’algamar esi oxetivu la vía ta clara: “El trabayu de normalización nun contestu d’oficialidá”.

Read Full Post »

Aprender a hablar como los “güelos”

CARMEN M. BASTEIRO

-¿Qué ye esto?

-Una oveya.

Los alumnos de la escuela de bebés El Nial de Pola de Lena trabajan en un proyecto pionero en la región para trasmitir a las nuevas generaciones el asturiano. Se trata de una iniciativa que promueve, a través de juegos, el uso de la llingua entre los pequeños de la casa y favorece el conocimiento del vocabulario. Lo curioso de este programa es que, en la escuela lenense, los bebés (de entre uno y tres años) aprenden la variante del municipio. Se trata de una variación de la llingua muy extendida entre los mayores del concejo y que la Administración local no quiere que se extinga. Así que los pequeños aprenderán a hablar como los “güelos” y ayer tuvieron la primera lección: el tema central eran los animales.

Read Full Post »

Los primeros datos del III Estudiu Sociollinguísticu d’Asturies anunciaránse nes selmanes próximes

PABLO R. GUARDADO

El mes de xunu ye la fecha que se manexa pa la espublización de los primeros datos del III Estudiu Sociollingüísticu d’Asturies, encargáu pola ALLA a Francisco José Llera Ramos. El caderalgu de Ciencia Política foi ún de los compareciente de la sesta sesión de la Comisión Especial d’Estudiu sobre’l Réxime de Proteición y Promoción del Asturianu na Xunta Xeneral.

Xunto col caderalgu de Ciencia Política, intervinieron nesta ocasión Xabiel González Menéndez, presidente de Xeira; José Manuel Pérez Fernández, lletráu del Tribunal Constitucional y profesor titular de Derechu Alministrativo de la Universidá d’Uviéu; l’espertu gastronómicu Lluis Nel Estrada; el biólogu Bertu Ordiales; el sacerdote José Manuel García de Jesús ‘Pin’, presidente del Coleutivu Manuel Fernández de Castro; Carlos Pulgar, voceru nacional de la Xunta pola Defensa de la Llingua Asturiana (XDLA); Fernando Álvarez-Balbuena, vicepresidente de l’asociación El Teixu-Rede pal Estudiu y Defensa de la Llingua Asturllionesa; y Penélope Miranda, vocera de l’Asociación de Trabayadores de la Normalización Llingüística. Nesta ocasión tuvieron representaos toles formaciones polítiques, anque’l del PP s’ausentó mientres una bona parte de la sesión.

Read Full Post »

La RPA fadrá programación especial na Selmana de les Lletres

La emisora pública asturiana RPA va emitir a lo llargo de la Selmana de les Lletres, ente’l llunes 4 y el vienres 8 de mayu, una programación especial por cuenta d’esta efeméride. Trátase d’una propuesta fecha dende Goxe Producciones que consiste nun paquete de quince pieces d’una duración de diez minutos, nelles van tratase temes como: 40 años de Conceyu Bable, historia de la llingua asturiana, la so situación na enseñanza, la creación lliteraria, la normalización social, la tresmisión xeneracional, la reivindicación llingüística, la música asturiana, el gallego-asturianu o los premios lliterarios del Gobiernu d’Asturies.

En formatu de reportaxe van tratándose toos estos asuntos, cola participación de más de trenta intervinientes de los más variaos campos, casu de Xosé Lluis García Arias, Xuan Xosé Sánchez Vicente, Lluis Xabel Álvarez, Ana Cano, Xulio Viejo, Penélope Miranda, Ramón d’Andrés, David Guardado, Iris Díaz Trancho, Pablo Xuan Manzano, Antón García, Esther Prieto, Ingnaciu Llope, Ismael Arias, Nacho Fonseca o Yolanda Huergo, ente otros munchos. De les quince pieces cinco van dedicase a ufiertar l’axenda diaria d’actos entamaos per toa Asturies que tienen como protagonista a la XXXVI Selmana de les Lletres, a dar una recomendación lliteraria y a una entrevista especial con profesionales d’ámbitos estremaos que falen n’asturianu del so llabor y esperiencies, ente ellos l’actriz María Cotiello, el deportista Fernando González o’l cocineru Lluis Nel Estrada; quierse con ello dar una visión de normalidá na comunicación en llingua asturiana, amosando’l so valir como ferramienta d’espresión válida pa la sociedá actual.

Read Full Post »

«La vida increíble», de Quique Faes, lleva’l Xosefa Xovellanos

El periodista Quique Faes y la novela La vida increíble resultaron ganadores de la trixésimu tercer edición del Premiu de Novela Xosefa Xovellanos en llingua asturiana, que concede la Conseyería d’Educación, Cultura y Deporte. El xuráu que concedió esti gallardón, baxo la presidencia de la directora xeneral de Política Llingüística, Ana María Fueyo, contó cola participación de el escritores Xandru Fernández, Ignaciu Llope y Penélope Miranda.

Otres seis noveles optaben a esti premiu, dotáu con 4.000 euros. Ente les obres presentaes, el xuráu decidió por unanimidá conceder el premiu al testu tituláu La vida increíble, al valorar que se trata d’una novela perbién construida, con unos personaxes claramente definíos y qu’afre a la lliteratura asturiana horizontes temáticos nuevos. El testu ganador foi presentáu sol seudónimu Belarmino Malospelos.

Read Full Post »